កម្មវិធីវិទ្យុ
ព័ត៌មានពេលព្រឹក៖ ២១ កញ្ញា ២០២០
ព័ត៌មានសំខាន់ៗនៅជុំវិញពិភពលោកមានដូចជា ជំងឺកូវីដ១៩ បង្អាក់សេវាសុខាភិបាលនៅទូទាំងពិភពលោក។ អ្នកវិភាគថា ការរឹតត្បិតព័ត៌មានឌីជីថលនៅប្រទេសចិន បានចាប់ផ្តើមតាំងពីឆ្នាំ២០០៣។ លោក Trump និងលោក Bidenនឹងជជែកដេញដោលគ្នានៅថ្ងៃទី២៩ ខែកញ្ញា។ នៅក្នុងតំបន់ដាច់ស្រយាលមួយក្នុងតំបន់ភ្នំហិមាល័យ ការជួបពេទ្យតាមអ៊ីនធឺណិតនាំឱ្យមានការថែទាំសុខភាពទំនើប៕
ព័ត៌មានពេលរាត្រី៖ ២១ កញ្ញា ២០២០
ព័ត៌មានអំពីកម្ពុជាមានដូចជា ពលរដ្ឋរស់នៅភូមិចម្លងគោ ខេត្តកោះកុង នៅតែបារម្ភការបណ្តេញចេញដោយក្រុមហ៊ុនចិន UDG ដែលរងទណ្ឌកម្មពីអាមេរិក។ នៅក្នុងកម្មវិធី Hello VOA មានកិច្ចពិភាក្សាអំពី៖ «ស្ថានភាពនៃការចាប់ខ្លួនក្រុមយុវជននៅកម្ពុជា»។ ព័ត៌មានអន្តរជាតិវិញមានដូចជា រដ្ឋ North Carolina ត្រៀមចាំការបោះឆ្នោតប្រធានាធិបតីដែលមានភាពតានតឹង។ គណបក្សប្រជាធិបតេយ្យអង្គាសប្រាក់បានជាង ៧១លានដុល្លារ ក្រោយការស្លាប់របស់ចៅក្រមតុលាការកំពូល Ruth Bader Ginsburg។ ផ្លាករបស់បាតុករថៃនៅក្បែរព្រះបរមរាជវាំងត្រូវបានអាជ្ញាធរដកហូត។ អគ្គលេខាធិការអង្គការសហប្រជាជាតិថា អង្គការនេះមិនទាន់គាំទ្រការដាក់ទណ្ឌកម្មលើអ៊ីរ៉ង់ឡើងវិញទេ។ មនុស្សយ៉ាងតិច ៨ នាក់ស្លាប់ក្នុងហេតុការណ៍បាក់អាគារនៅឥណ្ឌា៕
