ព័ត៌មានអំពីកម្ពុជាមានដូចជា បុរសខ្មែរ២៦នាក់ទៀតឆ្លងកូវីដ១៩ នាំឲ្យចំនួនឆ្លងសរុបមាន១៩៧នាក់ រួមទាំងអាមេរិកាំង២នាក់។ កម្ពុជា-ចិនបញ្ចប់កិច្ចព្រមព្រៀងពាណិជ្ជកម្មសេរី ដោយភាគីទាំងពីរថាមានអត្ថប្រយោជន៍សម្រាប់ប្រជាជន។ តុលាការព្រមានលោក កឹម សុខា មិនឲ្យប្រើសិទ្ធិហួសការកំហិតរបស់តុលាការ។ ព័ត៌មានអន្តរជាតិវិញមានដូចជា នាវាចម្បាំងរបស់ឥណ្ឌា និងសហរដ្ឋអាមេរិកធ្វើសមយុទ្ធយោធារួមគ្នានៅមហាសមុទ្រឥណ្ឌា។ លោក Trump នឹងបញ្ជូនកងកម្លាំងសហព័ន្ធទៅតាមទីក្រុងផ្សេងៗទៀតដើម្បីបង្ក្រាបបាតុកម្មប្រឆាំងការរើសអើងជាតិសាសន៍។ ចិនព្រមានពីផលវិបាកផ្នែកពាណិជ្ជកម្ម បន្ទាប់ពីអង់គ្លេសដាក់បម្រាមលើក្រុមហ៊ុន Huawei រឿងបច្ចេកវិទ្យា 5G។ សហរដ្ឋអាមេរិកនិងអង់គ្លេសកាន់តែមើលឃើញពីបញ្ហាដែលបង្កឡើងដោយរដ្ឋាភិបាលចិន។ ជំងឺកូវីដ១៩ ឆ្លងរាតត្បាតដល់ទីក្រុងមួយទៀតនៅក្នុងប្រទេសចិន៕
