ព័ត៌មានសំខាន់ៗអំពីកម្ពុជាមានដូចជា អង្គការសិទ្ធិមនុស្សចំនួនបីអំពាវនាវឲ្យរដ្ឋាភិបាលកម្ពុជាលុបចោលការផ្តល់ដីសម្បទានឲ្យក្រុមហ៊ុនចិននៅខេត្តព្រះវិហារ។ ជនរងគ្រោះថា កម្ពុជាគួរប្រារព្ធទិវាថា្នក់ជាតិ ដើម្បីរំឭកការចងចាំអំពីរបបប្រល័យពូជសាសន៍។ រីឯព័ត៌មានអន្តរជាតិសំខាន់ៗមានដូចជា ប្រទេសឡាវនៅតែបន្តសាងសង់ទំនប់វារីអគ្គិសនីលើទន្លេមេគង្គ ថ្វីបើប្រទេសជិតខាងបង្ហាញក្តីកង្វល់អំពីផលប៉ះពាល់ក្តី។ ការស្ទង់មតិបង្ហាញថា លោក Joe Biden ទទួលបានសំឡេងគាំទ្រនាំមុខពីក្រុមពលរដ្ឋអាមេរិកាំងវ័យចំណាស់៕