ក្រុមជនជាតិភាគតិចដ៏មានអំណាចបំផុតមួយរបស់មីយ៉ាន់ម៉ាដែលកំពុងប្រយុទ្ធនឹងរដ្ឋាភិបាលយោធាបាននិយាយថាខ្លួនបានកាន់កាប់អាកាសយានដ្ឋានមួយដែលបម្រើជាកន្លែងលំហែកាយឆ្នេរសមុទ្រថ្នាក់ពិភពលោករបស់មីយ៉ាន់ម៉ាដែលកត់សម្គាល់ថាកងកម្លាំងតស៊ូបានកាន់កាប់ចំណតយន្តហោះបែបនេះជាលើកទី១។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មានAP។
ពួកអ្នកស្រុកក្នុងតំបន់នៅផ្នែកខាងត្បូងនៃរដ្ឋRakhineដែលនៅខាងលិចប្រទេស រួមជាមួយបណ្តាញព័ត៌មានក្នុងស្រុកក៏បានរាយការណ៍ពីការកាន់កាប់ចំណតយន្តហោះ Thandweដែលគេស្គាល់ថាជាអាកាសយានដ្ឋាន Ma Zin ដែលស្ថិតនៅចម្ងាយប្រហែល២៦០គីឡូម៉ែត្រភាគពាយ័ព្យទីក្រុងYangon ដែលជាទីក្រុងធំបង្អស់របស់មីយ៉ាន់ម៉ា។
វាជាការដើរថយក្រោយយ៉ាងខ្លាំងមួយនៅពេលថ្មីៗបំផុតនេះសម្រាប់រដ្ឋាភិបាលយោ ធាដែលបានក្តោបក្តាប់អំណាចនៅឆ្នាំ២០២១ បន្ទាប់ពីការបណ្តេញរដ្ឋាភិបាលជាប់ឆ្នោតរបស់លោកស្រី Aung San Suu Kyi។ ការតស៊ូប្រដាប់អាវុធប្រឆាំងនឹងការគ្រប់គ្រងរបស់ពួកយោធាកំពុងកើតមានឡើងនៅក្នុងផ្នែកជាច្រើននៅក្នុងប្រទេសនោះដែលដឹកនាំដោយពួកជនសកម្មប្រយុទ្ធដែលគាំទ្រលទ្ធិប្រជាធិបតេយ្យនិងក្រុមឧទ្ទាមដែលមានសម្ព័ន្ធភាពជាមួយក្រុមជនជាតិភាគតិច។
កងទ័ពArakanបាននិយាយនៅក្នុងសេចក្តីថ្លែងការណ៍លើសារតាមតេឡេក្រាមកាល ពីយប់ថ្ងៃអាទិត្យថាខ្លួនបានរកឃើញសាកសពទាហានជាង៤រយនាក់មកពីការប្រ យុទ្ធកាលពីពេលថ្មីៗនេះនៅក្នុងតំបន់នោះនិងឃ្លាំងគ្រាប់រំសេវ។ ទីភ្នាក់ងារសារព័ត៌ មានAPមិនអាចបញ្ជាក់ការអះអាងឯករាជ្យដោយក្រុមនោះដែលបានកាលពីអតីត កាលបានត្រូវជំទាស់។
ការរឹបអូសចំណតយន្តហោះដែលជាចំណតយន្តហោះមួយក្នុងចំណោម៦របស់រដ្ឋ Rakhineនឹងទំនងដើម្បីបើកផ្លូវសម្រាប់ពួកឧទ្ទាមដើម្បីកាន់កាប់តំបន់ឆ្នេរសមុទ្ររដ្ឋ Rakhine ទោះបីពួកគេត្រួតត្រាផ្នែកភាគច្រើននៃផ្នែកខាងជើងរបស់រដ្ឋនោះក៏ដោយ៕