ព្រលាន​យន្ត​ហោះ​ក្រុមហ៊ុន​ចិន​នៅ​កោះកុង​គ្រោង​បញ្ចប់​នៅ​ឆ្នាំ​ក្រោយ

ក្រុមហ៊ុនចិន ឈ្មោះថា Union Development Group (UDG) បានទទួលដីសម្បទានពីរដ្ឋាភិបាលកម្ពុជាចំនួន ៤,៥ ម៉ឺនហិកតា ក្នុងស្រុកចំនួនពីរនៅក្នុងខេត្តកោះកុង គឺស្រុកបុទុមសាគរ និងគីរីសាគរ កាលពីឆ្នាំ២០០៨ ដើម្បីអភិវឌ្ឍទៅជាកន្លែងលំហែកាយដ៏ធំមួយ។ កន្លែងលំហែកាយបែបទំនើបមួយនេះ នឹងមានវាលព្រលានយន្តហោះដ៏ធំមួយ និងកំពង់ផែចំនួន ៣ ផងដែរ។ តាមគម្រោងរបស់ក្រុមហ៊ុន ព្រលានយន្តហោះដែលមានចម្ងាយផ្លូវសម្រាប់យន្តហោះចុះ ប្រវែង ៣២០០ម៉ែត្រ និងទទឹង៦០ម៉ែត្រ នឹងត្រូវបញ្ចប់នៅក្នុងខែឧសភា ឆ្នាំ២០២០ខាងមុខ។ លោក ស៊ុន ណារិន នៃ VOA រាយការណ៍អំពីរឿងនេះ៕