ភ្នំពេញ —
នៅក្នុងពេលប្រទេសកម្ពុជាកំពុងប្រារព្ធពិធីបុណ្យចូលឆ្នាំប្រចាំឆ្នាំដែលជាទំនៀមទម្លាប់ប្រពៃណីតាំងពីបរមបុរាណក្រុមអ្នករងគ្រោះដោយសារការចាប់យកដីធ្លីនៅតំបន់បឹងកក់មិនភ្លេចពិធីបុណ្យដ៏មានសារៈសំខាន់នេះទេ។
ក៏ប៉ុន្តែពិធីដែលអ្នកភូមិបឹងកក់បានប្រារព្ធនោះគឺពិធីបុណ្យបួងសួងតាមបែបសាសនាដើម្បីឱ្យដោះលែងតំណាងសហជីពនិងក្រុមកម្មករដែលកំពុងជាប់ឃុំនៅពន្ធនាគារត្រពាំងថ្លុងឱ្យមានសេរីភាពវិញ។
ពិធីនេះមានព្រះសង្ឃចំនួន២៧អង្គដើម្បីសូត្រមន្តរំដោះគ្រោះឱ្យជនជាប់ចោទដែលកំពុងជាប់ពន្ធនាគារដែលគិតមកដល់ពេលនេះអស់រយៈពេលជាងបីខែមកហើយ។
អ្នកភូមិបឹងកក់ដែលបានមកចូលរួមពិធីនេះមានចំនួនតិចតួចប៉ុណ្ណោះដោយសារតែពួកគេមួយចំនួនជាប់រវល់រៀបចំពិធីបុណ្យចូលឆ្នាំផ្ទាល់ខ្លួន។ នេះបើតាមការបញ្ជាក់ពីក្រុមអ្នកចូលរួម។
ក្រុមអ្នកចូលរួមបានកាន់ធូបនិងទៀននិងបានបោកក្អមធ្វើពីដីឥដ្ឋចំនួន២៣ដែលតំណាងឱ្យអ្នកទាំង២៣រូបឱ្យមានសេរីភាពវិញ។
ពួកគេបាននិយាយថា៖ «សូមឱ្យអ្នកទាំង២៣នាក់ដោះលែងឱ្យមានសេរីភាពវិញនៅថ្ងៃទី២៥នេះ»។
តុលាការក្រុងភ្នំពេញនៅថ្ងៃទី២៥ខាងមុខនេះនិងបើកសវនាការពេញអង្គដើម្បីសេចក្តីលើករណីលោក វ៉ន ពៅ ប្រធានសហព័ន្ធសហជីពនៃសេដ្ឋកិច្ចក្រៅប្រព័ន្ធ សកម្មជនបឹងកក់ និងក្រុមកម្មករចំនួន២៣នេះ។
អ្នកស្រី ទេព វន្នី តំណាងអ្នកភូមិបឹងកក់មានប្រសាសន៍ថាពិធីបុណ្យតាមបែបសាសនាគឺដើម្បីលើករាសី និង រំដោះគ្រោះដល់ប្រជាពលរដ្ឋដែលរងគ្រោះដោយសារដីធ្លីក្តី ប្រជាពលរដ្ឋដែលរងគ្រោះនូវភាពអយុត្តិធម៌ក្នុងប្រទេសកម្ពុជានិងអ្នកទាំង២៣នាក់ឱ្យទទួលបានយុត្តិធម៌ក្នុងពេលឆាប់ៗខាងមុននេះ។
អ្នកស្រីនិយាយថា៖ «មូលហេតុដោយសារតែពួកយើងគឺជាប្រជាពលរដ្ឋដែលរងគ្រោះដោយភាពអយុត្តិធម៌ហើយគ្មានការយកចិត្តទុកដាក់ណាមួយពីរដ្ឋាភិបាល អញ្ចឹងរាល់សកម្មភាពដែលយើងធ្វើការតស៊ូមតិគឺយើងផុសចេញពីការឈឺចាប់និងឆន្ទៈរបស់ពួកយើងពិតប្រាកដ។ អញ្ចឹងនៅពេលពួកខ្ញុំទៅស៊ូគឺយើងមានយុទ្ធសាស្ត្រប្លែកៗចៀសវាងនូវការប្រើប្រាស់អំពើហិង្សា»។
ភរិយាលោក វ៉ន ពៅ និងក្រុមគ្រួសារកម្មករមួយចំនួនផ្សេងទៀតមិនបានចូលរួមទេលើកលែងតែអ្នកភូមិបឹងកក់តែប៉ុណ្ណោះដែលមានវត្តមានក្នុងពិធីនោះ។
ព្រះតេជគុណ ប៊ុត សុវណ្ណ គង់នៅវត្តបក្សីចាំក្រុងខេត្តពោធិ៍សាត់មានសង្ឃដីកាថា អ្នករងគ្រោះទាំងអស់អាចនឹងទទួលបានយុត្តិធម៌ក្នុងឱកាសបុណ្យចូលឆ្នាំថ្មីនេះ។
ព្រះអង្គបានបញ្ជាក់ថា៖ «សេចក្តីល្អរបស់ពុទ្ធបរិស័ទដែលគាត់បានប្រារព្ធនេះសូមឱ្យអ្នកទាំង២៣រូបក៏ដូចជាអ្នករងគ្រោះជាច្រើន ជាបន្តបន្ទាប់នោះសុំឱ្យគាត់មានយុត្តិធម៌ ទទួលបានយុត្តិធម៌នៅក្នុងសង្គមដូចជាមនុស្សដទៃទៀតដែរ»។
លោក វ៉ន់ ពៅ និងក្រុមកម្មករចំនួន២២នាក់ផ្សេងទៀតត្រូវបានចាប់ខ្លួនដាច់ដោយឡែកៗពីគ្នាកាលពីដើមខែមករានៅរោងចក្រយ៉ាកជីងនិងសួនឧស្សាហកម្មកាណាឌីយ៉ា។ក្នុងខណៈពេលដែលក្រុមកម្មករបានទាមទារឱ្យដំឡើងប្រាក់បៀវត្សរ៍ឱ្យបានដល់១៦០ដុល្លារនៅក្នុងមួយខែ។
ក្នុងការទាមទាររបស់ក្រុមកម្មករមិនទាន់បានសម្រេចផងកងកម្លាំងមានសមត្ថកិច្ចរបស់រដ្ឋាភិបាលបានបាញ់បង្ក្រាបដោយអំពើហិង្សាដែលបានបណ្តាលឱ្យមានកម្មករស្លាប់យ៉ាងហោចណាស់ចំនួន៤នាក់ រងរបួសជាច្រើននាក់ និងបានចាប់ខ្លួនដាក់ពន្ធនាគារចំនួន២៣នាក់។
មានជនជាប់ចោទតែពីរនាក់ប៉ុណ្ណោះក្នុងចំណោម២៣នាក់ត្រូវបានតុលាការសម្រេចដោះលែងឱ្យនៅក្រៅឃុំជាបណ្តោះអាសន្ន៕
ក៏ប៉ុន្តែពិធីដែលអ្នកភូមិបឹងកក់បានប្រារព្ធនោះគឺពិធីបុណ្យបួងសួងតាមបែបសាសនាដើម្បីឱ្យដោះលែងតំណាងសហជីពនិងក្រុមកម្មករដែលកំពុងជាប់ឃុំនៅពន្ធនាគារត្រពាំងថ្លុងឱ្យមានសេរីភាពវិញ។
ពិធីនេះមានព្រះសង្ឃចំនួន២៧អង្គដើម្បីសូត្រមន្តរំដោះគ្រោះឱ្យជនជាប់ចោទដែលកំពុងជាប់ពន្ធនាគារដែលគិតមកដល់ពេលនេះអស់រយៈពេលជាងបីខែមកហើយ។
អ្នកភូមិបឹងកក់ដែលបានមកចូលរួមពិធីនេះមានចំនួនតិចតួចប៉ុណ្ណោះដោយសារតែពួកគេមួយចំនួនជាប់រវល់រៀបចំពិធីបុណ្យចូលឆ្នាំផ្ទាល់ខ្លួន។ នេះបើតាមការបញ្ជាក់ពីក្រុមអ្នកចូលរួម។
ក្រុមអ្នកចូលរួមបានកាន់ធូបនិងទៀននិងបានបោកក្អមធ្វើពីដីឥដ្ឋចំនួន២៣ដែលតំណាងឱ្យអ្នកទាំង២៣រូបឱ្យមានសេរីភាពវិញ។
ពួកគេបាននិយាយថា៖ «សូមឱ្យអ្នកទាំង២៣នាក់ដោះលែងឱ្យមានសេរីភាពវិញនៅថ្ងៃទី២៥នេះ»។
តុលាការក្រុងភ្នំពេញនៅថ្ងៃទី២៥ខាងមុខនេះនិងបើកសវនាការពេញអង្គដើម្បីសេចក្តីលើករណីលោក វ៉ន ពៅ ប្រធានសហព័ន្ធសហជីពនៃសេដ្ឋកិច្ចក្រៅប្រព័ន្ធ សកម្មជនបឹងកក់ និងក្រុមកម្មករចំនួន២៣នេះ។
អ្នកស្រី ទេព វន្នី តំណាងអ្នកភូមិបឹងកក់មានប្រសាសន៍ថាពិធីបុណ្យតាមបែបសាសនាគឺដើម្បីលើករាសី និង រំដោះគ្រោះដល់ប្រជាពលរដ្ឋដែលរងគ្រោះដោយសារដីធ្លីក្តី ប្រជាពលរដ្ឋដែលរងគ្រោះនូវភាពអយុត្តិធម៌ក្នុងប្រទេសកម្ពុជានិងអ្នកទាំង២៣នាក់ឱ្យទទួលបានយុត្តិធម៌ក្នុងពេលឆាប់ៗខាងមុននេះ។
អ្នកស្រីនិយាយថា៖ «មូលហេតុដោយសារតែពួកយើងគឺជាប្រជាពលរដ្ឋដែលរងគ្រោះដោយភាពអយុត្តិធម៌ហើយគ្មានការយកចិត្តទុកដាក់ណាមួយពីរដ្ឋាភិបាល អញ្ចឹងរាល់សកម្មភាពដែលយើងធ្វើការតស៊ូមតិគឺយើងផុសចេញពីការឈឺចាប់និងឆន្ទៈរបស់ពួកយើងពិតប្រាកដ។ អញ្ចឹងនៅពេលពួកខ្ញុំទៅស៊ូគឺយើងមានយុទ្ធសាស្ត្រប្លែកៗចៀសវាងនូវការប្រើប្រាស់អំពើហិង្សា»។
ភរិយាលោក វ៉ន ពៅ និងក្រុមគ្រួសារកម្មករមួយចំនួនផ្សេងទៀតមិនបានចូលរួមទេលើកលែងតែអ្នកភូមិបឹងកក់តែប៉ុណ្ណោះដែលមានវត្តមានក្នុងពិធីនោះ។
ព្រះតេជគុណ ប៊ុត សុវណ្ណ គង់នៅវត្តបក្សីចាំក្រុងខេត្តពោធិ៍សាត់មានសង្ឃដីកាថា អ្នករងគ្រោះទាំងអស់អាចនឹងទទួលបានយុត្តិធម៌ក្នុងឱកាសបុណ្យចូលឆ្នាំថ្មីនេះ។
ព្រះអង្គបានបញ្ជាក់ថា៖ «សេចក្តីល្អរបស់ពុទ្ធបរិស័ទដែលគាត់បានប្រារព្ធនេះសូមឱ្យអ្នកទាំង២៣រូបក៏ដូចជាអ្នករងគ្រោះជាច្រើន ជាបន្តបន្ទាប់នោះសុំឱ្យគាត់មានយុត្តិធម៌ ទទួលបានយុត្តិធម៌នៅក្នុងសង្គមដូចជាមនុស្សដទៃទៀតដែរ»។
លោក វ៉ន់ ពៅ និងក្រុមកម្មករចំនួន២២នាក់ផ្សេងទៀតត្រូវបានចាប់ខ្លួនដាច់ដោយឡែកៗពីគ្នាកាលពីដើមខែមករានៅរោងចក្រយ៉ាកជីងនិងសួនឧស្សាហកម្មកាណាឌីយ៉ា។ក្នុងខណៈពេលដែលក្រុមកម្មករបានទាមទារឱ្យដំឡើងប្រាក់បៀវត្សរ៍ឱ្យបានដល់១៦០ដុល្លារនៅក្នុងមួយខែ។
ក្នុងការទាមទាររបស់ក្រុមកម្មករមិនទាន់បានសម្រេចផងកងកម្លាំងមានសមត្ថកិច្ចរបស់រដ្ឋាភិបាលបានបាញ់បង្ក្រាបដោយអំពើហិង្សាដែលបានបណ្តាលឱ្យមានកម្មករស្លាប់យ៉ាងហោចណាស់ចំនួន៤នាក់ រងរបួសជាច្រើននាក់ និងបានចាប់ខ្លួនដាក់ពន្ធនាគារចំនួន២៣នាក់។
មានជនជាប់ចោទតែពីរនាក់ប៉ុណ្ណោះក្នុងចំណោម២៣នាក់ត្រូវបានតុលាការសម្រេចដោះលែងឱ្យនៅក្រៅឃុំជាបណ្តោះអាសន្ន៕