មេដឹកនាំនៃបណ្តាប្រទេស និងតំបន់កោះប៉ាស៊ីហ្វិកចំនួន ១៨ បានយល់ព្រមលើតួនាទីពង្រឹងបន្ថែមរបស់ប្រទេសជប៉ុនក្នុងការអភិវឌ្ឍន៍ក្នុងតំបន់ ខណៈពេលដែលប្រឆាំងនឹងសកម្មភាពបង្ខិតបង្ខំណាមួយ ខណៈដែលទីក្រុងតូក្យូស្វែងរកលទ្ធភាពធ្វើការជាមួយនឹងប្រទេសកាន់តែច្រើន ដើម្បីប្រឆាំងនឹងឥទ្ធិពលរបស់ចិន។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន AP។
នៅក្នុងសេចក្តីថ្លែងការណ៍រួមដែលបានអនុម័តនៅក្នុងកិច្ចប្រជុំកំពូលរបស់ពួកគេកាលពីថ្ងៃព្រហស្បតិ៍ ក្រុមមេដឹកនាំបានព្រមព្រៀងគ្នាថា ប្រទេសជប៉ុនផ្តល់ការគាំទ្រ និងកិច្ចសហប្រតិបត្តិការកាន់តែខ្លាំងនៅលើផ្នែកការប្រែប្រួលអាកាសធាតុ សន្តិសុខដែនសមុទ្រ ការអភិវឌ្ឍន៍សេដ្ឋកិច្ច និងវិស័យផ្សេងៗទៀត។
កិច្ចប្រជុំមេដឹកនាំកោះប៉ាស៊ីហ្វិក ដែលបានចាប់ផ្តើមឡើងក្រោមគំនិតផ្តួចផ្តើមរបស់ជប៉ុនក្នុងឆ្នាំ ១៩៩៧ បានក្លាយជាឧបករណ៍ការទូតដ៏សំខាន់របស់ប្រទេសជប៉ុនដើម្បីរារាំងឥទ្ធិពលសន្តិសុខ និងសេដ្ឋកិច្ចដែលកំពុងកើនឡើងរបស់ចិននៅក្នុងតំបន់៕
មេដឹកនាំកោះប៉ាស៊ីហ្វិកយល់ព្រមបង្កើនតួនាទីរបស់ជប៉ុននៅក្នុងតំបន់ចំពេលមានការកើនឡើងឥទ្ធិពលរបស់ចិន
រូបឯកសារ៖ នាយករដ្ឋមន្ត្រីជប៉ុនលោក Fumio Kishida ថ្លែងនៅក្នុងកិច្ចប្រជុំកំពូលរវាងអាស៊ាននិងជប៉ុន នៅទីក្រុងតូក្យូ ប្រទេសជប៉ុន កាលពីថ្ងៃទី១៧ ខែធ្នូ ឆ្នាំ២០២៣។