ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី
ព័ត៌មានផ្សេងៗទៀត

LIVE BLOG: កិច្ច​ប្រជុំ​កំពូល​អាស៊ាន​លើក​ទី ៤០ និង​ទី ៤១

កិច្ច​ប្រជុំ​កំពូល​អាស៊ាន​នៅ​កម្ពុជា​បាន​បញ្ចប់

កិច្ច​ប្រជុំ​កំពូល​អាស៊ាន​លើក​ទី ៤០ និង​ទី ៤១ បាន​បញ្ចប់​នៅ​ថ្ងៃ​អាទិត្យ​នេះ ដោយ​កម្ពុជា​បាន​ផ្ទេរ​តួនាទី​ជា​ប្រធាន​អាស៊ាន​ដល់​ឥណ្ឌូណេស៊ី។ លោក​នាយក​រដ្ឋមន្ត្រី​ ហ៊ុន សែន បាន​ប្រគល់​ញញួរ​តំណែងប្រធាន​អាស៊ាន​ដល់​លោក​ប្រធានាធិបតី Joko Widodo ក្នុង​ពិធី​ផ្ទេរ​តួនាទី​ ដោយ​មាន​ការ​ចូល​រួម​ពី​លោក Justin Trudeau នាយក​រដ្ឋមន្ត្រី​កាណាដា​ផងដែរ។ ក្នុង​សេចក្តី​ថ្លែងការណ៍​កាលពី​ថ្ងៃ​សុក្រ​ អាស៊ាន​បាន​ព្រមព្រៀង​គ្នា​ទទួល​យក​ប្រទេស​ទីម័រខាងកើត​ជា​សមាជិក​ទី ១១ របស់​អាស៊ាន។ នៅ​រយៈពេល ៧ ថ្ងៃ​ខាងមុខ កិច្ចប្រជុំ​កំពូល​នានា​នឹង​ធ្វើ​ឡើង​នៅ​តំបន់​អាស៊ីអាគេ្នយ៍ រួមមាន​កិច្ចប្រជុំ​កំពូល​នៃ​ក្រុម​ប្រទេស​មាន​សេដ្ឋកិច្ច​ជឿនលឿន​ទាំង ២០ ហៅថា G-20 ដែល​ធ្វើ​ឡើង​នៅ​កោះបាលី ឥណ្ឌូណេស៊ី និង​វេទិកា​កិច្ច​សហប្រតិបត្តិការ​សេដ្ឋកិច្ច​អាស៊ី​ប៉ាស៊ីហ្វិក (APEC) នៅ​ទីក្រុង​បាងកក ប្រទេស​ថៃ៕

នាយករដ្ឋមន្ត្រីកម្ពុជាលោក ហ៊ុន សែន និងប្រធានាធិបតីឥណ្ឌូណេស៊ីលោក Joko Widodo ក្នុងពិធីផ្ទេរតួនាទីជាប្រធានអាស៊ានពីកម្ពុជាទៅឲ្យឥណ្ឌូណេស៊ី ពេលបិទកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។
នាយករដ្ឋមន្ត្រីកម្ពុជាលោក ហ៊ុន សែន និងប្រធានាធិបតីឥណ្ឌូណេស៊ីលោក Joko Widodo ក្នុងពិធីផ្ទេរតួនាទីជាប្រធានអាស៊ានពីកម្ពុជាទៅឲ្យឥណ្ឌូណេស៊ី ពេលបិទកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។

00:23 14.11.2022
16x9 Image Reuters

ប្រធានាធិបតី​សហរដ្ឋ​អាមេរិក​លោក Joe Biden បាន​ថ្លែងកាលពី​ថ្ងៃ​អាទិត្យ​ថា បណ្តាញ​ទាក់ទង​គ្នា​របស់​សហរដ្ឋ​អាមេរិក​ជាមួយ​ប្រទេស​ចិន​ អាច​នៅ​បើក​ចំហ​ ដើម្បី​ទប់ស្កាត់​មិន​ឲ្យ​ជម្លោះ ក្នុង​ពេល​កិច្ច​ប្រជុំ​កំពូល​អាស៊ាន​នៅ​កម្ពុជា​បាន​បញ្ចប់។ លោក​បាន​ថ្លែង​ដូច្នេះ​នៅ​មុន​ជំនួប​ទ្វេភាគី​ជាមួយ​ប្រធានាធិបតី​ចិន​លោក Xi Jinping នៅកោះ​បាលី​នៃ​ប្រទេស​ឥណ្ឌូណេស៊ី ក្នុង​អំឡុង​កិច្ច​ប្រជុំ​កំពូល​នៃ​ក្រុម​ប្រទេស​មាន​សេដ្ឋកិច្ចជឿនលឿន​ទាំង ២០ ហៅ​ថា G-20។ នេះ​បើ​តាម​សេចក្តី​រាយការណ៍​របស់​ទីភ្នាក់ងារ​ព័ត៌មាន Reuters៕

ប្រធានាធិបតីសហរដ្ឋអាមេរិកលោក Joe Biden លើកដៃ ពេលលោកឈរលើយន្តហោះប្រធានាធិបតី Air Force One ដើម្បីត្រៀមចាកចេញពីរាជធានីភ្នំពេញ ដោយធ្វើដំណើរឆ្ពោះទៅកាន់ប្រទេសឥណ្ឌូណេស៊ី ថ្ងៃទី ១៣ ខែវិច្ឆិកា ឆ្នាំ ២០២២។
ប្រធានាធិបតីសហរដ្ឋអាមេរិកលោក Joe Biden លើកដៃ ពេលលោកឈរលើយន្តហោះប្រធានាធិបតី Air Force One ដើម្បីត្រៀមចាកចេញពីរាជធានីភ្នំពេញ ដោយធ្វើដំណើរឆ្ពោះទៅកាន់ប្រទេសឥណ្ឌូណេស៊ី ថ្ងៃទី ១៣ ខែវិច្ឆិកា ឆ្នាំ ២០២២។

00:22 14.11.2022

លោក Fumio Kishida នាយករដ្ឋ​មន្ត្រី​ជប៉ុន បាន​ថ្លែង​ប្រាប់​បណ្តា​មេដឹកនាំ​នៅ​តំបន់​អាស៊ី​នៅ​ថ្ងៃ​អាទិត្យ​ថា ចិន​កំពុង​ធ្វើ​សកម្មភាព​កាន់តែ​ច្រើន​និង​ឥតឈប់ឈរ​ដែល​រំលោភ​លើ​អធិបតេយ្យភាព​របស់​ប្រទេស​ជប៉ុន ហើយ​បញ្ឆេះ​ភាព​តានតឹង​ថែមទៀត​នៅ​ក្នុង​តំបន់។ ថ្លែង​ក្នុង​កិច្ចប្រជុំ​កំពូល​អាស៊ី​បូព៌ាលើក​ទី ១៧ លោក Kishida ថា ការ​ធានា​ឲ្យ​បាន​នូវ​សន្តិភាព​និង​ស្ថិរភាព​នៅ​តំបន់​កោះតៃវ៉ាន់​មាន​សារៈសំខាន់​សម្រាប់​សន្តិសុខ​ក្នុង​តំបន់ ដោយ​លោក​ក៏​បាន​«ក្តីបារម្ភ​ធ្ងន់ធ្ងរ»​លើ​ស្ថានភាព​សិទ្ធិមនុស្ស​របស់ក្រុម​ជនជាតិ​អ៊ុយហ្គ័រ (Uyghur)។ នេះ​បើ​យោង​តាម​សេចក្តី​ថ្លែងការណ៍​មួយ​ដែល​ចេញ​ផ្សាយ​ដោយ​ក្រសួង​ការបរទេស​ជប៉ុន ហើយ​ត្រូវបាន​រាយការណ៍ដោយ​ទីភ្នាក់ងារ​ព័ត៌មាន Reuters៕

លោក Fumio Kishida នាយករដ្ឋមន្ត្រីជប៉ុន ក្នុងអំឡុងកិច្ចប្រជុំកំពូលអាស៊ាន ជប៉ុន លើកទី ២៥ នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។
លោក Fumio Kishida នាយករដ្ឋមន្ត្រីជប៉ុន ក្នុងអំឡុងកិច្ចប្រជុំកំពូលអាស៊ាន ជប៉ុន លើកទី ២៥ នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។

21:12 13.11.2022
16x9 Image Reuters

ប្រធានាធិបតី​ឥណ្ឌូណេស៊ី​ប្តេជ្ញា​ថា​មិន​ធ្វើ​ឲ្យតំបន់​អាស៊ីអាគ្នេយ៍​ក្លាយ​ជា​សមរភូមិ​ប្រយុទ្ធ​ជួរ​មុខ​នៃ​សង្គ្រាម​ត្រជាក់​ថ្មី​មួយ​ជា​ដាច់ខាត ខណៈ​ភាព​តានតឹង​កំពុង​កើន​ឡើង​រវាង​សហរដ្ឋ​អាមេរិក​និង​ចិន។ ខណៈ​ឥណ្ឌូណេស៊ី​ក្លាយ​ជា​ប្រធាន​អាស៊ាន លោក Joko Widodo បាន​ថ្លែង​ថា អាស៊ាន​មិន​អាច​ក្លាយ​ជា​ «ភ្នាក់ងារ​របស់​មហា​អំណាច​ណា​មួយ​ឡើយ»។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន Reuters។ លោក​បញ្ជាក់​ថា តំបន់​អាស៊ី​អាគេ្នយ៍ដែល​មាន​ពលរដ្ឋ​សរុប​ជាង ៧០០ លាន​នាក់ «ចាំបាច់​ត្រូវតែ​ជា​តំបន់​ដ៏​ថ្លែថ្នូរ​មួយ» ហើយ​ «ប្រកាន់​ខ្ជាប់​នូវ​តម្លៃ​មនុស្សធម៌​និង​លទ្ធិ​ប្រជាធិបតេយ្យ»។ គោលការណ៍​ទាំង​នេះ​កំពុង​ប្រឈម​នឹង​បញ្ហា​ក្តោបក្តាប់​យោធា​នៅ​មីយ៉ាន់ម៉ា និង​ក្តី​បារម្ភ​អំពី​បញ្ហា​សិទ្ធិមនុស្ស​នៅ​កម្ពុជា។ កាលពី​ថ្ងៃ​អាទិត្យ ក្នុង​កិច្ច​ប្រជុំ​កំពូល​អាស៊ីបូព៌ា​ លោក​នាយករដ្ឋមន្ត្រី​ ហ៊ុន សែន ក៏​បាន​ថ្លែង​ថា ភាព​តានតឹង​សកល​បច្ចុប្បន្ន​កំពុង​ក្លាយ​ជា​បន្ទុក​ដល់​ប្រទេស​ជា​ច្រើន​ក្នុង​តំបន់៕

ប្រធានាធិបតីឥណ្ឌូណេស៊ីលោក Joko Widodo ថ្លែងទៅកាន់អ្នកសារព័ត៌មានក្នុងអំឡុងកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី១១ ខែវិច្ឆិកា ឆ្នាំ ២០២២។
ប្រធានាធិបតីឥណ្ឌូណេស៊ីលោក Joko Widodo ថ្លែងទៅកាន់អ្នកសារព័ត៌មានក្នុងអំឡុងកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី១១ ខែវិច្ឆិកា ឆ្នាំ ២០២២។

20:37 13.11.2022

ប្រធានាធិបតីសហរដ្ឋអាមេរិកលោក Joe Biden បានបញ្ចប់ទស្សនកិច្ចរបស់លោកនៅរាជធានីភ្នំពេញដើម្បីចូលរួមកិច្ចប្រជុំកំពូលអាស៊ាន អាមេរិក និងកិច្ចប្រជុំកំពូលពាក់ព័ន្ធ នៅរាជធានីភ្នំពេញ នារសៀលថ្ងៃអាទិត្យ ទី១៣ ខែវិច្ឆិកា។ លោក Biden ធ្វើដំណើរឆ្ពោះទៅកាន់ប្រទេសឥណ្ឌូណេស៊ី ដើម្បីចូលរួមកិច្ចប្រជុំកំពូលរបស់បណ្តាប្រទេសមានសេដ្ឋកិច្ចជឿនលឿនទាំង ២០ ហៅថា G-20 ដែលនៅទីនោះលោកនឹងជួបពិភាក្សាទ្វេភាគីជាមួយប្រធានាធិបតីចិនលោក Xi Jinping៕

ប្រធានាធិបតីសហរដ្ឋអាមេរិកលោក Joe Biden លើកដៃ ពេលលោកឈរលើយន្តហោះប្រធានាធិបតី Air Force One ដើម្បីត្រៀមចាកចេញពីរាជធានីភ្នំពេញ ដោយធ្វើដំណើរឆ្ពោះទៅកាន់ប្រទេសឥណ្ឌូណេស៊ី ថ្ងៃទី ១៣ ខែវិច្ឆិកា ឆ្នាំ ២០២២។
ប្រធានាធិបតីសហរដ្ឋអាមេរិកលោក Joe Biden លើកដៃ ពេលលោកឈរលើយន្តហោះប្រធានាធិបតី Air Force One ដើម្បីត្រៀមចាកចេញពីរាជធានីភ្នំពេញ ដោយធ្វើដំណើរឆ្ពោះទៅកាន់ប្រទេសឥណ្ឌូណេស៊ី ថ្ងៃទី ១៣ ខែវិច្ឆិកា ឆ្នាំ ២០២២។

17:43 13.11.2022
16x9 Image Reuters

មេដឹកនាំ​អាស៊ាន​មួយចំនួន​និងមេដឹកនាំ​មក​ពី​បណ្តា​ប្រទេស​ផ្សេងៗ​ទៀត បាន​ជួប​ពិភាក្សា​គ្នា​នៅ​ក្នុង​កិច្ចប្រជុំ​កំពូល​អាស៊ីបូព៌ា លើកទី ១៧ នៅរាជធានី​ភ្នំពេញ នៅថ្ងៃ​អាទិត្យ​នេះ។ មេដឹកនាំ​កូរ៉េខាងត្បូង ជប៉ុន ចិន អូស្ត្រាលី និង​ណូវែលសេឡង់ មាន​វត្តមាន​ក្នុង​កិច្ច​ប្រជុំ​កំពូល​នេះ រួមទាំង​រដ្ឋមន្ត្រីការបរទេស​រុស្ស៊ី។ ក៏ប៉ុន្តែ ប្រធានាធិបតី​សហរដ្ឋ​អាមេរិក​លោក Joe Biden មិន​បាន​ចូលរួម​កិច្ច​ប្រជុំ​នេះ​ទេ ហើយ​បាន​ធ្វើ​សន្និសីទ​សារព័ត៌មាន​អំពី​ការ​បោះឆ្នោត​ពាក់កណ្តាល​អាណត្តិ​ប្រធានាធិបតី​នៅ​សហរដ្ឋ​អាមេរិក។ នេះបើយោងតាមសេចក្តីរាយការណ៍របស់ទីភ្នាក់ងារព័ត៌មាន Reuters៕

ទិដ្ឋភាពទូទៅនៃកិច្ចប្រជុំកំពូលអាស៊ីបូព៌ា ដែលជាផ្នែកមួយនៃកិច្ចប្រជុំកំពូលអាស៊ានលើកទី ៤០ និងលើកទី ៤១ នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។
ទិដ្ឋភាពទូទៅនៃកិច្ចប្រជុំកំពូលអាស៊ីបូព៌ា ដែលជាផ្នែកមួយនៃកិច្ចប្រជុំកំពូលអាស៊ានលើកទី ៤០ និងលើកទី ៤១ នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។
ប្រធានាធិបតីសហរដ្ឋអាមេរិកលោក Joe Biden ថ្លែងទៅកាន់សារព័ត៌មានអំពីការបោះឆ្នោតពាក់កណ្តាលអាណត្តិនៅសហរដ្ឋអាមេរិក នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។
ប្រធានាធិបតីសហរដ្ឋអាមេរិកលោក Joe Biden ថ្លែងទៅកាន់សារព័ត៌មានអំពីការបោះឆ្នោតពាក់កណ្តាលអាណត្តិនៅសហរដ្ឋអាមេរិក នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។

17:03 13.11.2022

មេដឹកនាំអាស៊ាន និងមេដឹកនាំនៃប្រទេសជាដៃគូសំខាន់ៗរបស់អាស៊ាន រួមទាំងអង្គការអន្តរជាតិមួយចំនួន ដូចជាសហភាពអឺរ៉ុប និងអង្គការសហប្រជាជាតិ កំពុងជួបពិភាក្សាគ្នាអំពីបញ្ហាប្រឈមក្នុងតំបន់ និងសកលលោក រាប់តាំងពីសេដ្ឋកិច្ច សន្តិសុខ ភាពតានតឹងនយោបាយនិងយោធា ការប្រែប្រួលអាកាសធាតុ វិបត្តិថាមពលនិងស្បៀងអាហារជាដើម នៅក្នុងកិច្ចសន្ទនាសកលអាស៊ានលើកទី ២ នៅរាជធានីភ្នំពេញ ថ្ងៃទី ១៣ ខែវិច្ឆិកានេះ។

មេដឹកនាំអាស៊ាននិងមេដឹកនាំនៃបណ្តាប្រទេសជាដៃគូសំខាន់ៗរបស់អាស៊ាន ពិភាក្សាគ្នាក្នុងកិច្ចសន្ទនាសកលអាស៊ាន អំឡុងកិច្ចប្រជុំកំពូលអាស៊ានលើកទី ៤០ និងទី ៤១ នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។
មេដឹកនាំអាស៊ាននិងមេដឹកនាំនៃបណ្តាប្រទេសជាដៃគូសំខាន់ៗរបស់អាស៊ាន ពិភាក្សាគ្នាក្នុងកិច្ចសន្ទនាសកលអាស៊ាន អំឡុងកិច្ចប្រជុំកំពូលអាស៊ានលើកទី ៤០ និងទី ៤១ នៅរាជធានីភ្នំពេញ ថ្ងៃទី ១៣ ខែវិច្ឆិកា ឆ្នាំ ២០២២។

10:12 13.11.2022
16x9 Image Associated Press

លោក Justin Trudeau នាយករដ្ឋមន្ត្រី​កាណាដា បាន​ថ្លែង​ទៅកាន់​មេដឹកនាំ​អាស៊ាន កាលពី​ល្ងាច​ថ្ងៃសៅរ៍​ថា ប្រទេស​កាណាដា​បាន​កំពុង​ពង្រឹង​ទំនាក់ទំនង​របស់​ខ្លួន​ជាមួយ​តំបន់​អាស៊ីអាគ្នេយ៍ ក្នុង​អ្វី​ដែល​លោក​បាន​ចាត់ទុក​ថា​ជា «ការ​ផ្លាស់ប្តូរ​ជា​ជំនាន់»​មួយ។ លោក​បាន​បញ្ជាក់​ថា វា​មាន​សារៈសំខាន់​ក្នុង​ការ​«ពង្រឹង​កិច្ច​សហប្រតិបត្តិការ​ទ្វេដង​រវាង​ភាគី​ទាំងពីរ ដើម្បី​ជួយ​ដោះស្រាយ​បញ្ហា​ប្រឈម​សកល​នានា»។ លោក Trudeau ថ្លែង​ថា៖ «ថ្ងៃនេះ​ ខ្ញុំ​ប្រកាស​អំពី​ការ​បណ្តាក់ទុន​រឹងមាំ​នានា ដែល​ជាផ្នែក​នៃ​ការ​ប្តេជ្ញា​របស់​យើង​ក្នុង​ទំនាក់ទំនង​នេះ»។ នាយក​រដ្ឋមន្ត្រី​កាណាដា​រូបនេះ​បាន​ថ្លែង​ដូច្នេះ​ នៅក្នុង​កិច្ចប្រជុំ​កំពូល​រំឭកខួប​នៃ​ទំនាក់ទំនង​រវាង​អាស៊ាន​និង​កាណាដា នៅ​រាជធានី​ភ្នំពេញ។ នេះ​បើយោង​តាម​សេចក្តី​រាយការណ៍​របស់​ទីភ្នាក់ងារ​ព័ត៌មាន The Associated Press៕

លោក Justin Trudeau នាយករដ្ឋមន្ត្រីកាណាដា ថ្លែងនៅក្នុងកិច្ចប្រជុំកំពូលរំឭកខួបនៃទំនាក់ទំនងអាស៊ាន កាណាដា នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។
លោក Justin Trudeau នាយករដ្ឋមន្ត្រីកាណាដា ថ្លែងនៅក្នុងកិច្ចប្រជុំកំពូលរំឭកខួបនៃទំនាក់ទំនងអាស៊ាន កាណាដា នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។

22:29 12.11.2022

ប្រធានាធិបតីសហរដ្ឋអាមេរិក លោក Joe Biden បាន​លើក​ឡើងអំពី​ក្តី​បារម្ភ​របស់​អាមេរិក​ពាក់ព័ន្ធ​នឹង​មូលដ្ឋានកងទ័ពរាមនៅខេត្តព្រះសីហនុ ដែលពាក់ព័ន្ធនឹងចិន នៅក្នុងជំនួបទ្វេភាគីរបស់លោកជាមួយលោកនាយករដ្ឋមន្ត្រី ហ៊ុន សែន។ នេះបើយោងតាមសេចក្តីប្រកាសរបស់សេតវិមាន។ ជាមួយគ្នានោះ លោក Biden ក៏បាន​ជំរុញឲ្យលោក ហ៊ុន សែន បើកលម្ហនយោបាយនិងស៊ីវិលឡើងវិញ មុនការបោះឆ្នោតជាតិឆ្នាំ ២០២៣ ខាងមុខនៅកម្ពុជា។ បន្ថែមលើនោះ លោក​ក៏​បាន​ស្នើ​ឲ្យ​មាន​ការ​ដោះលែង​សកម្មជន ដែលត្រូវបានឃុំខ្លួនដោយការបទចោទប្រកាន់ដែលមានលក្ខណៈនយោបាយ រួមទាំងកញ្ញា សេង ធារី ពលរដ្ឋខ្មែរអាមេរិកាំងផងដែរ។ ប្រធានាធិបតីសហរដ្ឋអាមេរិករូបនេះ បានបញ្ជាក់ពី​ការប្តេជ្ញាជាថ្មីរបស់​សហរដ្ឋ​អាមេរិក​ដល់​ប្រជាពលរដ្ឋ​កម្ពុជា និង​បំណងរបស់ពួកគេ​ដែលចង់បានប្រទេសរុងរឿង ប្រជាធិបតេយ្យ និងឯករាជ្យ៕

លោក Joe Biden ប្រធានាធិបតីសហរដ្ឋអាមេរិក និងលោក ហ៊ុន សែន នាយករដ្ឋមន្ត្រីកម្ពុជា ក្នុងជំនួបទ្វេភាគី ក្នុងអំឡុងកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។
លោក Joe Biden ប្រធានាធិបតីសហរដ្ឋអាមេរិក និងលោក ហ៊ុន សែន នាយករដ្ឋមន្ត្រីកម្ពុជា ក្នុងជំនួបទ្វេភាគី ក្នុងអំឡុងកិច្ចប្រជុំកំពូលអាស៊ាន នៅរាជធានីភ្នំពេញ ថ្ងៃទី ១២ ខែវិច្ឆិកា ឆ្នាំ ២០២២។

20:14 12.11.2022
16x9 Image ម៉ែន គឹមសេង

លោក​ សម រង្ស៊ី ​ប្រធាន​ស្តីទី​គណបក្ស​សង្គ្រោះ​ជាតិ​ដែល​កំពុង​រស់​នៅ​នីរទេស​ខ្លួន​ក្រៅ​ប្រទេស​ បាន​ទទូច​ឲ្យ​លោក​ Joe Biden ​ប្រធានាធិបតី​សហរដ្ឋ​អាមេរិក ផ្តោត​លើ​ការនាំ​យក​លទ្ធិ​ប្រជាធិបតេយ្យ​ត្រឡប់​មក​កម្ពុជា​វិញ​ និង​រក្សា​ការពារ​អធិបតេយ្យ​របស់​កម្ពុជា​ ទល់​នឹង​ការ​ពង្រីក​ឥទ្ធិពល​កាន់តែ​ធំ​របស់​មហាអំណាច​ចិន។ លោក​បាន​លើកឡើង​ដូច្នេះ​នៅ​ក្នុង​អត្ថបទមួយ​ដែល​លោក​បាន​សរសេរ ហើយ​ត្រូវបាន​បោះពុម្ពផ្សាយ​នៅលើ​គេហទំព័រ The Diplomat កាលពី​ថ្ងៃ​ព្រហស្បតិ៍​កន្លងទៅ។

លោក Biden ​កំពុង​ចូលរួម​កិច្ច​ប្រជុំ​កំពូលអាស៊ាន​ និង​កិច្ចប្រជុំ​កំពូល​ពាក់ព័ន្ធ ដែល​រៀបចំ​នៅ​រាជធានី​ភ្នំពេញ។ យ៉ាងណាមិញ នៅ​ក្នុង​ជំនួប​ទ្វេភាគី​ជាមួយ​លោក ហ៊ុន សែន នា​រសៀល​ថ្ងៃ​សៅរ៍​នេះ លោក Biden បាន​ថ្លែង​អរគុណ​លោក ហ៊ុន សែន ​ដែល​ជា​ប្រធាន​អាស៊ាន​ប្តូរវេន ចំពោះ​សេចក្តី​ថ្លែងការណ៍​សំខាន់ៗ​របស់​លោក ថ្កោលទោស​សង្គ្រាម​ឈ្លានពាន​របស់​រុស្ស៊ី​នៅ​អ៊ុយក្រែន។ ជាមួយ​គ្នា​នោះ លោក Biden ក៏​សង្ឃឹម​ថា​នឹង​ឃើញ​លទ្ធិប្រជាធិបតេយ្យ​ត្រូវបាន​ស្តាឡើង​វិញ​នៅ​ប្រទេស​មីយ៉ាន់ម៉ា ដែល​កំពុង​ស្ថិត​ក្រោម​ការ​គ្រប់គ្រង​របស់​របប​យោធា ក្រោម​កិច្ច​ប្រឹងប្រែង​របស់​អាស៊ាន ហើយ​លោក​ក៏​បាន​សង្កត់ធ្ងន់​លើ​សារៈសំខាន់​នៃ​អព្យាក្រឹតភាព​របស់​អាស៊ាន​ផងដែរ៕

រូបឯកសារ៖ លោក សម រង្ស៊ី មេដឹកនាំគណបក្សប្រឆាំងដែលបាននិរទេសខ្លួនទៅក្រៅប្រទេស ថ្លែងទៅកាន់អ្នកសារព័ត៌មាននៅក្នុងប្រទេសម៉ាឡេស៊ី កាលពីថ្ងៃទី ១២ ខែវិច្ឆិកា ឆ្នាំ ២០១៩។
រូបឯកសារ៖ លោក សម រង្ស៊ី មេដឹកនាំគណបក្សប្រឆាំងដែលបាននិរទេសខ្លួនទៅក្រៅប្រទេស ថ្លែងទៅកាន់អ្នកសារព័ត៌មាននៅក្នុងប្រទេសម៉ាឡេស៊ី កាលពីថ្ងៃទី ១២ ខែវិច្ឆិកា ឆ្នាំ ២០១៩។

18:50 12.11.2022


កិច្ចសន្ទនាវីអូអេជុំវិញកិច្ចប្រជុំកំពូលអាស៊ាន ដែលកំពុងធ្វើឡើងនៅរាជធានីភ្នំពេញ ពីថ្ងៃទី ១០ ដល់ទី ១៣ ខែវិច្ឆិកា

XS
SM
MD
LG