កម្រងរូបភាព៖ ជីវិតរបស់ព្រះមហាក្សត្រិយានី Elizabeth ទី ២ របស់ចក្រភពអង់គ្លេស
ព្រះអង្គម្ចាស់ក្សត្រី Elizabeth ប្រសូត្រនៅឆ្នាំ ១៩២៦ នៅទីក្រុងឡុងដ៍ ចក្រភពអង់គ្លេស ជារាជបុត្រីទីមួយរបស់អនាគតព្រះមហាក្សត្រ George VI និង និង Lady Elizabeth Angela Marguerite Bowes-Lyon។
ព្រះមហាក្សត្រិយានី Elizabeth ទី ២ (កណ្តាល) កាលនៅជាព្រះអង្គម្ចាស់ក្សត្រី រាជបុត្រីរបស់ព្រះមហាក្សត្រីយានី Elizabeth (ឆ្វេង) និង ព្រះមហាក្សត្រ ព្រះបាទ George ទី៦ ថតនៅព្រះបរមរាជវាំង ក្នុងរាជធានីឡុងដ៍ កាលពីថ្ងៃទី១២ ខែឧសភា ឆ្នាំ១៩៣៧។
ព្រះអង្គម្ចាស់ក្សត្រី Elizabeth កាលនៅព្រះជន្ម១៤ព្រះវស្សា (ស្តាំ) នៅក្នុងរាជបន្ទូលដំបូងតាមការផ្សាយវិទ្យុ នៅរាជធានីឡុងដ៍ ចក្រភពអង់គ្លេស កាលពីថ្ងៃទី១៣ ខែតុលា ឆ្នាំ១៩៤០។
ព្រះអង្គម្ចាស់ក្សត្រី Elizabeth ទទួលបានសញ្ញាបត្របរិញ្ញាប័ត្រផ្នែកតន្ត្រីពីសាកលវិទ្យាល័យឡុងដ៏ (London University) កាលពីថ្ងៃទី១០ ខែកក្កដា ឆ្នាំ១៩៤៦។
ព្រះអង្គម្ចាស់ក្សត្រី Elizabeth រៀបអភិសេកជាមួយស្វាមីគឺព្រះអង្គម្ចាស់ Philip, Duke of Edinburgh នៅព្រះវិហារ Westminster Abbey នៅរាជធានីឡុងដ៍ កាលពីថ្ងៃទី២០ ខែវិច្ឆិកា ឆ្នាំ១៩៤៧។
ពលរដ្ឋនៅទីក្រុងឡុងដ៍អានព័ត៌មានអំពីការសោយទិវង្គតរបស់ព្រះមហាក្សត្រព្រះបាទ George ទី៦ ព្រះបិតារបស់ព្រះអង្គម្ចាស់ក្សត្រី Elizabeth។
ព្រះអង្គម្ចាស់ក្សត្រី Elizabeth ក្នុងពិធីឡើងគ្រងរាជ្យជា ព្រះមហាក្សត្រីយានី Elizabeth ទី ២ នៅព្រះវិហារ Westminster Abbey ក្នុងរាជធានីឡុងដ៍ ចក្រភពអង់គ្លេស កាលពីថ្ងៃទី២ ខែមិថុនា ឆ្នាំ១៩៥៣។
ព្រះមហាក្សត្រិយានី Elizabeth ទី ២ (ខាងក្រោយ) ក្នុងរូបថតឯកជនជាមួយស្វាមីព្រះអង្គម្ចាស់ Philip និងរាជបុត្រាបុត្រី ព្រះអង្គម្ចាស់ Edward (ឆ្វេង) ព្រះអង្គម្ចាស់ក្សត្រី Anne ព្រះអង្គម្ចាស់ Charles (កណ្តាលខាងមុខ) និងព្រះអង្គម្ចាស់ Andrew នៅរាជដំណាក់ Sandringham របស់អង់គ្លេស កាលពីថ្ងៃទី២ ខែមិថុនា ឆ្នាំ១៩៥៣។
អតីតប្រធានាធិបតីសហរដ្ឋអាមេរិកលោក Gerald Ford រាំជាមួយព្រះមហាក្សត្រីយានី Elizabeth ទី ២ នៅសេតវិមាន កាលពីថ្ងៃទី១៧ ខែកក្កដា ឆ្នាំ១៩៧៦។
ព្រះមហាក្សត្រិយានី Elizabeth ទី ២ និងស្វាមីគឺព្រះអង្គម្ចាស់ Charles បក់ដៃដាក់អ្នកមកស្វាគមន៍ កាលពីថ្ងៃទី១០ ខែសីហា ឆ្នាំ១៩៧៧ នៅទីក្រុង Belfast ដែនដីអៀរឡង់ខាងជើង ជាទីមានចលនាហិង្សាបំបែករដ្ឋ។
អតីតប្រធានាធិបតីអាហ្វ្រិកខាងត្បូងលោក Nelson Mandel ត្រូវអមដំណើរដោយព្រះមហាក្សត្រិយានី Elizabeth ទី ២ នៅព្រះបរមរាជវាំង Buckingham Palace កាលពីថ្ងៃទី៩ ខែកក្កដា ឆ្នាំ១៩៩៦។
ព្រះមហាក្សត្រិយានី Elizabeth ទី ២ និងស្វាមីគឺព្រះអង្គម្ចាស់ Charles ទតកម្រងផ្កាដាក់ថ្វាយព្រះសពព្រះអង្គម្ចាស់ក្សត្រី Diana នៅរាជវាំង Buckingham កាលពីថ្ងៃទី៥ ខែកញ្ញា ឆ្នាំ១៩៩៧។
ព្រះមហាក្សត្រិយានី Elizabeth ទី ២ និងរាជបុត្រ គឺព្រះអង្គម្ចាស់ Charles នៅក្នុងពីធីថ្លែងបើកសភាអង់គ្លេសក្នុងទី ក្រុងឡុងដ៍ កាលពីថ្ងៃទី៨ ខែកញ្ញា ឆ្នាំ២០២២។
ព្រះមហាក្សត្រិយានី Elizabeth ទី ២ ក្នុងព្រះរាជពិធីបុណ្យព្រះសពរបស់ស្វាមីគឺព្រះអង្គម្ចាស់ Charles នៅ Windsor ចក្រភពអង់គ្លេសកាលពីថ្ងៃទី១៧ ខែមេសា ឆ្នាំ២០២១។
ព្រះមហាក្សត្រិយានី Elizabeth ទី ២ និងរាជវង្សានុវង្សក្នុងខួប៧០ឆ្នាំនៃការឡើងគ្រងរាជ្យរបស់ព្រះមហាក្សត្រីយានី នៅរាជវាំង Buckingham កាលពីថ្ងៃទី២ ខែមិថុនា ឆ្នាំ២០២២។
ព្រះមហាក្សត្រិយានី Elizabeth II នៃចក្រភពអង់គ្លេសរង់ចាំទទួលការចូលគាល់របស់លោកស្រី Liz Truss ដែលត្រូវក្លាយជានាយករដ្ឋមន្ត្រីអង់គ្លេសថ្មី នៅប្រាសាទ Balmoral Castle នៅប្រទេសស្កុតលែនរបស់ចក្រភពអង់គ្លេស កាលពីថ្ងៃទី៦ ខែកញ្ញា ឆ្នាំ ២០២២។