ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បទសម្ភាសន៍ VOA៖ ចំណេះដឹង និង​បទពិសោធន៍​ពី​កម្មវិធី «ទស្សនកិច្ចរាយការណ៍» (Reporting Tour) នៅក្នុង​ស.រ.អា


ទាញ​យក​ពី​តំណភ្ជាប់​ដើម

ជារៀងរាល់ឆ្នាំ ក្រសួង​ការបរទេស​របស់​សហរដ្ឋ​អាមេរិក​រៀបចំ​កម្មវិធី​ផ្លាស់ប្តូរ​ការសិក្សា​ជាច្រើន​សម្រាប់​ដែល​មាន​ការចូលរួម​ពី​សំណាក់​សិស្សា​នុសិស្ស​ បុគ្គល​អ្នកដឹកនាំ អ្នកជំនាញ និង​ស្ត្រីអ្នកជំនួញ​ជាដើម ពី​ជុំវិញ​ពិភពលោក ​ដើម្បី​សិក្សា​ពី​ចំណេះដឹង​និង​ជំនាញ​នានា​ពី​សហរដ្ឋ​អាមេរិក។ ក្នុង​ចំណោម​នោះ នៅ​ឆ្នាំ​នេះ​ មជ្ឈមណ្ឌល​សារពត៌មាន​បរទេស​នៃ​ក្រសួង​ការបរទេស​សហរដ្ឋ​អាមេរិក​បាន​រៀបចំ​កម្មវិធី​«ទស្សនកិច្ចរាយការណ៍» (Reporting Tour) ដែល​មាន​ប្រធានបទ​ស្តីពី​ មហា​វិទ្យាល័យ​សហគមន៍ និង​ការអភិវឌ្ឍន៍​ធនធាន​នៅ​សហរដ្ឋ​អាមេរិក និង​ប្រព្រឹត្តិ​ទៅ​រយៈពេល​១០ថ្ងៃ ចាប់ពី​ថ្ងៃទី២៤ ខែមីនា​ដល់​ថ្ងៃទី៤ ខែមេសា​ឆ្នាំ២០១៩។ កម្មវិធី​នេះ​ជ្រើសរើស​អ្នកចូលរួម​ជា​អ្នកសារពត៌​មាន​អាជីព​មកពី​បណ្តា​ប្រទេស​ចំនួន​២០​នៅ​ជុំវិញ​ពិភពលោក ដែល​ក្នុង​នោះ​រួមមាន​ប្រទេស​កម្ពុជា​ផងដែរ។ អ្នកនាង ឆែម ស្រីពៅ​ ដែល​ជា​អ្នកយកព័ត៌មាន​ជាន់ខ្ពស់​ម្នាក់ នៃ​ក្រុមហ៊ុន​សារពត៌មាន «សប្បាយ» គឺ​ជា​អ្នកចូលរួម​ពី​កម្ពុជា​តែ​មួយ​រូប​គត់ ដែល​ត្រូវ​បាន​ជ្រើសរើស​ឲ្យ​ចូលរួម​ក្នុង​កម្មវិធី​សិក្សា​នេះ នៅក្នុង​ឆ្នាំ​នេះ។ ថ្មីៗ​នេះ​ក្នុង​ដំណើរ​មក​កាន់​រដ្ឋធានី​វ៉ាស៊ីនតោន​ដើម្បី​សិក្សា​ពី​កម្មវិធី​អប់រំ​នៅ​មហា​វិទ្យាល័យ Nova និង Gallaudet អ្នកនាង​ ឆែម​ ស្រីពៅ បាន​មក​ផ្តល់​បទសម្ភាសន៍​ដល់​កញ្ញា លី វួចនា​នៃ ​VOA​ អំពី​ចំណេះដឹង​និង​បទពិសោធន៍​ដែល​អ្នកនាង​ទទួល​បាន​ពី​កម្មវិធី «ទស្សនកិច្ចរាយការណ៍» នេះ៕

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG