ព័ត៌មានអំពីកម្ពុជាមានដូចជា ក្រុមហ៊ុនធំៗដែលបញ្ជាទិញផលិតផលសម្លៀកបំពាក់ជំរុញឲ្យកម្ពុជាអភិវឌ្ឍថាមពលស្អាត ខណៈបង្ហាញក្តីបារម្ភលើរោងចក្រអគ្គិសនីដុតធ្យូងថ្ម។ ទណ្ឌកម្មពាណិជ្ជកម្មរបស់អឺរ៉ុបមកលើកម្ពុជាចាប់ចូលជាធរមាន។ ព័ត៌មានអន្តរជាតិមានដូចជា សេដ្ឋកិច្ចប្រទេសអង់គ្លេសមានការធ្លាក់ចុះខ្លាំងជាងគេក្នុងចំណោមប្រទេសដែលមានសេដ្ឋកិច្ចខ្ពស់។ ស្ត្រីមួយក្រុមថា គេនឹងវាយបកចំពោះការរិះគន់ប្រកាន់ភេទចំពោះលោកស្រី Kamala។ ចិនរិះគន់អាមេរិកចំពោះទស្សនកិច្ចទៅកាន់តៃវ៉ាន់ ខណៈកូវីដ១៩ កំពុងឆ្លងរាលដាលនៅអាមេរិក។ មនុស្ស ១.០០០ នាក់ ត្រូវបានចាប់ឃុំខ្លួននៅក្នុងការតវ៉ាប្រឆាំងនឹងលទ្ធផលបោះឆ្នោតប្រធានាធិបតីនៅបេឡារុស។ នាយករដ្ឋមន្ត្រីថៃថា បាតុករធ្វើហួសហេតុពេកដែលចង់«ធ្វើកំណែទម្រង់របបរាជានិយម»៕
