បទសម្ភាសន៍ VOA៖ ជ័យលាភីមេដាយមាសចែករំលែកបទពិសោធលក់សំបុត្រអនឡាញ
ក្រុមហ៊ុនបច្ចេកវិទ្យាកម្ពុជាចំនួនបីបានទទួលមេដាយមាសក្នុងការប្រកួតប្រជែងផ្នែកជំនួញទូទាំងតំបន់អាស៊ីអាគ្នេយ៍ពីក្នុងកម្មវិធី ASEAN ICT Award 2017 ដែលបានធ្វើឡើងកាលពីថ្ងៃទី៣០ ខែវិច្ឆិកាកន្លងទៅនៅទីក្រុងសៀមរាប។ ក្រុមហ៊ុនទាំងនោះគឺក្រុមហ៊ុន Codingate BookMeBus និង វិទ្យាស្ថានបើកទូលាយ Open Institute។ នេះជាកម្មវិធីជំរុញនិងលើកទឹកចិត្តចំពោះស្នាដៃច្នៃប្រឌិតរបស់សហគ្រិនផ្នែកបច្ចេកវិទ្យាហើយកម្ពុជាបានទទួលពានរង្វាន់មេដាយច្រើនជាងគេបង្អស់។ កញ្ញាទុំ ម្លិះ នៃ VOA បានសម្ភាសលោកជា ឡង់ដា សា្ថបនិកនៃក្រុមហ៊ុន BookMeBus ដែលផ្តល់សេវាឲ្យអតិថិជនអាចកក់សំបុត្ររថយន្តក្រុង ឬមធ្យោបាយធ្វើដំណើរសាធារណៈផ្សេងៗតាមប្រព័ន្ធ Digital និង online។
