ព័ត៌មានអំពីកម្ពុជាមានដូចជា អ្នកភូមិមួយនៅខេត្តសៀមរាបធ្វើរូបមេអំបៅ ចាប ទា ឃ្មុំ ពីដូងដើម្បីរកចំណូលបន្ថែម។ មន្រ្តីកម្ពុជាថ្លែងការពារកិច្ចព្រមព្រៀងពាណិជ្ជកម្មសេរីជាមួយចិន។ កម្ពុជារកឃើញអ្នកដំណើរឥណ្ឌាម្នាក់មានផ្ទុកកូវីដ១៩។ ព័ត៌មានអន្តរជាតិវិញមានដូចជា ប្រធានមជ្ឈមណ្ឌលប្រយុទ្ធនឹងជំងឺឆ្លងរបស់ចិនបានចាក់វ៉ាក់សាំងកូវីដ១៩សាកល្បង។ បុគ្គលិកសុខាភិបាលប្រេស៊ីលចោទប្រធានាធិបតីពីបទឧក្រិដ្ឋធ្វេសប្រហែសក្នុងវិបត្តិកូវីដ១៩។ អេស្ប៉ាញប្រតិកម្មនឹងការណែនាំធ្វើដំណើររបស់អង់គ្លេសនិងអាល្លឺម៉ង់ថាជាការរើសអើង។ សពរបស់លោក John Lewis ត្រូវតម្កល់ជាសាធារណៈនៅវិមានសភាក្នុងរដ្ឋធានីវ៉ាស៊ីនតោន។ រដ្ឋមន្ត្រីយុត្តិធម៌អាមេរិករំពឹងនឹងការពារវិធានការឆ្លើយតបលើបាតុករ៕
