កម្មវិធីវិទ្យុ
ព័ត៌មានពេលព្រឹក៖ ១៨ កុម្ភៈ ២០២១
ព័ត៌មានអំពីកម្ពុជាមានដូចជា រដ្ឋាភិបាលអនុម័តអនុក្រឹត្យច្រកទ្វារអ៊ិនធឺណិតជាតិ ខណៈមានការព្រួយបារម្ភអំពីការរឹតត្បិត។ រីឯព័ត៌មានអន្តរជាតិវិញមានដូចជា អ៊ីរ៉ង់ទាមទារឲ្យរដ្ឋបាលលោក Biden ធ្វើ «សកម្មភាពជាជាងពាក្យសម្ដី» ដើម្បីស្ដារឡើងវិញនូវកិច្ចព្រមព្រៀងនុយក្លេអ៊ែរ។ ប្រទេសអឺរ៉ុប ៣ និងសហរដ្ឋអាមេរិកនឹងពិភាក្សាគ្នាអំពីកិច្ចព្រមព្រៀងនុយក្លេអ៊ែរអ៊ីរ៉ង់។ អគ្គលេខាធិការអង្គការសហប្រជាជាតិជំរុញឲ្យមានផែនការចាក់វ៉ាក់សាំងកូវីដ១៩ ជាសាកល។ តៃវ៉ាន់ថា «សម្ពាធនយោបាយ» បង្អាក់ដល់កិច្ចព្រមព្រៀងទិញវ៉ាក់សាំងកូវីដ១៩ របស់ខ្លួន។ ចក្រភពអង់គ្លេសអនុញ្ញាតឲ្យមានការពិសោធន៍លើមនុស្សជាលើកដំបូងដើម្បីសិក្សាពីផលប៉ះពាល់នៃជំងឺកូវីដ១៩។ ពលរដ្ឋចំណាកស្រុកមីយ៉ាន់ម៉ាដែលរស់នៅឆ្ងាយពីស្រុកសោកស្តាយដែលក្រុមយោធាដណ្តើមក្តោបក្តាប់អំណាចនិងបារម្ភពីមហន្តរាយសេដ្ឋកិច្ចជាតិ។ សហរដ្ឋអាមេរិកអាចឈប់ប្រើពាក្យ«ជនបរទេស»នាពេលខាងមុខ៕
ព័ត៌មានពេលរាត្រី៖ ១៨ កុម្ភៈ ២០២១
ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលដាក់វិធានការពិន័យអ្នកគេចវេះពីការធ្វើចត្តាឡីស័ក។ យូណេស្កូបារម្ភថាគម្រោងណាហ្គាអាចប៉ះពាល់គុណតម្លៃឧទ្យានអង្គរ។ នៅក្នុងកម្មវិធី Hello VOA មានការពិភាក្សាអំពី «វ៉ាក់សាំងកូវីដ១៩៖ តើមានប្រសិទ្ធភាពទេ? តើមានសុវត្ថិភាពទេ?»។ រីឯព័ត៌មានអន្តរជាតិវិញមានដូចជា ប៉ូលិសមីយ៉ាន់ម៉ាបង្ក្រាបការធ្វើកូដកម្មរបស់កម្មករផ្លូវដែក។ ប្រេសិតសិទ្ធិមនុស្ស អ.ស.ប. ថា យុវជនមីយ៉ាន់ម៉ានឹងមិនត្រឡប់ទៅរបបនយោបាយចាស់វិញទេ។ ក្រុមហ៊ុន Facebook រាំងខ្ទប់មិនឱ្យពលរដ្ឋអូស្ត្រាលីអាចមើល ឬចែកចាយខ្លឹមសារព័ត៌មានបាន។ តុលាការម៉ាឡេស៊ីបញ្ជាឲ្យបន្តការកាត់ក្ដីលើភរិយាអតីតនាយករដ្ឋមន្ត្រី Najib ពីបទអំពើពុករលួយ។ ចក្រភពអង់គ្លេសអនុម័តការធ្វើតេស្តដំបូងដល់អ្នកឆ្លងជំងឺ ដើម្បីសិក្សាពីផលប៉ះពាល់នៃជំងឺកូវីដ១៩។ ពលរដ្ឋនៅរដ្ឋ Texas ត្រូវប្រឈមនឹងបញ្ហាគ្មានអគ្គិសនី គ្មានទឹក ដោយសារព្យុះព្រិលរដូវរងា និងព័ត៌មានអន្តរជាតិផ្សេងៗទៀត៕