ព័ត៌មានសំខាន់ៗអំពីកម្ពុជាមានដូចជា មន្ត្រីសិទ្ធិមនុស្សរិះគន់ការចុះតាមដានរបស់ប៉ូលិសលើការជួបជុំគ្នានៅថ្នាក់មូលដ្ឋាន។ រីឯព័ត៌មានអន្តរជាតិវិញមានដូចជា គណបក្សប្រជាធិបតេយ្យលាតត្រដាងគោលនយោបាយការបរទេស។ មេដឹកនាំប្រឆាំងរុស្ស៊ីចូលព្យាបាលនៅមន្ទីរពេទ្យក្រោយពីធ្លាក់ខ្លួនឈឺលើយន្តហោះដែលសង្ស័យថាជាការបំពុល។ ករណីឆ្លងកូវីដ១៩សរុបនៅវៀតណាម បានកើនលើស១.០០០ករណី។ ចិនថា ហុងកុងនឹងព្យួរការសហការខាងផ្លូវច្បាប់ខ្លះជាមួយសហរដ្ឋអាមេរិក។ ផ្សារហ៊ុននៅអាស៊ីនិងអឺរ៉ុបធ្លាក់ចុះ ដោយសារការព្យាករណ៍សេដ្ឋកិច្ចមិនល្អពីធនាគារកណ្តាលអាមេរិក។ ពលរដ្ឋអាមេរិកថ្មីដែលដាក់ពាក្យសុំជំនួយពេលអត់ការងារប្រចាំសប្តាហ៍កើនលើស ១លាននាក់វិញ។ ប៉ូលិសថៃចាប់ខ្លួនអ្នកចម្រៀង rap និងសកម្មជនបន្ថែមទៀត នៅក្នុងការបង្ក្រាបបាតុកម្ម៕