ភ្នំពេញ៖ ជនរងគ្រោះនិងគ្រួសារជនរងគ្រោះមួយចំនួនដោយការបង្រ្កាបដោយហិង្សារបស់សមត្ថកិច្ចនៅចំណុចគល់ស្ពានច្បារអំពៅកាលពីយប់ថ្ងៃអាទិត្យមុន កំពុងរៀបចំពាក្យបណ្តឹងទៅតុលាការដើម្បីវែកមុខជនដៃដល់និងទាមទាររកយុត្តិធម៌សម្រាប់ពួកគេ។
កំពុងអង្គុយខាងមុខរូបថតរបស់ប្តីអ្នកស្រីអមដោយធូបនិងទានក្នុងផ្ទះចាស់តូចមួយខ្នងនៅសង្កាត់ចាក់អង្រែក្រោម អ្នកស្រី ជាវ សុខវី ប្រពន្ធលោក ម៉ៅ សុខច័ន្ទ ថ្លែងថាការស្លាប់របស់ស្វាមីអ្នកស្រីជារឿងដ៏អយុត្តិធម៌មួយ ហើយអ្នកស្រីបានដាក់ពាក្យបណ្តឹងទៅតុលាការរួចហើយ។
«ខ្ញុំចង់ឱ្យអង្គការនិងស្ថាប័នទាំងអស់ជួយរកយុត្តិធម៌ឱ្យប្តីខ្ញុំ។ សូមជួយរកយុត្តិធម៌ដល់ប្តីខ្ញុំ គាត់ជាជនរងគ្រោះដែលត្រូវបានគេបាញ់សម្លាប់មិនដឹងហេតុផល។ ខ្ញុំដាក់ពាក្យបណ្តឹងរួចហើយ តាមព្រះរាជអាជ្ញា។ ថ្ងៃហ្នឹងគេកោះហៅខ្ញុំដែរ តែខ្ញុំរវល់ពេកខ្ញុំក៏សូមពន្យាពេលទៅថ្ងៃស្អែក»។
លោក ម៉ៅ សុខច័ន្ទអាយុ២៩ឆ្នាំជាកម្មករសំណង់ម្នាក់ ត្រូវបានគេបាញ់ចំក្បាលពីចម្ងាយបណ្តាលឲ្យស្លាប់នៅនឹងកន្លែងក្នុងពេលផ្ទុះអំពើហិង្សាមួយរវាងប្រជាពលរដ្ឋនិងអាជ្ញាធរនៅចំណុចស្ពានច្បារអំពៅកាលពីល្ងាចថ្ងៃអាទិត្យ។
ការស្លាប់របស់ស្វាមីអ្នកស្រី ធ្វើឱ្យអ្នកស្រី ជាវ សុខវីក្លាយជាស្ត្រីមេម៉ាយទទួលបន្ទុកចិញ្ចឹមកូនបួននាក់ ក្នុងជីវភាពតោកយ៉ាកតែម្នាក់ឯង។
អំពើហិង្សារវាងប្រជាពលរដ្ឋនិងកម្លាំងសមត្ថកិច្ចបានផ្ទុះឡើងក្រោយពីប្រជាពលរដ្ឋមួយចំនួនបាននាំគ្នារុះរើបន្លាលួសដែលដាក់បង្ខាំងផ្លូវដើម្បីដោះស្រាយការស្ទះចរាចរណ៍ជាច្រើនម៉ោងនៅទីនោះ នៅចំថ្ងៃគណបក្សសង្គ្រោះជាតិធ្វើមហាបាតុកម្មរបស់ខ្លួននៅសួនប្រជាធិបតេយ្យ។
ក្រៅពីការស្លាប់របស់លោកម៉ៅ សុខច័ន្ទ អំពើហិង្សានេះបានបណ្តាលឱ្យមនុស្សយ៉ាងតិចណាស់១០នាក់រងរបួស និងនាំឱ្យមានការឃាត់ខ្លួនមនុស្ស៦នាក់ផ្សេងទៀត។
ជនរងគ្រោះដទៃទៀតក៏កំពុងទន្ទឹងរង់ចាំយុត្តិធម៌សម្រាប់ពួកគេដូចគ្នាដែរ។
កំពុងសម្រាកលើគ្រែនៅមន្ទីរពេទ្យកាលម៉ែត្រ លោក អ៊ុំ សុខឃាង អាយុ២៧ឆ្នាំជាកម្មករលីអង្ករម្នាក់ ថ្លែងថាគាត់ត្រូវបានកម្លាំងសមត្ថកិច្ចបាញ់ឱ្យរបួសជើងម្ខាង បន្ទាប់លោកចូលទៅ ជួយលើកអ្នករងរបួសផ្សេងទៀត។
លោក អ៊ុំ សុខឃាង បានថ្កោលទោសចំពោះការបាញ់រះរបស់អាជ្ញាធរមកលើប្រជាពលរដ្ឋថាជាអំពើព្រៃផ្សៃ ហើយលោកនឹងដាក់ពាក្យបណ្តឹងដើម្បីស្វែងរកជនដៃដល់យកមកផ្តន្ទាទោស។
«ខ្ញុំមានអារម្មណ៍ថាអយុត្តិធម៌ណាស់ព្រោះសមត្ថកិច្ចប្រើកាំភ្លើងបាញ់មនុស្សដូចបាញ់សត្វ ហើយបាញ់នេះមិនបាញ់បន្លាចទេ ប៉ុន្តែបាញ់សំដៅឱ្យស្លាប់តែម្តង។ ខ្ញុំបានពឹងអង្គការសិទ្ធិមនុស្សឱ្យជួយរកយុត្តិធម៌ឱ្យពួកខ្ញុំ ព្រោះពួកខ្ញុំមិនដឹងអ្វីសោះ ហេតុអ្វីបានជាសមត្ថកិច្ចប្រើកាំភ្លើងបាញ់ពួកខ្ញុំ។ ខ្ញុំចង់រកមុខជនដៃដល់ដែលបាញ់ពួកខ្ញុំ»។
ជនរងគ្រោះម្នាក់ទៀតដែលនៅបន្ទប់អ្នកជំងឺជាមួយគ្នា លោក សុខ វណ្ណៈ អាយុ២១ឆ្នាំ ដែលត្រូវបានគេបាញ់ចំថ្ពាល់ខាងឆ្វេងក៏មានបំណងដាក់ពាក្យបណ្តឹងដែរ។
«ពេលនោះខ្ញុំដើររកប្អូន ពេលឃើញគេរត់ ក៏រត់ផ្អើលតាមគេទៅ។ គេបាញ់មកត្រូវខ្ញុំ។ ខ្ញុំចង់ឱ្យអ្នកបាញ់ខ្ញុំហ្នឹងទទួលខុសត្រូវ។ ប៉ុន្តែប្តឹងទៅមិនដឹងទៅរកមុខអ្នកណា មិនដឹងទៅប្តឹងអ្នកណា»។
ចំណែកឯ លោក លាង រតនា ជាកម្មករសំណង់ម្នាក់ ត្រូវបានគេបាញ់២គ្រាប់ចំកញ្ចឹងកនិងស្មាបណ្តាលឱ្យរងរបួសធ្ងន់និយាយមិនរួច។ ប្រពន្ធរបស់លោក អ្នកស្រី ជីន ចន្ធី ក៏ចង់បានយុត្តិធម៌ឱ្យប្តីរបស់អ្នកស្រីដែរ ប៉ុន្តែមានការស្ទាក់ស្ទើរក្នុងការដាក់ពាក្យបណ្តឹង។
«អត់មានបាញ់បង្អើលទេ គឺបាញ់រះយកតែម្តង។ រឿងយុត្តិធម៌ខ្ញុំចង់រកឱ្យប្តីខ្ញុំដែរ តែមិនដឹងអ្នកណាជាអ្នកបាញ់»។
យ៉ាងណាក៏ដោយ ថ្លៃសម្រាកព្យាបាលរបស់ជនរងគ្រោះទាំងនោះមិនត្រូវមន្ទីរពេទ្យបង្គាប់ឱ្យបង់ទេ។
លោក ខេង ទីតូ អ្នកនាំពាក្យនៃកងរាជអាវុធហត្ថលើផ្ទៃប្រទេស បានបដិសេដចំពោះការប្រើអាវុធរបស់សមត្ថកិច្ចក្នុងការប៉ះទង្គិចនេះ។
«ជាទូទៅ យើងអត់មានបញ្ជាឱ្យបង្ក្រាបទេ តែយើងមានបទបញ្ជាឱ្យទប់ទល់និងការពារសន្តិសុខនៅកន្លែងកើតហេតុនោះ។ អញ្ចឹងហើយបានជាយើងធ្វើការស៊ើបអង្កេតករណីកងអាវុធហត្ថបានទៅបាញ់រះ គឺជាការចោទប្រកាន់គ្មានភស្តុតាងទេ ពីព្រោះកងអាវុធហត្ថគ្មានអ្នកណាមានអាវុធទេ គឺមានតែដំបងនិងខែល ព្រោះប្រជាពលរដ្ឋទាំងនោះគ្មានអាវុធឯណា។ អញ្ចឹងអ្នកប្រព្រឹត្តបទល្មើសត្រូវទទួលទោសតាមច្បាប់»។
ដោយឡែក ចំពោះជនជាប់ចោទ៦នាក់ផ្សេងទៀតរួមទាំងជនជាតិវៀតណាមម្នាក់ផងត្រូវបានសាលាដំបូងរាជធានីភ្នំពេញសម្រេចដាក់ឱ្យឃុំខ្លួនបណ្តោះអាសន្នក្នុងពន្ធនាគារ ពីបទប្រើអំពើហិង្សានិងធ្វើឱ្យខូចខាតសម្បត្តិសាធារណៈដោយចេតនា។ ប្រសិនបើរកឃើញពិរុទ្ធភាព ពួកគេអាចប្រឈមនឹងការជាប់ពន្ធនាគារចន្លោះពី២ឆ្នាំទៅ៥ឆ្នាំ និងពិន័យប្រាក់ពី៤លានទៅ១០លានរៀល។
គេសង្កេតឃើញថារាល់ការបង្រ្កាបដោយហិង្សាពីសំណាក់អាជ្ញាធរនាពេលកន្លងមក ជនដៃដល់កម្រនឹងត្រូវបានយកមកផ្តន្ទាទោសតាមច្បាប់ណាស់។
តួយ៉ាង ក្នុងករណីចុះបង្ក្រាបការបង្កើតតំបន់អបគមន៍នៅភូមិប្រម៉ាខេត្តក្រចេះក្នុងឆ្នាំ២០១២ កងកម្លាំងសមត្ថកិច្ចបានបាញ់កុមារីម្នាក់ឈ្មោះហេង ចន្ថា អាយុ១៤ឆ្នាំ ចំភ្លៅនិងពោះបណ្តាលឱ្យស្លាប់ភ្លាមៗ។ ប៉ុន្តែគ្មានអ្នកណាម្នាក់ត្រូវបានផ្តន្ទាទោសនោះទេ ដោយអាជ្ញាធរពន្យល់ថានេះជាឧបទ្ទវហេតុមួយប៉ុណ្ណោះ ហើយគ្រួសារជនរងគ្រោះបានសម្រេចបញ្ចប់រឿងក្តី ដោយសំណងប្រហែល២ពាន់ដុល្លារនិងការឧបត្ថម្ភសម្ភារៈប្រើប្រាស់មួយចំនួនពីអាជ្ញាធរមូលដ្ឋាន។ នេះបើតាមលោក ចាន់ សុវ៉េត មន្ត្រីការពារសិទ្ធិមនុស្សរបស់អង្គការអាដហុក។
ស្រដៀងគ្នានេះដែរ លោក ឈូក បណ្ឌិត អតីតអភិបាលក្រុងបាវិតដែលបានបាញ់កម្មការិនីបីនាក់ឱ្យរងរបួសខណៈពេលលោកចុះទៅបង្ក្រាបបាតុកម្មកាលពីខែកុម្ភៈឆ្នាំ២០១២ ត្រូវបានតុលាការសម្រេចផ្តន្ទាទោស ប៉ុន្តែនៅតែមិនទាន់ចាប់ដាក់ពន្ធនាគារបាន។
លោក អំ សំអាត ប្រធានផ្នែកបច្ចេកទេសស៊ើបអង្កេតរបស់អង្គការសិទ្ធិមនុស្សលីកាដូយល់ថាការមិនទទួលខុសត្រូវរបស់អាជ្ញាធរក្នុងការបង្ក្រាបរបស់ខ្លួនកំពុងក្លាយជាជំងឺនៃវប្បធម៌និទណ្ឌភាពមួយនៅកម្ពុជាដែលត្រូវការព្យាបាល។
«យើងឃើញថាពេលមានការបង្ក្រាបកើតឡើង ហើយមានអ្នករបួសនិងអ្នកស្លាប់ រដ្ឋាភិបាលថាវាជាឧបទ្ទវហេតុដែលកើតឡើង។ ដូច្នេះពាក្យថាឧបទ្ទវហេតុហ្នឹងជាការដោះស្រាយបញ្ចប់រឿង។ ការដោះស្រាយរបៀបនេះហើយ ទើបមានវប្បធម៌មួយបន្តរហូតមក គឺអ្នកដែលប្រព្រឹត្តហ្នឹងគាត់អត់ញញើតទេ ព្រោះប្រព្រឹត្តហើយពុំមានទោសពៃរ៍។ ដូច្នេះដើម្បីបញ្ចប់វប្បធម៌និទណ្ឌភាពបែបហ្នឹងត្រូវតែមានការស៊ើបអង្កេតឱ្យបានដិតដល់រកជនដៃដល់មកផ្តន្ទាទោសតាមច្បាប់»។
យ៉ាងណាក៏ដោយ លោក ខេង ទីតូ អ្នកនាំពាក្យនៃកងរាជអាវុធហត្ថលើផ្ទៃប្រទេស អះអាងថាសមត្ថកិច្ចចម្រុះរួមមាននគរបាលជាតិ ក្រសួងមហាផ្ទៃ និងអគ្គស្នងការនគរបាលជាតិកំពុងធ្វើការស៊ើបអង្កេតរួមគ្នាមួយ ដើម្បីវែកមុខរកជនដៃដល់ក្នុងអំពើហិង្សាបាញ់ប្រជាពលរដ្ឋកាលពីថ្ងៃអាទិត្យមុនដើម្បីយកទៅផ្តន្ទាទោសតាមច្បាប់៕
កំពុងអង្គុយខាងមុខរូបថតរបស់ប្តីអ្នកស្រីអមដោយធូបនិងទានក្នុងផ្ទះចាស់តូចមួយខ្នងនៅសង្កាត់ចាក់អង្រែក្រោម អ្នកស្រី ជាវ សុខវី ប្រពន្ធលោក ម៉ៅ សុខច័ន្ទ ថ្លែងថាការស្លាប់របស់ស្វាមីអ្នកស្រីជារឿងដ៏អយុត្តិធម៌មួយ ហើយអ្នកស្រីបានដាក់ពាក្យបណ្តឹងទៅតុលាការរួចហើយ។
«ខ្ញុំចង់ឱ្យអង្គការនិងស្ថាប័នទាំងអស់ជួយរកយុត្តិធម៌ឱ្យប្តីខ្ញុំ។ សូមជួយរកយុត្តិធម៌ដល់ប្តីខ្ញុំ គាត់ជាជនរងគ្រោះដែលត្រូវបានគេបាញ់សម្លាប់មិនដឹងហេតុផល។ ខ្ញុំដាក់ពាក្យបណ្តឹងរួចហើយ តាមព្រះរាជអាជ្ញា។ ថ្ងៃហ្នឹងគេកោះហៅខ្ញុំដែរ តែខ្ញុំរវល់ពេកខ្ញុំក៏សូមពន្យាពេលទៅថ្ងៃស្អែក»។
លោក ម៉ៅ សុខច័ន្ទអាយុ២៩ឆ្នាំជាកម្មករសំណង់ម្នាក់ ត្រូវបានគេបាញ់ចំក្បាលពីចម្ងាយបណ្តាលឲ្យស្លាប់នៅនឹងកន្លែងក្នុងពេលផ្ទុះអំពើហិង្សាមួយរវាងប្រជាពលរដ្ឋនិងអាជ្ញាធរនៅចំណុចស្ពានច្បារអំពៅកាលពីល្ងាចថ្ងៃអាទិត្យ។
ការស្លាប់របស់ស្វាមីអ្នកស្រី ធ្វើឱ្យអ្នកស្រី ជាវ សុខវីក្លាយជាស្ត្រីមេម៉ាយទទួលបន្ទុកចិញ្ចឹមកូនបួននាក់ ក្នុងជីវភាពតោកយ៉ាកតែម្នាក់ឯង។
អំពើហិង្សារវាងប្រជាពលរដ្ឋនិងកម្លាំងសមត្ថកិច្ចបានផ្ទុះឡើងក្រោយពីប្រជាពលរដ្ឋមួយចំនួនបាននាំគ្នារុះរើបន្លាលួសដែលដាក់បង្ខាំងផ្លូវដើម្បីដោះស្រាយការស្ទះចរាចរណ៍ជាច្រើនម៉ោងនៅទីនោះ នៅចំថ្ងៃគណបក្សសង្គ្រោះជាតិធ្វើមហាបាតុកម្មរបស់ខ្លួននៅសួនប្រជាធិបតេយ្យ។
ក្រៅពីការស្លាប់របស់លោកម៉ៅ សុខច័ន្ទ អំពើហិង្សានេះបានបណ្តាលឱ្យមនុស្សយ៉ាងតិចណាស់១០នាក់រងរបួស និងនាំឱ្យមានការឃាត់ខ្លួនមនុស្ស៦នាក់ផ្សេងទៀត។
ជនរងគ្រោះដទៃទៀតក៏កំពុងទន្ទឹងរង់ចាំយុត្តិធម៌សម្រាប់ពួកគេដូចគ្នាដែរ។
កំពុងសម្រាកលើគ្រែនៅមន្ទីរពេទ្យកាលម៉ែត្រ លោក អ៊ុំ សុខឃាង អាយុ២៧ឆ្នាំជាកម្មករលីអង្ករម្នាក់ ថ្លែងថាគាត់ត្រូវបានកម្លាំងសមត្ថកិច្ចបាញ់ឱ្យរបួសជើងម្ខាង បន្ទាប់លោកចូលទៅ ជួយលើកអ្នករងរបួសផ្សេងទៀត។
លោក អ៊ុំ សុខឃាង បានថ្កោលទោសចំពោះការបាញ់រះរបស់អាជ្ញាធរមកលើប្រជាពលរដ្ឋថាជាអំពើព្រៃផ្សៃ ហើយលោកនឹងដាក់ពាក្យបណ្តឹងដើម្បីស្វែងរកជនដៃដល់យកមកផ្តន្ទាទោស។
«ខ្ញុំមានអារម្មណ៍ថាអយុត្តិធម៌ណាស់ព្រោះសមត្ថកិច្ចប្រើកាំភ្លើងបាញ់មនុស្សដូចបាញ់សត្វ ហើយបាញ់នេះមិនបាញ់បន្លាចទេ ប៉ុន្តែបាញ់សំដៅឱ្យស្លាប់តែម្តង។ ខ្ញុំបានពឹងអង្គការសិទ្ធិមនុស្សឱ្យជួយរកយុត្តិធម៌ឱ្យពួកខ្ញុំ ព្រោះពួកខ្ញុំមិនដឹងអ្វីសោះ ហេតុអ្វីបានជាសមត្ថកិច្ចប្រើកាំភ្លើងបាញ់ពួកខ្ញុំ។ ខ្ញុំចង់រកមុខជនដៃដល់ដែលបាញ់ពួកខ្ញុំ»។
ជនរងគ្រោះម្នាក់ទៀតដែលនៅបន្ទប់អ្នកជំងឺជាមួយគ្នា លោក សុខ វណ្ណៈ អាយុ២១ឆ្នាំ ដែលត្រូវបានគេបាញ់ចំថ្ពាល់ខាងឆ្វេងក៏មានបំណងដាក់ពាក្យបណ្តឹងដែរ។
«ពេលនោះខ្ញុំដើររកប្អូន ពេលឃើញគេរត់ ក៏រត់ផ្អើលតាមគេទៅ។ គេបាញ់មកត្រូវខ្ញុំ។ ខ្ញុំចង់ឱ្យអ្នកបាញ់ខ្ញុំហ្នឹងទទួលខុសត្រូវ។ ប៉ុន្តែប្តឹងទៅមិនដឹងទៅរកមុខអ្នកណា មិនដឹងទៅប្តឹងអ្នកណា»។
ចំណែកឯ លោក លាង រតនា ជាកម្មករសំណង់ម្នាក់ ត្រូវបានគេបាញ់២គ្រាប់ចំកញ្ចឹងកនិងស្មាបណ្តាលឱ្យរងរបួសធ្ងន់និយាយមិនរួច។ ប្រពន្ធរបស់លោក អ្នកស្រី ជីន ចន្ធី ក៏ចង់បានយុត្តិធម៌ឱ្យប្តីរបស់អ្នកស្រីដែរ ប៉ុន្តែមានការស្ទាក់ស្ទើរក្នុងការដាក់ពាក្យបណ្តឹង។
«អត់មានបាញ់បង្អើលទេ គឺបាញ់រះយកតែម្តង។ រឿងយុត្តិធម៌ខ្ញុំចង់រកឱ្យប្តីខ្ញុំដែរ តែមិនដឹងអ្នកណាជាអ្នកបាញ់»។
យ៉ាងណាក៏ដោយ ថ្លៃសម្រាកព្យាបាលរបស់ជនរងគ្រោះទាំងនោះមិនត្រូវមន្ទីរពេទ្យបង្គាប់ឱ្យបង់ទេ។
លោក ខេង ទីតូ អ្នកនាំពាក្យនៃកងរាជអាវុធហត្ថលើផ្ទៃប្រទេស បានបដិសេដចំពោះការប្រើអាវុធរបស់សមត្ថកិច្ចក្នុងការប៉ះទង្គិចនេះ។
«ជាទូទៅ យើងអត់មានបញ្ជាឱ្យបង្ក្រាបទេ តែយើងមានបទបញ្ជាឱ្យទប់ទល់និងការពារសន្តិសុខនៅកន្លែងកើតហេតុនោះ។ អញ្ចឹងហើយបានជាយើងធ្វើការស៊ើបអង្កេតករណីកងអាវុធហត្ថបានទៅបាញ់រះ គឺជាការចោទប្រកាន់គ្មានភស្តុតាងទេ ពីព្រោះកងអាវុធហត្ថគ្មានអ្នកណាមានអាវុធទេ គឺមានតែដំបងនិងខែល ព្រោះប្រជាពលរដ្ឋទាំងនោះគ្មានអាវុធឯណា។ អញ្ចឹងអ្នកប្រព្រឹត្តបទល្មើសត្រូវទទួលទោសតាមច្បាប់»។
ដោយឡែក ចំពោះជនជាប់ចោទ៦នាក់ផ្សេងទៀតរួមទាំងជនជាតិវៀតណាមម្នាក់ផងត្រូវបានសាលាដំបូងរាជធានីភ្នំពេញសម្រេចដាក់ឱ្យឃុំខ្លួនបណ្តោះអាសន្នក្នុងពន្ធនាគារ ពីបទប្រើអំពើហិង្សានិងធ្វើឱ្យខូចខាតសម្បត្តិសាធារណៈដោយចេតនា។ ប្រសិនបើរកឃើញពិរុទ្ធភាព ពួកគេអាចប្រឈមនឹងការជាប់ពន្ធនាគារចន្លោះពី២ឆ្នាំទៅ៥ឆ្នាំ និងពិន័យប្រាក់ពី៤លានទៅ១០លានរៀល។
គេសង្កេតឃើញថារាល់ការបង្រ្កាបដោយហិង្សាពីសំណាក់អាជ្ញាធរនាពេលកន្លងមក ជនដៃដល់កម្រនឹងត្រូវបានយកមកផ្តន្ទាទោសតាមច្បាប់ណាស់។
តួយ៉ាង ក្នុងករណីចុះបង្ក្រាបការបង្កើតតំបន់អបគមន៍នៅភូមិប្រម៉ាខេត្តក្រចេះក្នុងឆ្នាំ២០១២ កងកម្លាំងសមត្ថកិច្ចបានបាញ់កុមារីម្នាក់ឈ្មោះហេង ចន្ថា អាយុ១៤ឆ្នាំ ចំភ្លៅនិងពោះបណ្តាលឱ្យស្លាប់ភ្លាមៗ។ ប៉ុន្តែគ្មានអ្នកណាម្នាក់ត្រូវបានផ្តន្ទាទោសនោះទេ ដោយអាជ្ញាធរពន្យល់ថានេះជាឧបទ្ទវហេតុមួយប៉ុណ្ណោះ ហើយគ្រួសារជនរងគ្រោះបានសម្រេចបញ្ចប់រឿងក្តី ដោយសំណងប្រហែល២ពាន់ដុល្លារនិងការឧបត្ថម្ភសម្ភារៈប្រើប្រាស់មួយចំនួនពីអាជ្ញាធរមូលដ្ឋាន។ នេះបើតាមលោក ចាន់ សុវ៉េត មន្ត្រីការពារសិទ្ធិមនុស្សរបស់អង្គការអាដហុក។
ស្រដៀងគ្នានេះដែរ លោក ឈូក បណ្ឌិត អតីតអភិបាលក្រុងបាវិតដែលបានបាញ់កម្មការិនីបីនាក់ឱ្យរងរបួសខណៈពេលលោកចុះទៅបង្ក្រាបបាតុកម្មកាលពីខែកុម្ភៈឆ្នាំ២០១២ ត្រូវបានតុលាការសម្រេចផ្តន្ទាទោស ប៉ុន្តែនៅតែមិនទាន់ចាប់ដាក់ពន្ធនាគារបាន។
លោក អំ សំអាត ប្រធានផ្នែកបច្ចេកទេសស៊ើបអង្កេតរបស់អង្គការសិទ្ធិមនុស្សលីកាដូយល់ថាការមិនទទួលខុសត្រូវរបស់អាជ្ញាធរក្នុងការបង្ក្រាបរបស់ខ្លួនកំពុងក្លាយជាជំងឺនៃវប្បធម៌និទណ្ឌភាពមួយនៅកម្ពុជាដែលត្រូវការព្យាបាល។
«យើងឃើញថាពេលមានការបង្ក្រាបកើតឡើង ហើយមានអ្នករបួសនិងអ្នកស្លាប់ រដ្ឋាភិបាលថាវាជាឧបទ្ទវហេតុដែលកើតឡើង។ ដូច្នេះពាក្យថាឧបទ្ទវហេតុហ្នឹងជាការដោះស្រាយបញ្ចប់រឿង។ ការដោះស្រាយរបៀបនេះហើយ ទើបមានវប្បធម៌មួយបន្តរហូតមក គឺអ្នកដែលប្រព្រឹត្តហ្នឹងគាត់អត់ញញើតទេ ព្រោះប្រព្រឹត្តហើយពុំមានទោសពៃរ៍។ ដូច្នេះដើម្បីបញ្ចប់វប្បធម៌និទណ្ឌភាពបែបហ្នឹងត្រូវតែមានការស៊ើបអង្កេតឱ្យបានដិតដល់រកជនដៃដល់មកផ្តន្ទាទោសតាមច្បាប់»។
យ៉ាងណាក៏ដោយ លោក ខេង ទីតូ អ្នកនាំពាក្យនៃកងរាជអាវុធហត្ថលើផ្ទៃប្រទេស អះអាងថាសមត្ថកិច្ចចម្រុះរួមមាននគរបាលជាតិ ក្រសួងមហាផ្ទៃ និងអគ្គស្នងការនគរបាលជាតិកំពុងធ្វើការស៊ើបអង្កេតរួមគ្នាមួយ ដើម្បីវែកមុខរកជនដៃដល់ក្នុងអំពើហិង្សាបាញ់ប្រជាពលរដ្ឋកាលពីថ្ងៃអាទិត្យមុនដើម្បីយកទៅផ្តន្ទាទោសតាមច្បាប់៕