ភ្នំពេញ —
គណបក្សសង្គ្រោះជាតិបានស្នើឲ្យគណៈកម្មាធិការជាតិរៀបចំការបោះឆ្នោត(គ.ជ.ប.)លើកពេលចុះបញ្ជីឈ្មោះអ្នកបោះឆ្នោតថ្មីដោយសារប្រជាពលរដ្ឋមួយចំនួនកំពុងរងគ្រោះដោយសារទឹកជំនន់។
ប៉ុន្តែមន្ត្រីគ.ជ.ប.បកស្រាយថា ការលើកពេលអាចធ្វើបានតែក្នុងតំបន់ដែលប៉ះពាល់ដោយសារទឹកជំនន់តែប៉ុណ្ណោះ។
មានប្រជាពលរដ្ឋប្រមាណជា៣៣ម៉ឺននាក់បន្ថែមទៀតដែលត្រូវចុះឈ្មោះក្នុងបញ្ជីអ្នកបោះឆ្នោតខណៈដែលអ្នកមានសិទ្ធិបោះឆ្នោតក្នុងបញ្ជីចាស់មានចំនួនជាង៩,៦លាននាក់ហើយការចុះបញ្ជីឈ្មោះអ្នកបោះឆ្នោតថ្មីនេះត្រូវចាប់ផ្តើមពីថ្ងៃទី១ដល់ថ្ងៃទី២០ខែតុលានេះ។
នៅក្នុងសេចក្តីថ្លែងការណ៍ទៅកាន់បណ្តាញផ្សព្វផ្សាយកាលពីល្ងាចថ្ងៃអង្គារគណបក្សសង្គ្រោះជាតិបានសរសេរថា ខ្លួនទាមទារឲ្យគ.ជ.ប. «លើកពេលឬពន្យារពេល»ពិនិត្យនិងចុះបញ្ជីឈ្មោះអ្នកបោះឆ្នោត«ពីព្រោះប្រជាពលរដ្ឋកំពុងរងគ្រោះដោយសារទឹកជំនន់»។
ទឹកជំនន់បានរាតត្បាតលើខេត្តមួយចំនួនជុំវិញទន្លេមេគង្គនិងផ្នែកខ្លះនៃរាជធានីភ្នំពេញនិងបានសម្លាប់មនុស្សយ៉ាងតិច៣៩នាក់រហូតមកទល់នឹងថ្ងៃពុធនេះ។
លោកយ៉ែម ប៉ុញ្ញឫទ្ធ អ្នកនាំពាក្យគណបក្សសង្គ្រោះជាតិបញ្ជាក់ថា សំណើរបស់គណបក្សជំទាស់ដោយសារមានប្រជាពលរដ្ឋរងគ្រោះជាច្រើនម៉ឺននាក់ក្នុងទឹកជំនន់នេះ។
«អ្វីដែលគណបក្សសង្គ្រោះជាតិស្នើឡើងដោយសារតែមានប្រធានសក្ត័ជាក់ស្តែង»។
ប៉ុន្តែលោកទេព នីថា អគ្គលេខាធិការគ.ជ.ប.មានប្រសាសន៍ថា សំណើនេះមិនអាចធ្វើទៅបានទេ។
«ពីព្រោះថាច្បាប់បោះឆ្នោតចែងច្បាស់ថាការពិនិត្យបញ្ជីឈ្មោះនិងចុះឈ្មោះបោះឆ្នោតប្រចាំឆ្នាំត្រូវចាប់ផ្តើមពីថ្ងៃទី១ដល់ថ្ងៃទី៣១ខែធ្នូជារៀងរាល់ឆ្នាំ។ដូច្នេះបើយើងកាត់រយៈពេលប្តឹងតវ៉ាទៅការចុះឈ្មោះនៅតាមឃុំសង្កាត់ធ្វើឡើងត្រឹមតែពីថ្ងៃទី១ដល់ថ្ងៃទី២០ខែតុលាតែប៉ុណ្ណោះ»។
លោកទេព នីថា បញ្ជាក់ថាគ.ជ.ប.នឹងដោះស្រាយតាមស្ថានភាពជាក់ស្តែងតាមតំបន់ប៉ុន្តែមិនអាចលើកពេលចុះឈ្មោះអ្នកបោះឆ្នោតថ្មីនៅទូទាំងប្រទេសទេ។
«ក្នុងករណីដែលមានទឹកជន់នៅកន្លែងណា យើងអត់ចុះឈ្មោះនៅកន្លែងហ្នឹងទេហើយបន្ទាប់មកទឹកស្រកនៅកន្លែងណាយើងត្រឡប់ទៅកន្លែងហ្នឹងវិញ។ហើយក្នុងករណីដែលចប់ថ្ងៃហើយនៅមានសល់ប្រជាពលរដ្ឋដែលមិនបានចុះឈ្មោះ ដូច្នេះក្រុមប្រឹក្សាឃុំសង្កាត់អាចស្នើតាមរយៈលេខាធិការដ្ឋានរៀបចំការបោះឆ្នោតដើម្បីឲ្យគ.ជ.ប អាចពន្យារពេលជូនមួយថ្ងៃឬពីរថ្ងៃទៅតាមកន្លែងជាក់ស្តែង»។
លោកយ៉ង់ គឹមអេង នាយកមជ្ឈមណ្ឌលប្រជាជនដើម្បីអភិវឌ្ឍន៍និងសន្តិភាពដែលតែងតែឃ្លាំមើលដំណើរការបោះឆ្នោតបានគាំទ្រសំណើរបស់គណបក្សជំទាស់។ហើយលោកគិតថាការបន្ថែមថ្ងៃចុះឈ្មោះរយៈពេលតិចសម្រាប់អ្នកបោះឆ្នោតថ្មីមិនគ្រប់គ្រាន់ទេដោយសារតែទឹកជំនន់ខ្លាំងអាចធ្វើឲ្យគាត់បាត់បង់ទឹកចិត្តសម្រាប់ទៅចុះឈ្មោះក្នុងបញ្ជីអ្នកបោះឆ្នោត។
«ថែមមួយថ្ងៃ ពីរថ្ងៃមិនគ្រប់គ្រាន់ទេពីព្រោះបើយើងមើលទឹកជំនន់នេះរហូតមកដល់ថ្ងៃនេះមិនដឹងពេលណាស្រក»។
ការចុះបញ្ជីឈ្មោះអ្នកបោះឆ្នោតបានស្ថិតជាប្រធានបទនៃការតវ៉ារបស់គណបក្សជំទាស់និងសង្គមស៊ីវិលយ៉ាងខ្លាំងក្លា។គណបក្សជំទាស់និងសង្គមស៊ីវិលបានបរិហាថាបញ្ជីឈ្មោះអ្នកបោះឆ្នោតមានភាពមិនប្រក្រតីជាច្រើនដែលធ្វើឲ្យប្រជាពលរដ្ឋមួយចំនួនបាត់បង់សិទ្ធិបោះឆ្នោតរបស់ពួកគេ៕
ប៉ុន្តែមន្ត្រីគ.ជ.ប.បកស្រាយថា ការលើកពេលអាចធ្វើបានតែក្នុងតំបន់ដែលប៉ះពាល់ដោយសារទឹកជំនន់តែប៉ុណ្ណោះ។
មានប្រជាពលរដ្ឋប្រមាណជា៣៣ម៉ឺននាក់បន្ថែមទៀតដែលត្រូវចុះឈ្មោះក្នុងបញ្ជីអ្នកបោះឆ្នោតខណៈដែលអ្នកមានសិទ្ធិបោះឆ្នោតក្នុងបញ្ជីចាស់មានចំនួនជាង៩,៦លាននាក់ហើយការចុះបញ្ជីឈ្មោះអ្នកបោះឆ្នោតថ្មីនេះត្រូវចាប់ផ្តើមពីថ្ងៃទី១ដល់ថ្ងៃទី២០ខែតុលានេះ។
នៅក្នុងសេចក្តីថ្លែងការណ៍ទៅកាន់បណ្តាញផ្សព្វផ្សាយកាលពីល្ងាចថ្ងៃអង្គារគណបក្សសង្គ្រោះជាតិបានសរសេរថា ខ្លួនទាមទារឲ្យគ.ជ.ប. «លើកពេលឬពន្យារពេល»ពិនិត្យនិងចុះបញ្ជីឈ្មោះអ្នកបោះឆ្នោត«ពីព្រោះប្រជាពលរដ្ឋកំពុងរងគ្រោះដោយសារទឹកជំនន់»។
ទឹកជំនន់បានរាតត្បាតលើខេត្តមួយចំនួនជុំវិញទន្លេមេគង្គនិងផ្នែកខ្លះនៃរាជធានីភ្នំពេញនិងបានសម្លាប់មនុស្សយ៉ាងតិច៣៩នាក់រហូតមកទល់នឹងថ្ងៃពុធនេះ។
លោកយ៉ែម ប៉ុញ្ញឫទ្ធ អ្នកនាំពាក្យគណបក្សសង្គ្រោះជាតិបញ្ជាក់ថា សំណើរបស់គណបក្សជំទាស់ដោយសារមានប្រជាពលរដ្ឋរងគ្រោះជាច្រើនម៉ឺននាក់ក្នុងទឹកជំនន់នេះ។
«អ្វីដែលគណបក្សសង្គ្រោះជាតិស្នើឡើងដោយសារតែមានប្រធានសក្ត័ជាក់ស្តែង»។
ប៉ុន្តែលោកទេព នីថា អគ្គលេខាធិការគ.ជ.ប.មានប្រសាសន៍ថា សំណើនេះមិនអាចធ្វើទៅបានទេ។
«ពីព្រោះថាច្បាប់បោះឆ្នោតចែងច្បាស់ថាការពិនិត្យបញ្ជីឈ្មោះនិងចុះឈ្មោះបោះឆ្នោតប្រចាំឆ្នាំត្រូវចាប់ផ្តើមពីថ្ងៃទី១ដល់ថ្ងៃទី៣១ខែធ្នូជារៀងរាល់ឆ្នាំ។ដូច្នេះបើយើងកាត់រយៈពេលប្តឹងតវ៉ាទៅការចុះឈ្មោះនៅតាមឃុំសង្កាត់ធ្វើឡើងត្រឹមតែពីថ្ងៃទី១ដល់ថ្ងៃទី២០ខែតុលាតែប៉ុណ្ណោះ»។
លោកទេព នីថា បញ្ជាក់ថាគ.ជ.ប.នឹងដោះស្រាយតាមស្ថានភាពជាក់ស្តែងតាមតំបន់ប៉ុន្តែមិនអាចលើកពេលចុះឈ្មោះអ្នកបោះឆ្នោតថ្មីនៅទូទាំងប្រទេសទេ។
«ក្នុងករណីដែលមានទឹកជន់នៅកន្លែងណា យើងអត់ចុះឈ្មោះនៅកន្លែងហ្នឹងទេហើយបន្ទាប់មកទឹកស្រកនៅកន្លែងណាយើងត្រឡប់ទៅកន្លែងហ្នឹងវិញ។ហើយក្នុងករណីដែលចប់ថ្ងៃហើយនៅមានសល់ប្រជាពលរដ្ឋដែលមិនបានចុះឈ្មោះ ដូច្នេះក្រុមប្រឹក្សាឃុំសង្កាត់អាចស្នើតាមរយៈលេខាធិការដ្ឋានរៀបចំការបោះឆ្នោតដើម្បីឲ្យគ.ជ.ប អាចពន្យារពេលជូនមួយថ្ងៃឬពីរថ្ងៃទៅតាមកន្លែងជាក់ស្តែង»។
លោកយ៉ង់ គឹមអេង នាយកមជ្ឈមណ្ឌលប្រជាជនដើម្បីអភិវឌ្ឍន៍និងសន្តិភាពដែលតែងតែឃ្លាំមើលដំណើរការបោះឆ្នោតបានគាំទ្រសំណើរបស់គណបក្សជំទាស់។ហើយលោកគិតថាការបន្ថែមថ្ងៃចុះឈ្មោះរយៈពេលតិចសម្រាប់អ្នកបោះឆ្នោតថ្មីមិនគ្រប់គ្រាន់ទេដោយសារតែទឹកជំនន់ខ្លាំងអាចធ្វើឲ្យគាត់បាត់បង់ទឹកចិត្តសម្រាប់ទៅចុះឈ្មោះក្នុងបញ្ជីអ្នកបោះឆ្នោត។
«ថែមមួយថ្ងៃ ពីរថ្ងៃមិនគ្រប់គ្រាន់ទេពីព្រោះបើយើងមើលទឹកជំនន់នេះរហូតមកដល់ថ្ងៃនេះមិនដឹងពេលណាស្រក»។
ការចុះបញ្ជីឈ្មោះអ្នកបោះឆ្នោតបានស្ថិតជាប្រធានបទនៃការតវ៉ារបស់គណបក្សជំទាស់និងសង្គមស៊ីវិលយ៉ាងខ្លាំងក្លា។គណបក្សជំទាស់និងសង្គមស៊ីវិលបានបរិហាថាបញ្ជីឈ្មោះអ្នកបោះឆ្នោតមានភាពមិនប្រក្រតីជាច្រើនដែលធ្វើឲ្យប្រជាពលរដ្ឋមួយចំនួនបាត់បង់សិទ្ធិបោះឆ្នោតរបស់ពួកគេ៕