កម្មវិធីវិទ្យុ
ព័ត៌មានពេលព្រឹក៖ ២០ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា ក្រុមសិទ្ធិមនុស្ស៖ រដ្ឋាភិបាលកាន់តែមានអំណាចច្រើនគ្រប់គ្រងអ៊ិនធឺណិត ក្រោយបង្កើតអនុក្រឹត្យចម្រូងចម្រាសមួយ។ កម្ពុជាបដិសេធការលើកឡើងថា ច្បាប់ថ្មីបង្កើតការគ្រប់គ្រងអ៊ីនធឺណិតតាមបែបចិន។ រីឯព័ត៌មានអន្តរជាតិវិញមានដូចជា ប្រទេសអ្នកមានសន្យាផ្តល់វ៉ាក់សាំងកូវីដ១៩ ឲ្យប្រទេសក្រីក្រ។ វិមានក្រឹមឡាំងទទួលស្វាគមន៍កាយវិការរបស់សហរដ្ឋអាមេរិកសង្គ្រោះកិច្ចព្រមព្រៀងនុយក្លេអ៊ែរអ៊ីរ៉ង់។ អាមេរិកត្រឡប់ទៅចូលរួមកិច្ចព្រមព្រៀងអាកាសធាតុក្រុងប៉ារីស។ មនុស្សរាប់លាននាក់នៅរដ្ឋ Texas និងភាគខាងត្បូងកំពុងតស៊ូរស់ដោយគ្មានកម្ដៅ និងទឹក។ ក្រុមរដ្ឋមន្រ្តីសហភាពអឺរ៉ុបនឹងជួបជាមួយជំនួយការមេដឹកនាំប្រឆាំងនៅរុស្ស៊ី នៅថ្ងៃអាទិត្យ។ ប្រជាជននីហ្សេរីយ៉ាអបអរនាយិកាថ្មីនៃអង្គការពាណិជ្ជកម្មពិភពលោក ខណៈអ្នកជំនាញនិយាយថា មានការងារធំៗនៅចំពោះមុខ និងព័ត៌មានផ្សេងៗទៀត៕
ព័ត៌មានពេលរាត្រី៖ ២០ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា អ្នកវិភាគថា រឿងក្តីមេដឹកនាំបក្សប្រឆាំង ប្រៀបដូចជា«ការចាប់ជំរិតនយោបាយ»។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» មានការពិភាក្សាអំពី «សមភាពយេនឌ័រនិងសុខភាពបន្តពូជ»។ រីឯព័ត៌មានអន្តរជាតិវិញមានដូចជា ប្រធានាធិបតីម៉ិកស៊ិកគាំទ្រការសម្រេចរបស់លោក Biden ក្នុងការបញ្ឈប់ការសាងសង់ជញ្ជាំងព្រំដែន។ អ្នកដឹកនាំភាពយន្តស្រីផ្តល់នូវទស្សនវិស័យប្លែកៗអំពីតួអង្គស្ត្រី៕