ការលុបឈ្មោះរបស់លោក សម រង្ស៊ី នឹងមិនអនុញ្ញាតឲ្យលោកឈរឈ្មោះជាបេក្ខជនតំណាងរាស្ត្រសម្រាប់ការបោះឆ្នោតខែកក្កដា ឆ្នាំ២០១៣បានទេ។
ភ្នំពេញ៖ គណៈគម្មាធិការជាតិរៀបចំការបោះឆ្នោត (គ.ជ.ប) បានសម្រេចលុបឈ្មោះលោក សម រង្ស៊ី ចេញពីបញ្ជីឈ្មោះអ្នកបោះឆ្នោតជាផ្លូវការ ដោយតម្កល់ការសម្រេចរបស់ក្រុមប្រឹក្សាសង្កាត់បឹងរាំង ក្រុងភ្នំពេញ។
កាលពីថ្ងៃទី២០ ខែតុលាកន្លងទៅ ក្រុមប្រឹក្សាសង្កាត់បឹងរាំងបានលុបឈ្មោះលោកសម រង្ស៊ី ចេញពីបញ្ជីបោះឆ្នោត ដោយសំអាងថា លោកសម រង្ស៊ី ត្រូវបានផ្តន្ទាទោសដោយតុលាការ។
លោក អ៊ឹម សួស្តី ប្រធានគ.ជ.ប និងជាប្រធានក្រុមប្រឹក្សាជំនុំជម្រះដែលមានសមាជិកសរុបចំនួនប្រាំបួននាក់បានប្រកាសនៅយប់នេះបន្ទាប់ពីការបើកសវនការនៅម៉ោង២រសៀលថា ការសម្រេចរបស់ក្រុមប្រឹក្សាសង្កាត់បឹងរាំងពិតជាត្រឹមត្រូវ ហើយគ.ជ.បសម្រេចតម្កល់ការសម្រេចនេះ។
លោក ជួង ជួងី មេធាវីលោកសម រង្ស៊ី បានហៅការសម្រេចនេះថា ជារឿងមិនត្រឹមត្រូវ។
«ការសម្រេចឥតត្រឹមត្រូវ ហើយខ្ញុំនឹងពិភាក្សាជាមួយនឹងកូនក្តីរបស់ខ្ញុំតទៅទៀតដើម្បីប្តឹងទៅក្រុមប្រឹក្សាធម្មនុញ្ញ ឬក៏មិនប្តឹង»។
ចំណែកឯលោក ហូរ វ៉ាន់ តំណាងរាស្ត្ររបស់គណបក្សសម រង្ស៊ី ដែលមានវត្តមាននៅក្នុងបន្ទប់សវនការចាត់ទុកការសម្រេចនេះថាជារឿងអយុត្តិធម៌។
«យល់ថាការសម្រេចនេះគឺជាការសម្រេចមួយដោយអយុត្តិធម៌ជាទីបំផុត»។
លោក សម រង្ស៊ី ដែលកំពុងតែនិរទេសខ្លួននៅក្រៅប្រទេសបានលាលែងពីគណបក្សសម រង្ស៊ី ដើម្បីទៅដឹកនាំគណបក្សសង្គ្រោះជាតិកាលពីសប្តាហ៍មុន។ ក៏ប៉ុន្តែការលុបឈ្មោះរបស់លោកនឹងមិនអនុញ្ញាតឲ្យលោកឈរឈ្មោះជាបេក្ខជនតំណាងរាស្ត្រសម្រាប់ការបោះឆ្នោតខែកក្កដា ឆ្នាំ២០១៣បានទេ។
លោក ហូរ វ៉ាន់ បញ្ជាក់ថា គណបក្សសម រង្ស៊ី មានរយៈពេលប្រាំថ្ងៃ ដើម្បីធ្វើការប្តឹងជំទាស់ទៅកាន់ក្រុមប្រឹក្សាធម្មនុញ្ញ៕
កាលពីថ្ងៃទី២០ ខែតុលាកន្លងទៅ ក្រុមប្រឹក្សាសង្កាត់បឹងរាំងបានលុបឈ្មោះលោកសម រង្ស៊ី ចេញពីបញ្ជីបោះឆ្នោត ដោយសំអាងថា លោកសម រង្ស៊ី ត្រូវបានផ្តន្ទាទោសដោយតុលាការ។
លោក អ៊ឹម សួស្តី ប្រធានគ.ជ.ប និងជាប្រធានក្រុមប្រឹក្សាជំនុំជម្រះដែលមានសមាជិកសរុបចំនួនប្រាំបួននាក់បានប្រកាសនៅយប់នេះបន្ទាប់ពីការបើកសវនការនៅម៉ោង២រសៀលថា ការសម្រេចរបស់ក្រុមប្រឹក្សាសង្កាត់បឹងរាំងពិតជាត្រឹមត្រូវ ហើយគ.ជ.បសម្រេចតម្កល់ការសម្រេចនេះ។
លោក ជួង ជួងី មេធាវីលោកសម រង្ស៊ី បានហៅការសម្រេចនេះថា ជារឿងមិនត្រឹមត្រូវ។
«ការសម្រេចឥតត្រឹមត្រូវ ហើយខ្ញុំនឹងពិភាក្សាជាមួយនឹងកូនក្តីរបស់ខ្ញុំតទៅទៀតដើម្បីប្តឹងទៅក្រុមប្រឹក្សាធម្មនុញ្ញ ឬក៏មិនប្តឹង»។
ចំណែកឯលោក ហូរ វ៉ាន់ តំណាងរាស្ត្ររបស់គណបក្សសម រង្ស៊ី ដែលមានវត្តមាននៅក្នុងបន្ទប់សវនការចាត់ទុកការសម្រេចនេះថាជារឿងអយុត្តិធម៌។
«យល់ថាការសម្រេចនេះគឺជាការសម្រេចមួយដោយអយុត្តិធម៌ជាទីបំផុត»។
លោក សម រង្ស៊ី ដែលកំពុងតែនិរទេសខ្លួននៅក្រៅប្រទេសបានលាលែងពីគណបក្សសម រង្ស៊ី ដើម្បីទៅដឹកនាំគណបក្សសង្គ្រោះជាតិកាលពីសប្តាហ៍មុន។ ក៏ប៉ុន្តែការលុបឈ្មោះរបស់លោកនឹងមិនអនុញ្ញាតឲ្យលោកឈរឈ្មោះជាបេក្ខជនតំណាងរាស្ត្រសម្រាប់ការបោះឆ្នោតខែកក្កដា ឆ្នាំ២០១៣បានទេ។
លោក ហូរ វ៉ាន់ បញ្ជាក់ថា គណបក្សសម រង្ស៊ី មានរយៈពេលប្រាំថ្ងៃ ដើម្បីធ្វើការប្តឹងជំទាស់ទៅកាន់ក្រុមប្រឹក្សាធម្មនុញ្ញ៕