ប្រទេសកូរ៉េខាងត្បូង បានជួបប្រឈមនឹងការកើនឡើងយ៉ាងខ្លាំងនូវការឆ្លងមេរោគកូរ៉ូណាវីរុស ក្នុងរយៈពេលមួយសប្តាហ៍កន្លងមកនេះ។ ស្របពេលដែលករណីឆ្លងកំពុងកើនឡើង រដ្ឋាភិបាលកូរ៉េខាងត្បូងកំពុងធ្វើឲ្យមានភាពងាយស្រួលកាន់តែខ្លាំងឡើង សម្រាប់ពលរដ្ឋក្នុងការទទួលបានការធ្វើតេស្តរកមេរោគកូរ៉ូណាវីរុស។ គិតត្រឹមកាលពីថ្ងៃសុក្រសប្តាហ៍មុន កូរ៉េខាងត្បូងបានធ្វើតេស្តមនុស្សប្រហែល ៨ម៉ឺននាក់។ មនុស្សជាច្រើនបានធ្វើតេស្តនៅគ្លីនិកពិនិត្យមេរោគកូរ៉ូណាវីរុសដោយមិនចាំបាច់ឲ្យអ្នកបើកបរចុះពីរថយន្ត ឬ Drive through Clinic។ លោក Bill Gallo នៃ VOA និង Hyungjin Kim អ្នកកាសែតវីដេអូផ្សាយជាភាសាកូរ៉េ រាយការណ៍អំពីរឿងនេះ។ លោកជឹង ប៉ូជីន ប្រែសម្រួលសេចក្តីរាយការណ៍។