ព័ត៌មាន​អំពី​កម្ពុជា​មាន​ដូចជា ក្រុម​អង្គការ​សង្គម​ស៊ីវិល​ទាមទារ​ឲ្យ​ដោះលែង​លោក រ៉ុង ឈុន ខណៈ​ពលរដ្ឋ​បន្ត​តវ៉ា។ ព័ត៌មាន​អន្តរជាតិ​វិញ​មាន​ដូចជា គណបក្ស​ទាំងពីរ​នៅ​សហរដ្ឋអាមេរិក​នៅ​តែ​ខ្វែង​គំនិត​គ្នា​អំពី​កញ្ចប់​ថវិកា​ជំនួយ​ថ្មី​សម្រាប់​វិបត្តិ​ជំងឺ​កូវីដ១៩។ អវកាសយានិក​ពីរ​នាក់​របស់​អង្គការ NASA ត្រឡប់​មក​ដល់​ផែនដី​វិញ ដោយ​ប្រើ​យាន​របស់​ SpaceX។ ជំងឺ​កូវីដ១៩ ឆ្លង​រាលដាល​លើ​នាវា​ទេសចរណ៍​របស់ Norway។ រដ្ឋធានី​ម៉ានីល​ត្រូវ​បិទ​សកម្មភាព​សង្គម​ឡើង​វិញ ដោយសារ​កំណើន​ករណី​ឆ្លង​ជំងឺ​កូវីដ១៩​។ ការ​ជជែក​ដេញដោល​គ្នា​អំពី​ថា​តើ​នរណា​គួរ​ទទួល​បាន​វ៉ាក់សាំង​បង្ការ​ជំងឺ​កូវីដ១៩​ មុន​គេ បាន​ចាប់​ផ្ដើម។ ក្រុម​គណបក្ស​ចម្រុះ​នៅ Venezuela ជំទាស់​នឹង​ការ​បោះឆ្នោត​រដ្ឋសភា​នៅ​ពេល​ខាង​មុខ។ នាវា​ចម្បាំង​ឥណ្ឌា​និង​សហរដ្ឋអាមេរិក​ធ្វើ​សមយុទ្ធ​រួមគ្នា៕