មេបក្សប្រឆាំងនៅអាមេរិកថាអាចនឹងមានមហាបាតុកម្ម បើលោក ហ៊ុន សែន មិនឲ្យបក្សជំទាស់ចូលរួមការបោះឆ្នោតជាតិ
គណបក្សសង្គ្រោះជាតិកំពុងបន្តយុទ្ធនាការរបស់ខ្លួននៅក្រៅប្រទេស ក្នុងក្តីរំពឹងថានឹងបានចូលរួមការបោះឆ្នោតជ្រើសរើសតំណាងរាស្ត្រ នៅខែកក្កដា ឆ្នាំ២០១៨ ទោះបីជាគណបក្សគ្រប់គ្រងប្រទេសបានអះអាងម្តងហើយម្តងទៀតថា នឹងមិនអាចទៅរួចក្តី។ លោកថា មហាបាតុកម្មមួយនៅក្រៅប្រទេសនឹងអាចកើតឡើងទៀត បើលោកនាយករដ្ឋមន្ត្រី ហ៊ុន សែន មិនអនុញាតឲ្យបក្សជំទាស់ចូលរួមប្រកួតប្រជែងការបោះឆ្នោតជាតិនៅខែកក្កដាខាងមុខក៏ដោយ។ គណបក្សជំទាស់បានតស៊ូមតិលើឆាកអន្តរជាតិ ដើម្បីសុំឲ្យមានការគាំទ្រការបោះឆ្នោតដោយសេរី និងយុត្តិធម៌ត្រឹមត្រូវ ហើយគណបក្សជំទាស់ដែលត្រូវរំលាយនោះ បានចូលរួមប្រកួតប្រជែងនាពេលខាងមុខ។ លោក អ៊ុង រិទ្ធី ប្រធានសាខាគណបក្សសង្គ្រោះជាតិប្រចាំសហរដ្ឋអាមេរិក បានអញ្ជើញមកដល់ក្នុងបន្ទប់ផ្សាយរបស់ VOA ក្នុងរដ្ឋធានីវ៉ាស៊ីនតោន កាលពីថ្ងៃពុធ ទី១៨ ខែមេសា ឆ្នាំ២០១៨ ដើម្បីជួបធ្វើកិច្ចសម្ភាសន៍ដោយផ្ទាល់ជាមួយលោក សុខ ខេមរា អ្នកយកព័ត៌មាន VOA៕
