ព័ត៌មានអំពីកម្ពុជាមានដូចជា ផ្លូវទៅកាន់តំណែងនាយករដ្ឋមន្ត្រីរបស់លោក ហ៊ុន ម៉ាណែត។ អង្គការការពារអ្នកកាសែតទទូចឲ្យតុលាការទម្លាក់ចោលបទចោទលើអតីតអ្នកកាសែតអាស៊ីសេរីនិងអ្នកបកប្រែឲ្យសារព័ត៌មានរុស្ស៊ី RT។ តុលាការកំពូលសម្រេចឲ្យកាត់ក្តីឡើងវិញលើសំណុំរឿងលោក រ៉ាត់ រត្នមុនី ដោយសារការកាត់ក្តី«មិនត្រឹមត្រូវ»។ ព័ត៌មានអន្តរជាតិវិញមានដូចជា ឥណ្ឌាបិទសកម្មភាពសង្គមជាថ្មីនៅតំបន់ខ្លះ ខណៈកូវីដ១៩បានឆ្លងដល់ពលរដ្ឋជិត១លាននាក់។ ក្រុងតូក្យូដាក់ការប្រុងប្រយ័ត្នខ្ពស់ ខណៈករណីឆ្លងកូវីដ១៩ថ្មីបន្តកើនឡើង។ ចិនប្តេជ្ញាសងសឹកក្រោយលោក ដូណាល់ ត្រាំ បញ្ចប់ឋានៈអនុគ្រោះពិសេសសម្រាប់ក្រុងហុងកុង។ សកម្មជនវ័យក្មេងហុងកុងឈ្នះភាគច្រើនក្នុងការបោះឆ្នោតបឋមគាំទ្រលទ្ធិប្រជាធិបតេយ្យ៕
