ស្ថាប័នយោធាថៃបានប្រកាសដាក់ច្បាប់អាជ្ញាសឹក ដោយនិយាយថាខ្លួនធ្វើដូច្នេះដើម្បីរក្សា«សន្តិភាពនិងសណ្តាប់ធ្នាប់» នៅក្រោយរយៈពេលជាច្រើនខែដែលពេលខ្លះប្រកបដោយបាតុកម្មហិង្សាប្រឆាំងនឹងរដ្ឋាភិបាល។
នៅក្នុងសេចក្តីប្រកាសដ៏គួរឲ្យភ្ញាក់ផ្អើលមួយកាលពីព្រឹកថ្ងៃអង្គារនេះ មេបញ្ជាការយោធាថៃ គឺឧត្តមសេនីយ៍ Prayuth Chan-Ocha ថ្លែងថា វិធានការនេះជាវិធានការចាំបាច់ ដោយសារមានការព្រួយបារម្ភកើនឡើងថាអាចនឹងមានកុប្បកម្មកើតឡើងនៅផ្នែកជាច្រើននៃប្រទេស។ យោធាថៃបដិសេធថាខ្លួនមិនបានចូលកាន់អំណាចទេ ដោយសង្កត់ធ្ងន់ថាចំណាត់ការនៅថ្ងៃអង្គារនេះ«មិនមែនជារដ្ឋប្រហារទេ»។
ភាពតានតឹងនៅក្នុងរាជាណាចក្រមួយនេះ ដែលមានសេដ្ឋកិច្ចធំជាងគេទី២នៅអាស៊ីអាគ្នេយ៍ កាន់តែធ្ងន់ធ្ងរឡើងចាប់តាំងពីអតីតនាយករដ្ឋមន្ត្រី Yingluck Shinawatra បានរំលាយរដ្ឋសភាកាលពីខែធ្នូឆ្នាំមុន នៅក្នុងបំណងបន្ធូរបន្ថយវិបត្តិនេះ។ នៅដើមខែឧសភានេះ តុលាការធម្មនុញ្ញថៃបានដកលោកស្រីនាយករដ្ឋមន្ត្រីនិងរដ្ឋមន្ត្រី៩រូបទៀតចេញពីតំណែងដោយចោទថាបានរំលោភអំណាច។
លោក Niwattumrong Boonsongpaisan នាយរដ្ឋមន្ត្រីនៃរដ្ឋាភិបាលចាំផ្ទះនិយាយថា រដ្ឋាភិបាលនឹងមិនលាលែងពីតំណែងទេ។
ថ្វីបើគេបានចល័តទ័ពទៅប្រចាំការនៅតាមផ្លូវប្រសព្វមួយចំនួនក្នុងរាជធានីបាងកកក្តី ក៏មហាទីក្រុងដែលមានប្រជាជនប្រមាណ១០លាននាក់នេះហាក់មានសភាពស្ងប់ស្ងាត់។ នៅព្រឹកថ្ងៃអង្គារនេះ គេឃើញពលរដ្ឋធ្វើដំណើរទៅកន្លែងធ្វើការដោយបើកបរឬថ្មើរជើងជាធម្មតា។
បាតុកម្មប្រឆាំងរដ្ឋាភិបាលថៃទូទាំងប្រទេសបានសម្លាប់មនុស្ស២៨នាក់និងបណ្តាលឲ្យមានអ្នករបួសរាប់រយនាក់។
វិបត្តិនយោបាយចុងក្រោយនេះបានចាប់ផ្តើមឡើងកាលពីឆ្នាំ២០០៦ នៅពេលដែលបងប្រុសរបស់លោកស្រី Yingluck គឺអតីតនាយករដ្ឋមន្ត្រី ថាក់ស៊ីន ស៊ីនណាវ៉ាត្រា (Thaksin Shinawatra) ត្រូវទម្លាក់ពីអំណាចដោយសាររដ្ឋប្រហារយោធា ក្រោយពីលោកត្រូវចោទប្រកាន់ថាបានជាប់ពាក់ព័ន្ធនឹងអំពើពុករលួយ ការរំលោភអំណាច និងការប្រមាថព្រះមហាក្សត្រថៃ ព្រះបាទ Bhumibol Adulyadej។
លោកថាក់ស៊ីន នៅមានប្រជាប្រិយភាពយ៉ាងខ្លាំងជាមួយនឹងប្រជាជនតាមជនបទ ហើយគណបក្សទាំងឡាយដែលនៅក្រោមការគ្រប់គ្រងរបស់លោកបានឈ្នះរាល់ការបោះឆ្នោតជាតិចាប់ពីឆ្នាំ២០០១មក។ ក្រុមបាតុករប្រឆាំងនឹងរដ្ឋាភិបាល ដែលក្រុមនេះត្រូវគាំទ្រដោយក្រុមឥស្សរជនដែលមានតាំងពីដើមមក និយាយថាពួកគេចង់លុបបំបាត់រាល់ស្លាកស្នាមនៃឧបករណ៍នយោបាយលោកថាក់ស៊ីនឲ្យអស់ពីនយោបាយថៃ៕
នៅក្នុងសេចក្តីប្រកាសដ៏គួរឲ្យភ្ញាក់ផ្អើលមួយកាលពីព្រឹកថ្ងៃអង្គារនេះ មេបញ្ជាការយោធាថៃ គឺឧត្តមសេនីយ៍ Prayuth Chan-Ocha ថ្លែងថា វិធានការនេះជាវិធានការចាំបាច់ ដោយសារមានការព្រួយបារម្ភកើនឡើងថាអាចនឹងមានកុប្បកម្មកើតឡើងនៅផ្នែកជាច្រើននៃប្រទេស។ យោធាថៃបដិសេធថាខ្លួនមិនបានចូលកាន់អំណាចទេ ដោយសង្កត់ធ្ងន់ថាចំណាត់ការនៅថ្ងៃអង្គារនេះ«មិនមែនជារដ្ឋប្រហារទេ»។
ភាពតានតឹងនៅក្នុងរាជាណាចក្រមួយនេះ ដែលមានសេដ្ឋកិច្ចធំជាងគេទី២នៅអាស៊ីអាគ្នេយ៍ កាន់តែធ្ងន់ធ្ងរឡើងចាប់តាំងពីអតីតនាយករដ្ឋមន្ត្រី Yingluck Shinawatra បានរំលាយរដ្ឋសភាកាលពីខែធ្នូឆ្នាំមុន នៅក្នុងបំណងបន្ធូរបន្ថយវិបត្តិនេះ។ នៅដើមខែឧសភានេះ តុលាការធម្មនុញ្ញថៃបានដកលោកស្រីនាយករដ្ឋមន្ត្រីនិងរដ្ឋមន្ត្រី៩រូបទៀតចេញពីតំណែងដោយចោទថាបានរំលោភអំណាច។
លោក Niwattumrong Boonsongpaisan នាយរដ្ឋមន្ត្រីនៃរដ្ឋាភិបាលចាំផ្ទះនិយាយថា រដ្ឋាភិបាលនឹងមិនលាលែងពីតំណែងទេ។
ថ្វីបើគេបានចល័តទ័ពទៅប្រចាំការនៅតាមផ្លូវប្រសព្វមួយចំនួនក្នុងរាជធានីបាងកកក្តី ក៏មហាទីក្រុងដែលមានប្រជាជនប្រមាណ១០លាននាក់នេះហាក់មានសភាពស្ងប់ស្ងាត់។ នៅព្រឹកថ្ងៃអង្គារនេះ គេឃើញពលរដ្ឋធ្វើដំណើរទៅកន្លែងធ្វើការដោយបើកបរឬថ្មើរជើងជាធម្មតា។
បាតុកម្មប្រឆាំងរដ្ឋាភិបាលថៃទូទាំងប្រទេសបានសម្លាប់មនុស្ស២៨នាក់និងបណ្តាលឲ្យមានអ្នករបួសរាប់រយនាក់។
វិបត្តិនយោបាយចុងក្រោយនេះបានចាប់ផ្តើមឡើងកាលពីឆ្នាំ២០០៦ នៅពេលដែលបងប្រុសរបស់លោកស្រី Yingluck គឺអតីតនាយករដ្ឋមន្ត្រី ថាក់ស៊ីន ស៊ីនណាវ៉ាត្រា (Thaksin Shinawatra) ត្រូវទម្លាក់ពីអំណាចដោយសាររដ្ឋប្រហារយោធា ក្រោយពីលោកត្រូវចោទប្រកាន់ថាបានជាប់ពាក់ព័ន្ធនឹងអំពើពុករលួយ ការរំលោភអំណាច និងការប្រមាថព្រះមហាក្សត្រថៃ ព្រះបាទ Bhumibol Adulyadej។
លោកថាក់ស៊ីន នៅមានប្រជាប្រិយភាពយ៉ាងខ្លាំងជាមួយនឹងប្រជាជនតាមជនបទ ហើយគណបក្សទាំងឡាយដែលនៅក្រោមការគ្រប់គ្រងរបស់លោកបានឈ្នះរាល់ការបោះឆ្នោតជាតិចាប់ពីឆ្នាំ២០០១មក។ ក្រុមបាតុករប្រឆាំងនឹងរដ្ឋាភិបាល ដែលក្រុមនេះត្រូវគាំទ្រដោយក្រុមឥស្សរជនដែលមានតាំងពីដើមមក និយាយថាពួកគេចង់លុបបំបាត់រាល់ស្លាកស្នាមនៃឧបករណ៍នយោបាយលោកថាក់ស៊ីនឲ្យអស់ពីនយោបាយថៃ៕