ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បទសម្ភាសន៍ VOA៖ ឥទ្ធិពល​នៃ​ការ​អនុម័ត​ច្បាប់​សន្ដិសុខ​ជាតិ​ក្រុង​ហុងកុង


ទាញ​យក​ពី​តំណភ្ជាប់​ដើម

រដ្ឋសភា​ប្រទេស​ចិន​បាន​អនុម័ត​ច្បាប់​សន្តិសុខ​ជាតិ​ដ៏​ប្រទាំង​ប្រទើស​មួយ​សម្រាប់​ទីក្រុង​ហុងកុង ដែល​សហរដ្ឋ​អាមេរិក និង​សកម្មជន​ទាមទារ​ប្រជាធិបតេយ្យ​នានា​ជឿ​ថា នឹង​ច្រោះ​យក​សេរីភាព​របស់​ទីក្រុង​ហុងកុង​បន្ថែម​ទៀត។ ច្បាប់​ថ្មី ដែល​បាន​អនុម័ត​កាល​ពី​ថ្ងៃ​អង្គារ​ ដោយ​គណៈកម្មាធិការ​អចិន្ត្រៃយ៍​នៃ​រដ្ឋសភា​ចិន​នេះ ស្នើ​ឲ្យ​រដ្ឋាភិបាល​កណ្ដាល​នៅ​ក្នុង​ទីក្រុង​ប៉េកាំង​បង្កើត​ការិយាល័យ​សន្តិសុខ​ជាតិ​មួយ​នៅ​ក្នុង​ទីក្រុង​ហុងកុង ក្នុង​គោល​បំណង​ទប់ទល់​នឹង​សកម្មភាព​ផ្ដួល​រំលំ​រដ្ឋ​អំណាច អំពើ​ភេរវកម្ម ការ​ផ្ដាច់​ខ្លួន និង​ការ​ឃុបឃិត​ជាមួយ​នឹង​កង​កម្លាំង​បរទេស។ ចំណុច​លម្អិត​ពិត​ប្រាកដ​នៃ​ច្បាប់​ថ្មី​នេះ​មិន​ទាន់​ត្រូវ​បាន​ផ្សព្វផ្សាយ​នៅ​ឡើយ​ទេ។ លោក Steve Miller អ្នក​យក​ព័ត៌មាន​របស់ VOA បាន​សម្ភាស​អ្នកស្រី Rhea Mogul ដែល​ជា​អ្នក​យក​ព័ត៌មាន​នៅ​ទីក្រុង​ហុងកុង ដែល​តាមដាន​ហេតុការណ៍​នៅ​ទីនោះ អំពី​ទិដ្ឋភាព​ទូទៅ​នៅ​ក្នុង​ទីក្រុង​ហុងកុង និង​ឥទ្ធិពល​នៃ​ការ​អនុម័ត​ច្បាប់​នេះ។ លោក ជឹង ប៉ូជីន និង​អ្នកស្រី ហុង ចិន្ដា ប្រែសម្រួល​បទសម្ភាសន៍​នេះ​៕

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG