ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្រងរូបភាព៖ សវនាការ​របស់គណៈកម្មការ​សភា​អាមេរិក​​សួរ​ដេញ​ដោល​ពី​ការ​ធ្លាក់​ចុះ​លទ្ធិ​ប្រជាធិបតេយ្យ​និង​សិទ្ធិ​មនុស្ស​កម្ពុជា

អនុ​គណៈកម្មការ​ទទួល​បន្ទុកតំបន់​អាស៊ី​ប៉ាស៊ីហ្វិក​នៃ​គណៈកម្មការ​ការ​បរទេស​របស់​សភា​ជាតិ​អាមេរិក​បើក​សវនាការ​សាធារណៈ​មួយ​ស្តី​អំពី «ការ​ធា្លក់​ចុះ​របស់​កម្ពុជា៖ គោល​នយោបាយ​ដើម្បី​គាំទ្រ​លទ្ធិ​ប្រជាធិបតេយ្យ​និង​សិទ្ធិ​មនុស្ស‍» ​នៅ​ថ្ងៃ​អង្គារ ទី១២ ខែ​ធ្នូ ឆ្នាំ២០១៧ នៅ​អាគារ Rayburn ក្នុង​វិមាន Capitol។ ក្រុម​វាគ្មិន​ចូលរួម​ជា​សាក្សី​រួម​មាន​អ្នក​នាង Olivia Enos អ្នកវិភាគ​គោល​នយោបាយ​មក​ពី​មជ្ឈមណ្ឌល Heritage Foundation កញ្ញា កឹម មនោវិទ្យា អគ្គនាយករង​កិច្ច​ការ​សាធារណៈ​របស់​គណបក្ស​សង្គ្រោះ​ជាតិ និង​លោក Kenneth Wollack ប្រធាន​វិទ្យាស្ថាន​ជាតិ​ប្រជាធិបតេយ្យ (NDI)។

នៅក្នុងការសួរដេញដោលមួយកាលពីថ្ងៃអង្គារ ដែលដឹកនាំដោយសមាជិកសភាម្នាក់គឺលោក Ted Yoho នៃគណបក្សសាធារណៈរដ្ឋ បានពិភាក្សានិងពិនិត្យមើលទណ្ឌកម្មធ្ងន់ធ្ងរថែមទៀតចំពោះរដ្ឋាភិបាលកម្ពុជា ក្រុមហ៊ុន អ្នកប្រព្រឹត្តអំពើពុករលួយ និងជនបំផ្លាញប្រជាធិបតេយ្យកម្ពុជា។ ទណ្ឌកម្មទាំងនោះ មានការគិតគូរដល់ការប្រមូលបញ្ជីឈ្មោះបុគ្គល បញ្ជីឈ្មោះក្រុមហ៊ុន បង្កកទ្រព្យសម្បត្តិ និងការពិចារណារឿងកូតានាំចូលសម្លៀកបំពាក់មកកាន់ទីផ្សារស.រ.អាជាដើម៕


XS
SM
MD
LG