កម្មវិធីវិទ្យុ
ព័ត៌មានពេលព្រឹក
ព័ត៌មានសំខាន់ៗអំពីកម្ពុជាមានដូចជា ចិននិងកម្ពុជាត្រៀមចុះកិច្ចព្រមព្រៀងពាណិជ្ជកម្មសេរី ខណៈកម្ពុជាសម្លឹងមើលសក្តានុពលនាំចេញផលិតផលកសិកម្ម។ សហរដ្ឋអាមេរិកគាំទ្រការផ្តល់កម្ចី ២៥០លានដុល្លាររបស់ធនាគារ ADB ដល់កម្ពុជាដើម្បីដោះស្រាយវិបត្តិកូវីដ ១៩។ រីឯព័ត៌មានអន្តរជាតិវិញមានដូចជា ប្រធានសិទ្ធិមនុស្សប្រចាំអង្គការសហប្រជាជាតិ បានព្រមានថា ការរាតត្បាតនៃជំងឺកូវីដ ១៩ គំរាមកំហែងដល់សន្តិភាពនិងការអភិវឌ្ឍន៍របស់ពិភពលោក។ ការឆ្លងជំងឺកូវីដ១៩ នៅជំរំជនភៀសខ្លួននៅស៊ីរី អាចសម្លាប់ជនភៀសខ្លួនជាច្រើននាក់។ ប៉ូលិសឥណ្ឌាបានបាញ់សម្លាប់ជនសង្ស័យពាក់ព័ន្ធនឹងបទឧក្រិដ្ឋកម្មមួយ។ ការស្ទង់មតិអំពីការបោះឆ្នោតប្រធានាធិបតីអាមេរិកបង្ហាញថា លោក Biden នាំមុខលោក Trump ខ្លាំង៕
ព័ត៌មានពេលរាត្រី
ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំង សរសើរវិធីដោះស្រាយបញ្ហាជីវភាពរបស់ពលរដ្ឋអាមេរិកាំងដោយរដ្ឋាភិបាល ក្នុងគ្រាវិបត្តិកូវីដ១៩។ អ្នកជំនាញថា កម្ពុជាមានសំណាងដោយប្រទេសជិតខាងទប់ស្កាត់ការឆ្លងវីរុសកូរ៉ូណាបានល្អ ស្របពេលពលរដ្ឋកម្ពុជាមានទម្លាប់ការពារខ្លួនបានល្អ។ ករីណគ្រុនចាញ់មួយចំនួននៅខេត្តបាត់ដំបង អាចបង្កឡើងដោយមេរោគកម្រមួយ ប៉ុន្តែមន្ត្រីជំនាញថា អាចព្យាបាលបាន។ រីឯព័ត៌មានអន្តរជាតិវិញមានដូចជា ប្រទេសអូស្ត្រាលីពិចារណាផ្តល់ទីជម្រកដ៏សុវត្ថិភាពដល់បាតុករហុងកុង។ លោកប្រធានាធិបតី Donald Trump ដាក់សម្ពាធដល់អភិបាលរដ្ឋបើកដំណើរការសាលារៀនឡើងវិញ។ អង្គការក្រៅរដ្ឋាភិបាលរកឃើញថា ប្រទេសវៀតណាមបានជួយសង្គ្រោះសត្វព្រៃ ៣៥ភាគរយ ពីបទឧក្រិដ្ឋកម្មជួញដូរសត្វព្រៃខុសច្បាប់។ វិភាគ៖ កំណើននៃបន្ទុកជំពាក់បំណុលរបស់ប្រទេសឡាវ អាចបណ្តាលឲ្យប្រទេសមួយនេះពឹងផ្អែកលើចិនកាន់តែខ្លាំងឡើង៕