ព័ត៌មានអំពីកម្ពុជាមានដូចជា កងសន្តិសុខ បំបែកក្រុមអ្នកតវ៉ាប្រឆាំងការចាប់ខ្លួនលោក រ៉ុង ឈុន និងបណ្តាលឲ្យយុវតីពីរនាក់ រងរបួស។ ព័ត៌មានអន្តរជាតិវិញមានដូចជា អ្នកបោះឆ្នោតនៅរដ្ឋ ៥ របស់អាមេរិកជ្រើសរើសបេក្ខជនបក្សសម្រាប់ការបោះឆ្នោតខែវិច្ឆិកា។ រដ្ឋមន្ត្រីសុខាភិបាលអាមេរិកនឹងធ្វើទស្សនកិច្ចជាប្រវត្តិសាស្រ្តនៅកោះតៃវ៉ាន់ ដែលធ្វើឲ្យចិនខឹងសម្បារ។ សារធាតុអាម៉ូនីញ៉ូមនីត្រាត ដែលសង្ស័យថាបង្កឲ្យមានការផ្ទុះនៅរដ្ឋធានីបេរូត ជាមូលហេតុនៃការផ្ទុះជាច្រើនដងរួចមកហើយ។ ការតវ៉ាគាំទ្រលទ្ធិប្រជាធិបតេយ្យនៅថៃកាន់តែខ្លាំងក្លាជាងមុន។ វៀតណាមថា ការចម្លងជំងឺកូវីដ១៩ អាចគ្រប់គ្រងបាននៅតំបន់ឆ្លងដំបូង ប៉ុន្តែឆ្លងរាលដាលទៅកន្លែងផ្សេងទៀត។ សេចក្ដីរាយការណ៍នានាថា មានការផ្ទុះជាបន្តបន្ទាប់នៅជាប់ព្រំដែនកូរ៉េខាងជើង៕
