ចិននៅកម្ពុជា
ចិននៅកម្ពុជា
សេចក្តីផ្តើម៖ ក្នុងអំឡុងរយៈពេលជាច្រើនឆ្នាំចុងក្រោយនេះ ទំនាក់ទំនងរវាងកម្ពុជានិងចិនកាន់តែរឹងមាំនិងជិតស្និទ្ធលើគ្រប់វិស័យ។ ចិនបានក្លាយជាប្រទេសដែលបានវិនិយោគទុនច្រើននៅកម្ពុជាជាងប្រទេសណាៗផ្សេងទៀត។ ទំហំពាណិជ្ជកម្មទ្វេភាគីកម្ពុជាចិន មានទំហំ៧ពាន់លានដុល្លារ កាលពីឆ្នាំ២០១៨។ នេះបើយោងតាមក្រសួងពាណិជ្ជកម្ម។ ការហូរចូលយ៉ាងគំហុកនៃទុនវិនិយោគ និងអ្នកទេសចរចិនមកកម្ពុជា បាននាំឱ្យប្រទេសចិន ដើរតួយ៉ាងសំខាន់លើការដឹកមុខវិស័យសំខាន់ៗ ដែលជួយជ្រោងសេដ្ឋកិច្ចកម្ពុជា នាពេលប៉ុន្មានឆ្នាំចុងក្រោយនេះ រួមមានវិស័យអចលនទ្រព្យ វិស័យសំណង់ និងការវិនិយោគសាធារណៈ។ ខណៈដែលពលរដ្ឋខ្មែរមួយចំនួនទទួលបានប្រយោជន៍ពីការហូរចូលមកដល់របស់ជនជាតិចិន និងប្រាក់វិនិយោគរបស់ចិន ជីវិតរបស់ពលរដ្ឋខ្មែរជាច្រើនក៏ទទួលរងផលប៉ះពាល់អវិជ្ជមានយ៉ាងខ្លាំងផងដែរ។ កាលពីឆ្នាំ ២០១៩កន្លងទៅនេះ អ្នកស្រី Liyuan Lu រាយការណ៍ព័ត៌មានវីអូអេផ្សាយជាភាសាចិន បានធ្វើដំណើរទៅកាន់ប្រទេសកម្ពុជា ដើម្បីរាយការណ៍លម្អិតអំពីឥទ្ធិពល និងផលប៉ះពាល់នានាដែលបានកើតឡើង ដោយសារការហូរចូលយ៉ាងគំហុកនៃការវិនិយោគទុនរបស់ចិន និងជនជាតិចិននៅតំបន់ធំៗក្នុងប្រទេសកម្ពុជា ដូចជាក្រុងព្រះសីហនុ និងរាជធានីភ្នំពេញជាដើម។ វីអូអេខ្មែរ បានប្រែសម្រួលសេចក្តីរាយការណ៍ទាំងនោះជាភាសាខ្មែរ ដែលមានខ្លឹមសារទាំងស្រុងខាងក្រោមនេះ៕
