រដ្ឋមន្ត្រីការបរទេសអាមេរិកថ្លែងអំពីសាលក្រមសាលាក្តីខ្មែរក្រហម០០២/០១
លោករដ្ឋមន្ត្រីការបរទេសសហរដ្ឋអាមេរិក ចន ឃែរី (John Kerry) បានចេញសេចក្តីថ្លែងការណ៍ចំពោះការកាត់ទោសមេដឹកនាំខ្មែរក្រហម នួន ជា និង ខៀវ សំផន ឱ្យជាប់គុកមួយជីវិតដោយរំលឹកថា «យុត្តិធម៌មិនទទួលបានរហ័សទេ ក៏ប៉ុន្តែយុត្តិធម៌ត្រូវតែស្វែងរកឱ្យទាល់តែបាន» សម្រាប់ជនរងគ្រោះ ជិតពីរលាននាក់។ លោកឃែរីបានបញ្ជាក់ពី ការប្តេជ្ញាចិត្តរបស់សហរដ្ឋអាមេរិកក្នុងការបន្តគាំទ្រដល់សាលាក្តីខ្មែរក្រហមក្នុងការស្វែងរកយុត្តិធម៌ជូនជនរងគ្រោះកម្ពុជា។ លោក ឃែរី ជាអ្នកបានផ្តុំផ្តើមគំនិតម្នាក់និងជំរុញឱ្យមានការកាត់ទោសមេដឹកនាំខ្មែរក្រហម។
