លោកRomney រិះគន់លោកTrump ខ្លាំងៗ ខណៈការបែកបាក់ផ្ទៃក្នុងគណបក្សសាធារណរដ្ឋកាន់តែធំឡើង
អតីតបេក្ខជនប្រធានាធិបតីខាងគណបក្សសាធារណរដ្ឋ គឺលោក Mitt Romney បានធ្វើការវាយប្រហារពាក្យសម្តីទៅលើលោក Donald Trump ដែលជាអ្នកនាំមុខគេខាងគណបក្សសាធារណរដ្ឋកាលពីថ្ងៃទី៣ខែមីនា ដែលនេះគឺជាការវាយប្រហារពាក្យសម្តីចុងក្រោយបង្អស់ដែលហាក់ដូចជាធ្វើឲ្យសង្រ្គាមរវាងលោកTrump និងគណបក្សសាធារណរដ្ឋកាន់តែធំឡើង។ ដូចដែលបានស្មានទុក លោក Trump បានតបតទៅលោក Romney វិញនិងបាននិយាយថា បេក្ខភាពរបស់លោកកំពុងតែធ្វើឲ្យគណបក្សសាធារណរដ្ឋកាន់តែរីកធំឡើង។ លោក Jim Malone អ្នកឆ្លើយឆ្លងព័ត៌មានជាតិរបស់ VOA រាយការណ៍អំពីរឿងនេះពីរដ្ឋធានី Washington។ នាង ហុង ចិន្តា ជូនសេចក្តីប្រែសម្រួល៕
