ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

បទសម្ភាសន៍ VOA៖ ជ័យលាភី​ផលិតករ​ភាពយន្ត​​វ័យ​ក្មេង​សម្លឹង​មើល​ជោគជ័យ​ក្នុង​រឿង​ថ្មី​ទៀត


ទាញ​យក​ពី​តំណភ្ជាប់​ដើម

សុធា  អ៊ីណែស​ គឺ​ជា​អ្នក​ផលិត​កុន​ឯករាជ្យ​ និង​ជា​ស្ត្រី​ខ្មែរ​វ័យ​ក្មេង​ដែល​បាន​បញ្ចប់​បរិញ្ញាប័ត្រ​គ្រប់គ្រង​ប្រព័ន្ធ​ផ្សព្វ​ផ្សាយ​នៅ​សាកលវិទ្យាល័យ​ភូមិន្ទ​ភ្នំពេញ​នៅ​ឆ្នាំ​២០១៣។ រឿង​របស់ ​អ៊ីណែស ​មាន​ចំណង​ជើង​ថា​«អង្ករ»​ ដែល​និយាយ​ពី​ជីវិត​កុមារ​នៅ​ក្នុង​សម័យ​ខ្មែរ​ក្រហម​បាន​ជាប់​ពាន​រង្វាន់​លេខ​មួយ​នៅ​មហោស្រព​ភាពយន្ត ​TROPFEST​ South​ East​ Asia​ នៅ​ប្រទេស​ម៉ាឡេស៊ី​ក្នុង​ឆ្នាំ​២០១៤។ នៅ​ក្នុង​វ័យ​២៦​ឆ្នាំ​អ៊ីណែស និយាយ​ថា ​នាង​កំពុង​និពន្ធ​រឿង​មួយ​ទៀត​ដែល​មាន​ឈ្មោះ​ថា​ Denebola។​ រឿង​នេះ​និយាយ​អំពី​ការ​សម្រេច​ចិត្ត​ដ៏​លំបាក​របស់​គ្រូពេទ្យ​ទៅ​លើ​សុខភាព​របស់​អ្នក​ជំងឺ​ និង​ការ​ប៉ះពាល់​លើ​អាយុ​ជីវិត​របស់​ខ្លួន​ ដោយ​សារ​តែ​ការ​រាតត្បាត​នៃ​ជំងឺ​ឆ្លង​ម្យ៉ាង។ រឿង​នេះ​នឹង​ត្រូវ​ដាក់​ក្នុង​ការ​ប្រកួត​ផ្សេងៗ​ទៀត​នៅ​ក្នុង​​មហោស្រព​ភាពយន្ត​អន្តរជាតិ​ផ្សេងៗ​ទៀត​ បន្ទាប់​ពី​ការ​ថត​រឿង​នេះ​ត្រូវ​បាន​បញ្ចប់។នាង​ ផន​ បុប្ផា ​នៃ​ VOA ​បាន​សន្ទនា​ជា​មួយ ​សុធា ​អ៊ីណែស ​ដើម្បី​និយាយ​ពី មូលហេតុ​ ដែល​នាំ​ឲ្យ​​នាង​បាន​ឈ្នះ​ពាន​រង្វាន់​និង​អំពី​រឿង​ថ្មី​ ដែល​នាង​កំពុង​សរសេរ​ហើយ​នឹង​ត្រូវ​ចាប់​ផ្តើម​ថត​នៅ​ខែ​កក្កដា​ខាង​មុខ​នេះ។ សូម​ស្ដាប់​កិច្ច​សម្ភាសន៍​នេះ​ដូច​តទៅ។

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG