ភ្ជាប់​ទៅ​គេហទំព័រ​ទាក់ទង

សភា​អាមេរិក​ជជែក​ដេញដោល​អំពី​តម្លៃ​នៃ​ពាណិជ្ជកម្ម​សេរី​ជាមួយនឹង​អាស៊ី


សភា​អាមេរិក កំពុង​ជជែក​ដេញដោល​យ៉ាងខ្លាំង​អំពី​ការធ្វើ​ពាណិជ្ជកម្ម​អន្តរជាតិ។ លោក​ប្រធានាធិបតី ប៉ារ៉ាក់ អូបាម៉ា ចង់​ឲ្យ​សភា​ផ្តល់​អំណាច​ដល់​លោក​ក្នុង​ការសម្រេច​កិច្ចព្រមព្រៀង​ពាណិជ្ជកម្ម​សេរី​ដ៏​ធំ​មួយ​ជាមួយ​ប្រទេស ១១ នៅ​តំបន់​មហា​សមុទ្រ​ប៉ាស៊ីហ្វិក។ សមាជិក​គណបក្ស​សាធារណរដ្ឋ​ជាច្រើន​យល់ស្រប​នឹង​លោក អូបាម៉ា ហើយ​សេចក្តី​ព្រាងច្បាប់​ក្នុង​ការផ្តល់​អំណាច​ដល់​លោក​អូបាម៉ា​នោះ ត្រូវ​បាន​ព្រឹទ្ធសភា​អនុម័ត​ហើយ។ តែ​ទោះជា​យ៉ាងនេះក្តី សមាជិក​គណបក្ស​ប្រជាធិបតេយ្យ​នៅ​ក្នុង​រដ្ឋសភា​ដែល​មកពី​គណបក្ស​តែមួយ​ជាមួយ​លោក​អូបាម៉ា​នោះ អាច​រារាំង​ការអនុម័ត​សេចក្តី​ព្រាង​ច្បាប់​នេះ​បាន​នៅ​ខែមិថុនា​នេះ។ ដើម្បី​ស្វែង​យល់​ថា តើ​ហេតុអ្វី​បានជា​បញ្ហា​​ពាណិជ្ជកម្ម​សេរី​មាន​ភាព​​ចម្រូងចម្រាស​នៅ​សហរដ្ឋ​អាមេរិក​នោះ នាង លី ម៉ូរីវ៉ាន់​នៃ VOA បាន​ពិភាក្សា​អំពី​រឿង​នេះ​តាមទូរស័ព្ទ​ជាមួយ​លោក​បណ្ឌិត ឌុច ដារិន្ទ ដែល​ជា​សាស្រ្តាចារ្យ​ជាប់កិច្ចសន្យា​ផ្នែក​សេដ្ឋកិច្ច​​នៅ​សាកល​វិទ្យាល័យ Tallahassee ក្នុង​រដ្ឋ Florida៕

XS
SM
MD
LG