ក្រោយ​ការ​ដេញដោល​មតិ​លើក​ទី​១​រវាង​បេក្ខជន​ប្រធានាធិបតី លោក​ស្រី Hillary Clinton នៃ​គណបក្ស​ប្រជាធិបតេយ្យ និង​លោក Donald Trump នៃ​គណបក្ស​សាធារណៈ​រដ្ឋ​កាលពី​ថ្ងៃ​ច័ន្ទ ទី២៦​កន្លង​ទៅ​នេះ ការ​ស្រាវជ្រាវ​មួយ​របស់​សាកល​វិទ្យាល័យ​ Missouri ដែល​បាន​ស្ទង់​មតិ​របស់​និស្សិត​ចំនួន​៤០០នាក់ បាន​រក​ឃើញ​ថា ​សំឡេង​គាំទ្រ​លើ​លោកស្រី Clinton បាន​កើន​ឡើង​ ហើយ​សំឡេង​គាំទ្រ​លោក Trump បាន​ថយ​ចុះ​ ក្រោយ​ការ​ដេញដោល​មតិ​នេះ។ សូម​លោក​អ្នក​នាង​ស្តាប់​បទសម្ភាសន៍ VOA រវាង​នាង ទែន សុខស្រីនិត និង​កញ្ញា ហឿន សុខភ័ក្ត្រ និស្សិត​ថ្នាក់​អនុ​បណ្ឌិត​ផ្នែក​ទំនាក់ទំនង​នៃ​សាកលវិទ្យាល័យ Missouri ជុំវិញ​លទ្ធផល​នៃ​ការ​ស្រាវជ្រាវ​នេះ៕