អតីតអ្នកសាធារណរដ្ឋខ្មែររំឭកពីពលិកម្មពលរដ្ឋខ្មែរក្រោយរដ្ឋប្រហារ១៨មីនាឆ្នាំ១៩៧០
នៅថ្ងៃទី១៨ ខែមីនា គឺជាខួបលើកទី៥០នៃរដ្ឋប្រហារទម្លាក់សម្តេចព្រះ នរោត្តម សីហនុ ពីប្រមុខរដ្ឋនៃប្រទេសកម្ពុជា ហើយបង្កើតរបបសាធារណរដ្ឋមួយនៅក្នុងប្រទេសកម្ពុជា។ របបដែលគាំទ្រដោយសហរដ្ឋអាមេរិកនោះបានកាន់អំណាចតែប្រាំឆ្នាំ ហើយបានធ្លាក់ចូលក្នុងដៃក្រុមកុម្មុយនីស្តខ្មែរក្រហម។ អ្នកដែលចូលរួមក្នុងពេលនោះបានស្នើឱ្យពលរដ្ឋកម្ពុជានៅចងចាំពលិកម្មរបស់និស្សិតបញ្ញវ័ន្តខ្មែរដែលចង់បានសេរីភាពនិងរបបនយោបាយប្រជាធិបតេយ្យដោយមិនក្រោមចំណុះប្រទេសជិតខាង។ លោក ម៉ែន គឹមសេង នៃវីអូអេបានសម្ភាសលោក ឱក សឿម អតីតអ្នកតំណាងរាស្ត្រដែលចូលរួមបោះឆ្នោតទម្លាក់សម្តេចព្រះ នរោត្តម សីហនុ និងក្រោយមកបានបន្តកាន់ការជាសមាជិកសភាធម្មនុញ្ញមុននឹងលោកលាលែងនាពេលក្រោយមក៕
