កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា ករណីផ្ទុះហ្គាសសម្លាប់មនុស្ស៤នាក់នៅភ្នំពេញ នាំឲ្យព្រួយបារម្ភបន្ថែមលើការគ្រប់គ្រងហ្គាសនៅកម្ពុជា។ បណ្ណាល័យ«សម្តេចម៉ែ»របស់មជ្ឈមណ្ឌលឯកសារកម្ពុជា នឹងបើកសម្រាប់សាធារណជននៅពេលឆាប់ៗនេះ។ ព័ត៌មានអន្តរជាតិវិញមានដូចជា សកម្មជនប្រជាធិបតេយ្យហុងកុងដ៏សំខាន់មួយរូបឈរឈ្មោះជាបេក្ខជនតំណាងរាស្ត្រ។ និយោជិតរាប់ម៉ឺននាក់នឹងដើរចេញពីកន្លែងធ្វើការដើម្បីតវ៉ានឹងវិសមភាពជាតិសាសន៍នៅអាមេរិក។ លោក Biden ស្វែងរកអ្នកគាំទ្របន្ថែមពីខាងគណបក្សសាធារណរដ្ឋ ខណៈលោក Trump ផ្ដោតតែលើអ្នកគាំទ្ររបស់លោកដែលមានស្រាប់។ ការស្ទង់មតិទៅលើការបោះឆ្នោតប្រធានាធិបតីបង្ហាញថា លោក BidenនាំមុខលោកTrump។ អង្គការឃ្លាំងមើលសិទ្ធិមនុស្សលាតត្រដាងនូវការបំពានកាន់តែខ្លាំងក្លាលើអត្តពលិកកុមារនៅជប៉ុន៕
ព័ត៌មានពេលរាត្រី
ព័ត៌មានអំពីកម្ពុជាមានដូចជា កម្ពុជា-ចិនបញ្ចប់កិច្ចព្រមព្រៀងពាណិជ្ជកម្មសេរី ដោយភាគីទាំងពីរថាមានអត្ថប្រយោជន៍សម្រាប់ប្រជាជន។ តុលាការព្រមានលោក កឹម សុខា មិនឲ្យប្រើសិទ្ធិហួសការកំហិតរបស់តុលាការ។ ព័ត៌មានអន្តរជាតិវិញមានដូចជា វ៉ាក់សាំងបង្ការជំងឺកូវីដ១៩ កាន់តែច្រើនឡើង បង្ហាញនូវក្តីសង្ឃឹមនៅក្នុងការសាកល្បងទៅលើមនុស្ស។ បណ្ដាមេដឹកនាំសហភាពអឺរ៉ុបបានឈានដល់កិច្ចព្រមព្រៀងថវិកា និងជំនួយសង្គ្រោះសម្រាប់ស្ដារផលប៉ះពាល់ដោយសារជំងឺកូវីដ១៩។ សហរដ្ឋអាមេរិក ដាក់ក្រុមហ៊ុនចិនចំនួន ១១ ចូលក្នុងបញ្ជីខ្មៅសេដ្ឋកិច្ច ដោយសារការធ្វើទុក្ខជនជាតិភាគតិចវីហ្គើ។ ថ្នាក់ដឹកនាំនយោបាយសហរដ្ឋអាមេរិកនឹងពិភាក្សាអំពីជំនួយសេដ្ឋកិច្ចថ្មីសម្រាប់វិបត្តិជំងឺកូវីដ១៩។ លោក Trump នឹងចាប់ផ្ដើមការជូនដំណឹងរបស់សេតវិមានអំពីជំងឺកូវីដ១៩ ដល់សាធារណជនឡើងវិញ។ លោក Biden នឹងបង្ហាញអំពីផែនការស្ដារសេដ្ឋកិច្ចសម្រាប់ក្រុមគ្រួសារជាអ្នកធ្វើការ និងព័ត៌មានសំខាន់ៗមួយចំនួនទៀត៕
