លោក អ៊ូច ឡេង៖ ការបំផ្លាញព្រៃឈើនៅកម្ពុជា អាចជាប់ពាក់ព័ន្ធមន្ត្រីគ្រប់ជាន់ថ្នាក់រហូតដល់ថ្នាក់«ព្រះឥន្ទ»
ជ័យលាភីរង្វាន់វីរជនបរិស្ថានសម្រាប់តំបន់អាស៊ីប្រចាំឆ្នាំ២០១៦ អះអាងថា ការកាប់បំផ្លាញព្រៃឈើនៅកម្ពុជា អាចជាប់ពាក់ព័ន្ធរាប់ចាប់តាំងពីមន្ត្រីមូលដ្ឋានរហូតដល់ថ្នាក់ដឹកនាំរដ្ឋាភិបាល ដែលលោកហៅថា«ព្រះឥន្ទ»ទៀតផង។ លោក អ៊ូច ឡេង ដែលបានចាត់ទុកខ្លួនឯងថា ជាមនុស្សម្នាក់មានសំណាង ដែលអាចរួចផុតពីគ្រោះថ្នាក់ ដោយសារសកម្មភាពដ៏សកម្មរបស់លោក ក្នុងការប្រឆាំងនឹងឈ្មួញឈើខុសច្បាប់ក្នុងប្រទេសកម្ពុជា បានលើកឡើងបែបនេះ នៅក្នុងបទសម្ភាសន៍ពិសេសមួយជាមួយ VOA ក្នុងរដ្ឋធានី វ៉ាស៊ីនតោន នៅថ្ងៃទី២២ ខែមេសា ឆ្នាំ២០១៦នេះ។ សូមលោកអ្នក ទស្សនាភាគទីមួយនៃបទសម្ភាសន៍នេះដូចតទៅ៕
