ភ្នំពេញ៖ មេដឹកនាំគណបក្សប្រឆាំងនិរទេសខ្លួន លោក សមរង្ស៊ី ថ្លែងថាលោកនឹងវិលត្រឡប់ទៅកាន់ប្រទេសកម្ពុជាវិញនៅមុនការបោះឆ្នោតទូទាំងប្រទេស នៅថ្ងៃទី២៨កក្កដាដែលមានការប្រណាំងប្រជែងគ្នាយ៉ាងក្តៅគគុកនោះ។ គ្រាដែលលោកនៅមានទោសជាប់ពន្ធនាគារចំនួន១១ឆ្នាំនៅឡើយ គេមិនដឹងថាតើ នឹងមានរឿងអ្វីកើតឡើងចំពោះលោក រង្ស៊ីទេ បើសិនជាលោកត្រឡប់ទៅវិញនោះ។
សេចក្តីប្រកាសរបស់លោក សម រង្ស៊ី កាលពីចុងសប្តាហ៍កន្លងទៅនេះថា ការវិលត្រឡប់របស់លោកទៅប្រទេសកម្ពុជាវិញច្បាស់ជានឹងនាំឲ្យអ្នកគាំទ្រគណបក្សសង្គ្រោះជាតិ សប្បាយរីករាយយ៉ាងខ្លាំង។ គណបក្សសង្គ្រោះជាតិ ជាគណបក្សប្រឆាំងចម្រុះដែលបានបង្រួបបង្រួមគ្នាដើម្បីប្រណាំងប្រជែងក្នុងការបោះឆ្នោតខាងមុខនេះ។
ការប្រកាសវិលត្រឡប់ទៅកម្ពុជាវិញនេះ ជាបញ្ហាមួយសម្រាប់លោកនាយករដ្ឋមន្ត្រី ហ៊ុន សែន ដែលជាមេដឹកនាំផ្តាច់ការកាន់អំណាចជាយូរមកហើយ ពីព្រោះរឿងនេះកើតឡើងនៅចំពេលមួយដែលស្ថានការណ៍នយោបាយនៅកម្ពុជា ស្ថិតនៅក្រោមការពិនិត្យមើលយ៉ាងខ្លាំងនោះ។ នៅថ្ងៃអង្គារនេះ សភាសរអានឹងធ្វើសវនាការមួយ ពិនិត្យមើលស្ថានការណ៍នយោបាយដែលមានការរឹតត្បិតនៅក្នុងប្រទេសកម្ពុជា។
លោក សម រង្ស៊ី ដែលនិរទេសខ្លួននៅប្រទេសបារាំងនោះ ធ្លាប់បាននិយាយពីមុនមកថា លោកនឹងត្រឡប់ទៅកម្ពុជាវិញ ប៉ុន្តែមិនបានវិលត្រឡប់ដូចការនិយាយរបស់លោកទេ។ អ្នកវិភាគនយោបាយ លោកស្រី ជា វណ្ណាត ជឿថា លើកនេះមិនដូចពីលើកមុនៗទេ។
«លើកនេះហាក់ដូចជាមិនមែនគ្រាន់តែជាការនិយាយទេ។ លោកធ្លាប់និយាយថា លោកនឹងវិលត្រឡប់មកវិញ ប៉ុន្តែមិនដែលបានធ្វើដូចការនិយាយសោះ។ ប៉ុន្តែលើកនេះ ជាកាលៈទេសៈខុសពីមុន ដូច្នេះលោកប្រហែលជាវិលត្រឡប់មកវិញមែន»។
ក្នុងចំណោមកាលៈទេសៈដែលលោកស្រីសម្គាល់នោះ មានរួមទាំងការកើនចំនួននៃអ្នកបោះឆ្នោតវ័យក្មេងដែលមាននិស្ស័យជាមួយគណបក្សប្រឆាំង ហើយនឹងសុទិដ្ឋិនិយមដែលថាគណបក្សសង្គ្រោះជាតិ នឹងទទួលបានលទ្ធផលល្អក្នុងការបោះឆ្នោត។ ការគាបសង្កត់ពីសំណាក់អន្តរជាតិក៏បានជួយដែរ។
លោក សម រង្ស៊ីបានចាកចេញពីប្រទេសកម្ពុជាកាលពីឆ្នាំ ២០០៩ មុនករណីតុលាការពីរ ដែលជាប់ពាក់ព័ន្ធនឹងរឿងព្រំដែនមិនច្បាស់លាស់ជាមួយប្រទេសវៀតណាម។
តុលាការបានកាត់ទោសលោក សម រង្ស៊ី ឲ្យជាប់ពន្ធនាគារចំនួនពីរឆ្នាំ ក្នុងបទដកតម្រុយបង្គោលព្រំដែនបណ្តោះអាសន្ន និងចំនួន៩ឆ្នាំថែមទៀត ក្នុងបទផ្សព្វផ្សាយព័ត៌មានមិនពិត ក្រោយពីលោកបានបង្ហាញផែនទីមួយ ដែលរដ្ឋាភិបាលបាននិយាយថា មានព្រំដែនខុស។
ទោសជាប់ពន្ធនាគារនេះត្រូវគេមើលឃើញថា ជាកិច្ចប្រឹងប្រែងយ៉ាងឆ្គាំឆ្គងមួយដើម្បីប្រើប្រាស់តុលាការ ដើម្បីរារាំងដល់គូប្រជែងលោក ហ៊ុន សែន ដ៏មានប្រសិទ្ធិភាពម្នាក់។
លោករង្ស៊ីថែមទាំងត្រូវគេដកអភ័យឯកសិទ្ធិសមាជិកសភារបស់លោក ហើយថែមទាំងបានហាមឃាត់មិនឲ្យឈរឈ្មោះនៅក្នុងការបោះឆ្នោតទៀតផង។
លោករង្ស៊ីបានថ្លែងនៅចុងសប្តាហ៍កន្លងទៅនេះថា ការវិលត្រឡប់របស់លោកទៅកម្ពុជាវិញនឹងធ្វើការសាកល្បងមើលនូវការអះអាងរបស់រដ្ឋាភិបាលកម្ពុជា ដែលថាការបោះឆ្នោតនឹងធ្វើឡើងដោយសេរីនិងយុត្តិធ៌មនោះ។
រដ្ឋាភិបាលកម្ពុជានៅតែប្រកាន់ថា ខ្លួនស្វាគមការវិលត្រឡប់មកវិញរបស់លោករង្ស៊ី។ ក៏ប៉ុន្តែអ្នកនាំពាក្យរដ្ឋាភិបាល លោក ផៃ ស៊ីផាន បានថ្លែងនៅថ្ងៃចន្ទនេះថា លោករំពឹងថាតុលាការនឹងអនុវត្តការទទួលខុសត្រូវរបស់ខ្លួន និយាយឲ្យចំទៅគឺថាលោករង្ស៊ីនឹងត្រូវចាប់ខ្លួន ហើយត្រូវជាប់ពន្ធនាគារ។
ប៉ុន្តែការចាប់ខ្លួនមេដឹកនាំគណបក្សប្រឆាំងនឹងធ្វើឲ្យប្រឡាក់កេរ្តិ៍ឈ្មោះរបស់កម្ពុជា នៅលើឆាកអន្តរជាតិ ហើយនឹងធ្វើឲ្យអាម៉ាស់មុខដល់ប្រទេសអ្នកផ្តល់ជំនួយខ្លះ ដែលផ្តល់ជំនួយឲ្យកម្ពុជាយ៉ាងច្រើនក្នុងមួយឆ្នាំៗ។
លោកស្រី ជា វណ្ណាត ថ្លែងថា ការចាប់ខ្លួនលោករង្ស៊ី អាចធ្វើឲ្យលោករង្ស៊ីក្លាយជាទុក្ករបុគ្គល។ លោកស្រីជឿថាអាចមានដំណោះស្រាយមិនឲ្យបាក់មុខមួយ ដែលព្រះមហាក្សត្រសីហមុនី អាចជួយជ្រោមជ្រែងបាន។
លោកស្រីចង្អុលឲ្យឃើញនូវដំណោះស្រាយដែល ព្រះបរមរតនកោដ្ឋ បានជួយជ្រោមជ្រែងនៅពេលដែលព្រះអង្គនៅសោយរាជ្យក្នុងអម្លុងទសវត្សរ៍១៩៩០។
«អាចធ្វើទៅរួច បើសិនជាមានការសម្របសម្រួលដែលមានការចុះពីលើយន្តហោះហើយទៅពន្ធនាគារ។ ហើយបន្ទាប់ពីនោះមក នឹងមានការសម្របសម្រួលមួយទៀតនៅកន្លែងណាមួយ»។
លោកស្រីថ្លែងថា ការធ្វើបែបនេះជាដំណោះស្រាយមួយដែលមានប្រយោជន៍ទាំងសង្ខាង ទោះជានាំឲ្យលោក រង្ស៊ីចូលពន្ធនាគារតែប៉ុន្មានម៉ោងក៏ដោយ។ ហើយត្រូវមានសំណងអ្វីមួយ ហើយក្រោយមកគេអាចប្រើប្រាស់នូវការលើកលែងទោសមួយពីសំណាក់ព្រះមហាក្សត្រ។
«នេះជាលទ្ធភាពមួយ។ ហើយការធ្វើបែបនេះផ្តល់សារៈសំខាន់ច្រើនជាងទៅលើតួនាទីរបស់ព្រះមហាក្សត្រ ជាជាងទៅលើសហគមន៍អន្តរជាតិ ពីព្រោះលោកនាយករដ្ឋមន្ត្រី មានការហ្មួរហ្មងច្រើន បើសិនជាអ្នកណាម្នាក់និយាយថា លោកធ្វើអ្វីមួយដោយសារការដាក់សំពាធអន្តរជាតិនោះ។ លោកមានអារម្មណ៍ថា កម្ពុជាជាប្រទេសមានអធិបតេយ្យភាពមួយ មិនមែនស្ថិតនៅក្រោមសំពាធរបស់ប្រទេសណាមួយទេ។ ដូច្នេះព្រះមហាក្សត្រ មានភាពសមស្របច្រើនជាងសហគមន៍អន្តរជាតិខ្លាំងណាស់»។
គណបក្សប្រឆាំងមានសុទិដ្ឋិនិយមថាលោក សម រង្ស៊ី នឹងវិលត្រឡប់មកវិញនៅមុនថ្ងៃបោះឆ្នោត ហើយថាវត្តមានរបស់លោកនឹងជួយលើកស្ទួយដល់លទ្ធភាពឈ្នះឆ្នោតរបស់ពួកគេ។ ក៏ប៉ុន្តែបើសិនជាលោកផ្លាស់ប្តូរគំនិតរបស់លោកវិញ លោកស្រី ជា វណ្ណាត ថ្លែងថាអ្នកគាំទ្ររបស់លោកជាច្រើន នឹងមានការខកចិត្ត ហើយឆ្នាំ២០១៣ អាចជាឆ្នាំដែលបញ្ចប់នូវអាជីពនយោបាយ ដ៏យូរអង្វែងរបស់លោក៕
ប្រែសម្រួលដោយ ប៉ូច រាសី
សេចក្តីប្រកាសរបស់លោក សម រង្ស៊ី កាលពីចុងសប្តាហ៍កន្លងទៅនេះថា ការវិលត្រឡប់របស់លោកទៅប្រទេសកម្ពុជាវិញច្បាស់ជានឹងនាំឲ្យអ្នកគាំទ្រគណបក្សសង្គ្រោះជាតិ សប្បាយរីករាយយ៉ាងខ្លាំង។ គណបក្សសង្គ្រោះជាតិ ជាគណបក្សប្រឆាំងចម្រុះដែលបានបង្រួបបង្រួមគ្នាដើម្បីប្រណាំងប្រជែងក្នុងការបោះឆ្នោតខាងមុខនេះ។
ការប្រកាសវិលត្រឡប់ទៅកម្ពុជាវិញនេះ ជាបញ្ហាមួយសម្រាប់លោកនាយករដ្ឋមន្ត្រី ហ៊ុន សែន ដែលជាមេដឹកនាំផ្តាច់ការកាន់អំណាចជាយូរមកហើយ ពីព្រោះរឿងនេះកើតឡើងនៅចំពេលមួយដែលស្ថានការណ៍នយោបាយនៅកម្ពុជា ស្ថិតនៅក្រោមការពិនិត្យមើលយ៉ាងខ្លាំងនោះ។ នៅថ្ងៃអង្គារនេះ សភាសរអានឹងធ្វើសវនាការមួយ ពិនិត្យមើលស្ថានការណ៍នយោបាយដែលមានការរឹតត្បិតនៅក្នុងប្រទេសកម្ពុជា។
លោក សម រង្ស៊ី ដែលនិរទេសខ្លួននៅប្រទេសបារាំងនោះ ធ្លាប់បាននិយាយពីមុនមកថា លោកនឹងត្រឡប់ទៅកម្ពុជាវិញ ប៉ុន្តែមិនបានវិលត្រឡប់ដូចការនិយាយរបស់លោកទេ។ អ្នកវិភាគនយោបាយ លោកស្រី ជា វណ្ណាត ជឿថា លើកនេះមិនដូចពីលើកមុនៗទេ។
«លើកនេះហាក់ដូចជាមិនមែនគ្រាន់តែជាការនិយាយទេ។ លោកធ្លាប់និយាយថា លោកនឹងវិលត្រឡប់មកវិញ ប៉ុន្តែមិនដែលបានធ្វើដូចការនិយាយសោះ។ ប៉ុន្តែលើកនេះ ជាកាលៈទេសៈខុសពីមុន ដូច្នេះលោកប្រហែលជាវិលត្រឡប់មកវិញមែន»។
ក្នុងចំណោមកាលៈទេសៈដែលលោកស្រីសម្គាល់នោះ មានរួមទាំងការកើនចំនួននៃអ្នកបោះឆ្នោតវ័យក្មេងដែលមាននិស្ស័យជាមួយគណបក្សប្រឆាំង ហើយនឹងសុទិដ្ឋិនិយមដែលថាគណបក្សសង្គ្រោះជាតិ នឹងទទួលបានលទ្ធផលល្អក្នុងការបោះឆ្នោត។ ការគាបសង្កត់ពីសំណាក់អន្តរជាតិក៏បានជួយដែរ។
លោក សម រង្ស៊ីបានចាកចេញពីប្រទេសកម្ពុជាកាលពីឆ្នាំ ២០០៩ មុនករណីតុលាការពីរ ដែលជាប់ពាក់ព័ន្ធនឹងរឿងព្រំដែនមិនច្បាស់លាស់ជាមួយប្រទេសវៀតណាម។
តុលាការបានកាត់ទោសលោក សម រង្ស៊ី ឲ្យជាប់ពន្ធនាគារចំនួនពីរឆ្នាំ ក្នុងបទដកតម្រុយបង្គោលព្រំដែនបណ្តោះអាសន្ន និងចំនួន៩ឆ្នាំថែមទៀត ក្នុងបទផ្សព្វផ្សាយព័ត៌មានមិនពិត ក្រោយពីលោកបានបង្ហាញផែនទីមួយ ដែលរដ្ឋាភិបាលបាននិយាយថា មានព្រំដែនខុស។
ទោសជាប់ពន្ធនាគារនេះត្រូវគេមើលឃើញថា ជាកិច្ចប្រឹងប្រែងយ៉ាងឆ្គាំឆ្គងមួយដើម្បីប្រើប្រាស់តុលាការ ដើម្បីរារាំងដល់គូប្រជែងលោក ហ៊ុន សែន ដ៏មានប្រសិទ្ធិភាពម្នាក់។
លោករង្ស៊ីថែមទាំងត្រូវគេដកអភ័យឯកសិទ្ធិសមាជិកសភារបស់លោក ហើយថែមទាំងបានហាមឃាត់មិនឲ្យឈរឈ្មោះនៅក្នុងការបោះឆ្នោតទៀតផង។
លោករង្ស៊ីបានថ្លែងនៅចុងសប្តាហ៍កន្លងទៅនេះថា ការវិលត្រឡប់របស់លោកទៅកម្ពុជាវិញនឹងធ្វើការសាកល្បងមើលនូវការអះអាងរបស់រដ្ឋាភិបាលកម្ពុជា ដែលថាការបោះឆ្នោតនឹងធ្វើឡើងដោយសេរីនិងយុត្តិធ៌មនោះ។
រដ្ឋាភិបាលកម្ពុជានៅតែប្រកាន់ថា ខ្លួនស្វាគមការវិលត្រឡប់មកវិញរបស់លោករង្ស៊ី។ ក៏ប៉ុន្តែអ្នកនាំពាក្យរដ្ឋាភិបាល លោក ផៃ ស៊ីផាន បានថ្លែងនៅថ្ងៃចន្ទនេះថា លោករំពឹងថាតុលាការនឹងអនុវត្តការទទួលខុសត្រូវរបស់ខ្លួន និយាយឲ្យចំទៅគឺថាលោករង្ស៊ីនឹងត្រូវចាប់ខ្លួន ហើយត្រូវជាប់ពន្ធនាគារ។
ប៉ុន្តែការចាប់ខ្លួនមេដឹកនាំគណបក្សប្រឆាំងនឹងធ្វើឲ្យប្រឡាក់កេរ្តិ៍ឈ្មោះរបស់កម្ពុជា នៅលើឆាកអន្តរជាតិ ហើយនឹងធ្វើឲ្យអាម៉ាស់មុខដល់ប្រទេសអ្នកផ្តល់ជំនួយខ្លះ ដែលផ្តល់ជំនួយឲ្យកម្ពុជាយ៉ាងច្រើនក្នុងមួយឆ្នាំៗ។
លោកស្រី ជា វណ្ណាត ថ្លែងថា ការចាប់ខ្លួនលោករង្ស៊ី អាចធ្វើឲ្យលោករង្ស៊ីក្លាយជាទុក្ករបុគ្គល។ លោកស្រីជឿថាអាចមានដំណោះស្រាយមិនឲ្យបាក់មុខមួយ ដែលព្រះមហាក្សត្រសីហមុនី អាចជួយជ្រោមជ្រែងបាន។
លោកស្រីចង្អុលឲ្យឃើញនូវដំណោះស្រាយដែល ព្រះបរមរតនកោដ្ឋ បានជួយជ្រោមជ្រែងនៅពេលដែលព្រះអង្គនៅសោយរាជ្យក្នុងអម្លុងទសវត្សរ៍១៩៩០។
«អាចធ្វើទៅរួច បើសិនជាមានការសម្របសម្រួលដែលមានការចុះពីលើយន្តហោះហើយទៅពន្ធនាគារ។ ហើយបន្ទាប់ពីនោះមក នឹងមានការសម្របសម្រួលមួយទៀតនៅកន្លែងណាមួយ»។
លោកស្រីថ្លែងថា ការធ្វើបែបនេះជាដំណោះស្រាយមួយដែលមានប្រយោជន៍ទាំងសង្ខាង ទោះជានាំឲ្យលោក រង្ស៊ីចូលពន្ធនាគារតែប៉ុន្មានម៉ោងក៏ដោយ។ ហើយត្រូវមានសំណងអ្វីមួយ ហើយក្រោយមកគេអាចប្រើប្រាស់នូវការលើកលែងទោសមួយពីសំណាក់ព្រះមហាក្សត្រ។
«នេះជាលទ្ធភាពមួយ។ ហើយការធ្វើបែបនេះផ្តល់សារៈសំខាន់ច្រើនជាងទៅលើតួនាទីរបស់ព្រះមហាក្សត្រ ជាជាងទៅលើសហគមន៍អន្តរជាតិ ពីព្រោះលោកនាយករដ្ឋមន្ត្រី មានការហ្មួរហ្មងច្រើន បើសិនជាអ្នកណាម្នាក់និយាយថា លោកធ្វើអ្វីមួយដោយសារការដាក់សំពាធអន្តរជាតិនោះ។ លោកមានអារម្មណ៍ថា កម្ពុជាជាប្រទេសមានអធិបតេយ្យភាពមួយ មិនមែនស្ថិតនៅក្រោមសំពាធរបស់ប្រទេសណាមួយទេ។ ដូច្នេះព្រះមហាក្សត្រ មានភាពសមស្របច្រើនជាងសហគមន៍អន្តរជាតិខ្លាំងណាស់»។
គណបក្សប្រឆាំងមានសុទិដ្ឋិនិយមថាលោក សម រង្ស៊ី នឹងវិលត្រឡប់មកវិញនៅមុនថ្ងៃបោះឆ្នោត ហើយថាវត្តមានរបស់លោកនឹងជួយលើកស្ទួយដល់លទ្ធភាពឈ្នះឆ្នោតរបស់ពួកគេ។ ក៏ប៉ុន្តែបើសិនជាលោកផ្លាស់ប្តូរគំនិតរបស់លោកវិញ លោកស្រី ជា វណ្ណាត ថ្លែងថាអ្នកគាំទ្ររបស់លោកជាច្រើន នឹងមានការខកចិត្ត ហើយឆ្នាំ២០១៣ អាចជាឆ្នាំដែលបញ្ចប់នូវអាជីពនយោបាយ ដ៏យូរអង្វែងរបស់លោក៕
ប្រែសម្រួលដោយ ប៉ូច រាសី