ព័ត៌មានសំខាន់ៗអំពីកម្ពុជាមានដូចជា៖ លោក សម រង្ស៊ី រិះគន់លោក ហ៊ុន សែន រឿងចាប់សកម្មជនគណបក្សជំទាស់នៅកម្ពុជា។ តុលាការខេត្តសៀមរាបសង្ស័យថា ព្រះអង្គ លួន សុវ៉ាត ដែលជាសកម្មជនសង្ឃមួយរូប ប្រព្រឹត្តបទល្មើស «រំលោភសេពសន្ថវៈ» ខណៈព្រះអង្គបដិសេធការចោទប្រកាន់រឿងសន្ទនាស្នេហា។ ប្រទេសស៊ុយអែតប្រកាសបង្វែរជំនួយសម្រាប់កម្ពុជា ផ្តោតលើគំនិតផ្តួចផ្តើមគាំទ្រលទ្ធិប្រជាធិបតេយ្យ។ ព័ត៌មានអន្តរជាតិសំខាន់ៗមានដូចជា អ្នកចូលរួមពិធីរំឭកការបង្ក្រាននៅទីលាន Tiananmen រួមមានមហាសេដ្ឋីបណ្តាញព័ត៌មានមួយរូប ប្រឈមបទចោទប្រកាន់របស់ប៉ូលិស។ ឥណ្ឌា មានករណីឆ្លងជំងឺកូវីដ១៩ ជាង១ម៉ឺននាក់ ក្នុុងរយៈពេល២៤ម៉ោង កាលពីថ្ងៃសុក្រ។ លោក Putin ប្រធានាធិបតីរុស្ស៊ី បង្ហាញខ្លួនជាសាធារណៈលើកទី១ នៅពិធីបុណ្យឯករាជ្យរុស្ស៊ី ចាប់តាំងពីដើមខែឧសភាមក៕
