ភ្នំពេញ —
អ្នករស់រានមានជីវិតមួយរូបពីមន្ទីរឃុំឃាំងគុកទួលស្លែងនៅក្នុងរបបកម្ពុជាប្រជាធិបតេយ្យគឺលោកជុំ ម៉ីបានកំណត់យកថ្ងៃទី៩ខែមិថុនាខាងមុខនេះជាថ្ងៃធ្វើមហាបាតុកម្មប្រឆាំងនឹងលោកកឹម សុខាអនុប្រធានគណបក្សសង្គ្រោះជាតិ។ស្របពេលនេះដែរ គណៈកម្មការអចិន្ត្រៃយ៍របស់រដ្ឋសភាគ្រោងនឹងដាក់សេចក្តីព្រាងច្បាប់ដើម្បីដាក់ទោសអ្នកដែលរិះគន់ថា គ្មានរបបខ្មែរក្រហមនៅក្នុងកិច្ចពិភាក្សាពេញអង្គនៅថ្ងៃសុក្រសប្តាហ៍នេះ។
គម្រោងធ្វើបាតុកម្មនេះនឹងមានមនុស្សចូលរួមប្រមាណ២ម៉ឺននាក់ដោយគ្រោងនឹងធ្វើការជួបប្រជុំគ្នានៅទីលានប្រជាធិបតេយ្យនិង២.០០០នាក់ផ្សេងទៀតនឹងជួបប្រជុំគ្នានៅទីស្នាក់ការគណបក្សសង្គ្រោះជាតិ ក៏ប៉ុន្តែនៅមិនទាន់ដឹងថា អាជ្ញាធរក្រុងភ្នំពេញនឹងអនុញ្ញាតច្បាប់ឱ្យធ្វើមហាបាតុកម្មអហិង្សានេះឬក៏យ៉ាងណា ព្រោះថា ជាញឹកញាប់អាជ្ញាធរក្រុងភ្នំពេញបដិសេធការស្នើសុំធ្វើមហាបាតុកម្មពីអង្គការសង្គមស៊ីវិលនិងពីគណបក្សប្រឆាំង។
ថ្លែងប្រាប់ក្នុងអង្គសន្និសីទកាសែតដែលរៀបចំឡើងនៅក្នុងបរិវេណមន្ទីរឃុំឃាំងស២១ឬគុកទួលស្លែង ជាទីកន្លែងដែលលោកធ្លាប់បានជាប់ឃុំកាលពីក្នុងរបបកម្ពុជាប្រជាធិបតេយ្យ លោកជុំ ម៉ីបានប្រកាសដោយលាយឡំនឹងសំឡេងអួលដើមកថា ការធ្វើមហាបាតុកម្មនេះមិនមែនដើម្បីបម្រើផលប្រយោជន៍នយោបាយណាមួយទេ។
លោក ជុំ ម៉ី ប្រធានសមាគមជនរងគ្រោះក្នុងរបបកម្ពុជាប្រជាធិបតេយ្យហៅកាត់ថា«ក្សេមក្សាន្ត»បាននិយាយថា លោកចង់ប្រាប់ពិភពលោកអំពីការឈឺចាប់របស់លោកចំពោះអ្វីដែលលោកកឹម សុខានិយាយថា បានប៉ះពាល់ដល់ផ្លូវចិត្តរបស់លោកយ៉ាងខ្លាំង។
«យើងឈឺចាប់មែនទែន អាដំបៅ វាចង់ជាទៅហើយមិនគួរលោកកឹម សុខាទៅឆ្កឹះឱ្យវាកម្រើកឡើងវិញទេ។អញ្ចឹងជនរងគ្រោះ៣ឆ្នាំ៨ខែ២០ថ្ងៃគាត់មានការឈឺចាប់ណាស់»។
ថ្លែងក្នុងសន្និសីទកាសែតលោកជុំ ម៉ី ដំបូងលោកបានទម្លាក់ការទទួលខុសត្រូវចំពោះកាំង ហ្កេកអ៊ាវហៅឌុច អតីតប្រធានមន្ទីរស២១ តែក្រោយមកបន្ទាប់ពីសហការីរបស់លោកបានខ្សិបប្រាប់ ទើបលោកបានកែតម្រូវពាក្យថា លោកកឹម សុខាវិញ។
នៅក្នុងសន្និសីទកាសែតហាក់បីដូចជាមិនមានការចុះសម្រុងគ្នារវាងសមាគមជនរងគ្រោះទេ ដោយសារតែមានមន្ត្រីម្នាក់ដែលអះអាងថា ជាប្រធានរដ្ឋបាលបានចោទសំណួរសួរលោកជុំ ម៉ីថា ការដឹកនាំធ្វើមហាបាតុកម្មជារឿងបុគ្គលលោកផ្ទាល់ឬក៏មានការចូលរួមពីជនរងគ្រោះក្នុងដើមបណ្តឹងរដ្ឋប្បវេណីក្នុងសាលាក្តីខ្មែរក្រហម។ លោកជុំ ម៉ីគិតបន្តិច រួចឆ្លើយថា តំណាងជនរងគ្រោះទាំងអស់ក្នុងរបបខ្មែរក្រហមគ្រោងនឹងចូលរួម។
លោកកឹម សុខា អនុប្រធានគណបក្សសង្គ្រោះជាតិ ដែលបច្ចុប្បន្ននេះកំពុងមានបេសកម្មនៅឯបរទេស ត្រូវបានដកស្រង់សម្តីមកថា លោកបានរិះគន់គុកទួលស្លែងឬមន្ទីរស២១ថាជាគុក«សិប្បនិម្មិត»របស់ពួកខ្មែរក្រហមដែល«រៀបចំឡើងដោយវៀតណាម»។
លោកជុំ ម៉ី បានទុករយៈពេលចំនួន១០ថ្ងៃដើម្បីឱ្យលោកកឹម សុខាសុំទោស តែមកដល់ថ្ងៃអង្គារនេះរយៈពេលនៃការសុំទោសបានផុតកំណត់។
លោកជុំ ម៉ីបាននិយាយថា លោកលែងត្រូវការសុំទោសទៀតហើយ ហើយវិធានការបន្ទាប់គឺការដឹកនាំធ្វើមហាបាតុកម្មប្រឆាំងនឹងលោកកឹម សុខា។
លោក យ៉ែម បុញ្ញាឫទ្ធិ អ្នកនាំពាក្យគណបក្សសង្គ្រោះជាតិ និយាយថា ការដឹកនាំធ្វើបាតុកម្មជាសិទ្ធិរបស់លោកជុំ ម៉ី។ លោកនៅតែថ្លែងការពារថា សេចក្តីថ្លែងការណ៍របស់លោកកឹម សុខាកន្លងមកត្រូវបានបកស្រាយខុសពីការណ៍ពិត។
«ល្មមខ្មែរហ៊ាននិយាយការណ៍ពិតតាមរយៈថ្ងៃខែនិងទីន្លែងខុសហ្នឹងបាទ»។
លោក ប៊ូ ម៉េង អនុប្រធានសមាគមជនរងគ្រោះខ្មែរក្រហមនិងជាអតីតអ្នករស់រានមានជីវិតពីគុកទួលស្លែង បានចេញសេចក្តីថ្លែងការណ៍មួយដាច់ដោយឡែក ដោយចាត់ទុកថាការប្រកាសធ្វើបាតុកម្មរបស់លោកជុំ ម៉ី ប្រឆាំងនឹងលោកកឹម សុខាគឺធ្វើក្នុងនាមខ្លួនលោកតែប៉ុណ្ណោះ មិនមែនតាងនាមសមាគមក្សេមក្សាន្តឡើយ។
លោក ប៊ូ ម៉េងបានប្រកាសថា លោកនៅប្រកាន់ជំហរអព្យាក្រិត្យមិនចូលរួមបាតុកម្មនោះទេ។ លោកបញ្ជាក់ថា សមាគមមានគោលការណ៍ផ្សះផ្សាជាតិ មិនមានគោលការណ៍បំបែកបំបាក់ជាតិនោះទេ៕
គម្រោងធ្វើបាតុកម្មនេះនឹងមានមនុស្សចូលរួមប្រមាណ២ម៉ឺននាក់ដោយគ្រោងនឹងធ្វើការជួបប្រជុំគ្នានៅទីលានប្រជាធិបតេយ្យនិង២.០០០នាក់ផ្សេងទៀតនឹងជួបប្រជុំគ្នានៅទីស្នាក់ការគណបក្សសង្គ្រោះជាតិ ក៏ប៉ុន្តែនៅមិនទាន់ដឹងថា អាជ្ញាធរក្រុងភ្នំពេញនឹងអនុញ្ញាតច្បាប់ឱ្យធ្វើមហាបាតុកម្មអហិង្សានេះឬក៏យ៉ាងណា ព្រោះថា ជាញឹកញាប់អាជ្ញាធរក្រុងភ្នំពេញបដិសេធការស្នើសុំធ្វើមហាបាតុកម្មពីអង្គការសង្គមស៊ីវិលនិងពីគណបក្សប្រឆាំង។
ថ្លែងប្រាប់ក្នុងអង្គសន្និសីទកាសែតដែលរៀបចំឡើងនៅក្នុងបរិវេណមន្ទីរឃុំឃាំងស២១ឬគុកទួលស្លែង ជាទីកន្លែងដែលលោកធ្លាប់បានជាប់ឃុំកាលពីក្នុងរបបកម្ពុជាប្រជាធិបតេយ្យ លោកជុំ ម៉ីបានប្រកាសដោយលាយឡំនឹងសំឡេងអួលដើមកថា ការធ្វើមហាបាតុកម្មនេះមិនមែនដើម្បីបម្រើផលប្រយោជន៍នយោបាយណាមួយទេ។
លោក ជុំ ម៉ី ប្រធានសមាគមជនរងគ្រោះក្នុងរបបកម្ពុជាប្រជាធិបតេយ្យហៅកាត់ថា«ក្សេមក្សាន្ត»បាននិយាយថា លោកចង់ប្រាប់ពិភពលោកអំពីការឈឺចាប់របស់លោកចំពោះអ្វីដែលលោកកឹម សុខានិយាយថា បានប៉ះពាល់ដល់ផ្លូវចិត្តរបស់លោកយ៉ាងខ្លាំង។
«យើងឈឺចាប់មែនទែន អាដំបៅ វាចង់ជាទៅហើយមិនគួរលោកកឹម សុខាទៅឆ្កឹះឱ្យវាកម្រើកឡើងវិញទេ។អញ្ចឹងជនរងគ្រោះ៣ឆ្នាំ៨ខែ២០ថ្ងៃគាត់មានការឈឺចាប់ណាស់»។
ថ្លែងក្នុងសន្និសីទកាសែតលោកជុំ ម៉ី ដំបូងលោកបានទម្លាក់ការទទួលខុសត្រូវចំពោះកាំង ហ្កេកអ៊ាវហៅឌុច អតីតប្រធានមន្ទីរស២១ តែក្រោយមកបន្ទាប់ពីសហការីរបស់លោកបានខ្សិបប្រាប់ ទើបលោកបានកែតម្រូវពាក្យថា លោកកឹម សុខាវិញ។
នៅក្នុងសន្និសីទកាសែតហាក់បីដូចជាមិនមានការចុះសម្រុងគ្នារវាងសមាគមជនរងគ្រោះទេ ដោយសារតែមានមន្ត្រីម្នាក់ដែលអះអាងថា ជាប្រធានរដ្ឋបាលបានចោទសំណួរសួរលោកជុំ ម៉ីថា ការដឹកនាំធ្វើមហាបាតុកម្មជារឿងបុគ្គលលោកផ្ទាល់ឬក៏មានការចូលរួមពីជនរងគ្រោះក្នុងដើមបណ្តឹងរដ្ឋប្បវេណីក្នុងសាលាក្តីខ្មែរក្រហម។ លោកជុំ ម៉ីគិតបន្តិច រួចឆ្លើយថា តំណាងជនរងគ្រោះទាំងអស់ក្នុងរបបខ្មែរក្រហមគ្រោងនឹងចូលរួម។
លោកកឹម សុខា អនុប្រធានគណបក្សសង្គ្រោះជាតិ ដែលបច្ចុប្បន្ននេះកំពុងមានបេសកម្មនៅឯបរទេស ត្រូវបានដកស្រង់សម្តីមកថា លោកបានរិះគន់គុកទួលស្លែងឬមន្ទីរស២១ថាជាគុក«សិប្បនិម្មិត»របស់ពួកខ្មែរក្រហមដែល«រៀបចំឡើងដោយវៀតណាម»។
លោកជុំ ម៉ី បានទុករយៈពេលចំនួន១០ថ្ងៃដើម្បីឱ្យលោកកឹម សុខាសុំទោស តែមកដល់ថ្ងៃអង្គារនេះរយៈពេលនៃការសុំទោសបានផុតកំណត់។
លោកជុំ ម៉ីបាននិយាយថា លោកលែងត្រូវការសុំទោសទៀតហើយ ហើយវិធានការបន្ទាប់គឺការដឹកនាំធ្វើមហាបាតុកម្មប្រឆាំងនឹងលោកកឹម សុខា។
លោក យ៉ែម បុញ្ញាឫទ្ធិ អ្នកនាំពាក្យគណបក្សសង្គ្រោះជាតិ និយាយថា ការដឹកនាំធ្វើបាតុកម្មជាសិទ្ធិរបស់លោកជុំ ម៉ី។ លោកនៅតែថ្លែងការពារថា សេចក្តីថ្លែងការណ៍របស់លោកកឹម សុខាកន្លងមកត្រូវបានបកស្រាយខុសពីការណ៍ពិត។
«ល្មមខ្មែរហ៊ាននិយាយការណ៍ពិតតាមរយៈថ្ងៃខែនិងទីន្លែងខុសហ្នឹងបាទ»។
លោក ប៊ូ ម៉េង អនុប្រធានសមាគមជនរងគ្រោះខ្មែរក្រហមនិងជាអតីតអ្នករស់រានមានជីវិតពីគុកទួលស្លែង បានចេញសេចក្តីថ្លែងការណ៍មួយដាច់ដោយឡែក ដោយចាត់ទុកថាការប្រកាសធ្វើបាតុកម្មរបស់លោកជុំ ម៉ី ប្រឆាំងនឹងលោកកឹម សុខាគឺធ្វើក្នុងនាមខ្លួនលោកតែប៉ុណ្ណោះ មិនមែនតាងនាមសមាគមក្សេមក្សាន្តឡើយ។
លោក ប៊ូ ម៉េងបានប្រកាសថា លោកនៅប្រកាន់ជំហរអព្យាក្រិត្យមិនចូលរួមបាតុកម្មនោះទេ។ លោកបញ្ជាក់ថា សមាគមមានគោលការណ៍ផ្សះផ្សាជាតិ មិនមានគោលការណ៍បំបែកបំបាក់ជាតិនោះទេ៕