បទសម្ភាសន៍ VOA៖ ខ្មែរអាមេរិកាំងថាប្រទេសហត្ថលេខីសន្ធិសញ្ញាសន្តិភាពទីក្រុងប៉ារីស ត្រូវដោះស្រាយរឿងខ្មែរឡើងវិញ
លោក អ៊ូ ប៉េងសាន តំណាងគណៈកម្មាធិការរដ្ឋមីនីសូតា សម្រាប់ឃ្លាំមើលការអនុវត្តន៍សន្ធិសញ្ញាទីក្រុងប៉ារីសឆ្នាំ១៩៩១ បានថ្លែងថា កិច្ចព្រមព្រៀងទីក្រុងប៉ារីសដែលនិយាយអំពីសន្តិភាព អធិបតេយ្យភាព បូរណភាពដែនដី ប្រជាធិបតេយ្យ សេរីពហុបក្ស ការគោរពសិទ្ធិមនុស្ស មិនត្រូវបានគោរពទេ។ នៅថ្ងៃប្រារព្ធខួបលើកទី២៨ នៃសន្ធិសញ្ញានេះ លោកអំពាវនាវដូចក្នុងសេចក្តីសម្រេចរបស់គណៈកម្មាធិការរបស់លោកដែរ ដើម្បីឲ្យប្រទេសហត្ថលេខីទាំង១៨ឲ្យគិតគូរក្នុងការជួយប្រទេសកម្ពុជាឡើងវិញ។ លោក សុខ ខេមរា នៃ VOA បានជួបសម្ភាសជាមួយលោក អ៊ូ ប៉េងសាន តាមទូរសព្ទពីរដ្ឋមីនីសូតា៕
