បទសម្ភាសន៍ VOA ជាមួយលោកស្រី Sharon May អ្នកនិពន្ធសៀវភៅ «In the Shadow of Angkor»
លោកស្រី Sharon May គឺជាអ្នកនិពន្ធ និង ការីនិពន្ធជនជាតិអាមេរិកាំងដែលថតរូបជំរុំជនភៀសខ្លួននៅប្រទេសកម្ពុជាក្នុងឆ្នាំ១៩៨៥។ បទពិសោធន៍របស់លោកស្រីនៅប្រទេសកម្ពុជានាពេលនោះបានធ្វើឲ្យលោកស្រីចងចាំមិនភ្លេច។ ដោយសារតែបទពិសោធន៍នោះ លោកស្រីបានចងក្រងសៀវភៅមួយក្បាលដែលមានចំណងជើងថា «In the Shadow of Angkor» ដែលមានន័យថា៖ «នៅក្នុងស្រមោលនៃប្រាសាទអង្គរ»។សៀវភៅនេះកើតឡើងពី ការប្រមូលផ្ដុំអត្ថបទ ប្រលោមលោក កំណាព្យ ស្គ្រីប រឿង ខ្លីៗរបស់អ្នកនិពន្ធល្បីឈ្មោះមួយចំនួនដែលនៅរស់រានមានជីវិតពីសម័យខ្មែរក្រហម។ សៀវភៅនេះត្រូវបានបោះពុម្ពផ្សាយនៅក្នុងឆ្នាំ ២០០៤ បន្ទាប់ពីអ្នកនិពន្ធនិង ការីនិពន្ធរូបនេះធ្វើដំណើរទៅវិញទៅមករវាងប្រទេសកម្ពុជានិងសហរដ្ឋអាមេរិកដើម្បី ចងក្រងសៀវភៅនេះ។ ឥឡូវនេះ លោកស្រីកំពុងធ្វើការលើសៀវភៅថ្មីមួយទៀតដែលភាគច្រើនជាស្នាដៃរបស់យុវជនកម្ពុជា។ លោកស្រី Sharon May បាននិយាយជាមួយកញ្ញាផនបុប្ផានៃវីអូអេ អំពីបទពិសោធន៍របស់លោកស្រីនៅពេលលោកស្រីនៅប្រទេសកម្ពុជានិងអំពីសៀវភៅថ្មីរបស់លោកស្រីដែលលោកស្រីគ្រោងនឹងចេញផ្សាយនៅឆ្នាំ ២០១៨ ខាងមុខនេះ៕
