បទសម្ភាសន៍VOA៖ កវីជនជាតិអូស្ត្រាលីលោក Scott Bywater សរសេរកំណាព្យពណ៌នាពីកម្ពុជា

លោក Scott Bywater ជាជនជាតិអូស្ត្រាលីម្នាក់មានដើមកំណើតនៅក្រុង Hobart រដ្ឋ Tasmania។ លោកបានមកដល់ប្រទេសកម្ពុជាក្នុងឆ្នាំ ២០០៨ ហើយបានធ្វើការងានៅអង្គជំនុំជម្រះវិសាមញ្ញកម្ពុជាអស់រយៈពេលបីឆ្នាំ។ បច្ចុប្បន្ន លោកជាកវីនិពន្ធ និងជាអ្នកចម្រៀងនៅតាមបារបារាំងនានាក្នុងរាជធានីភ្នំពេញ។ ការចំណាយពេលជាច្រើនឆ្នាំនៅកម្ពុជាជាកត្តាមួយដែលជំរុញចិត្តលោកឲ្យសរសេរកំណាព្យជាច្រើន ពណ៌នាពីទិដ្ឋភាពប្រចាំថ្ងៃផ្សេងៗ ក្នុងរាជធានីភ្នំពេញ។ លោក ណឹម សុភ័ក្រ្តបញ្ញា នៃ VOA បានជួបសម្ភាសន៍ជាមួយលោក Scott Bywater ពីសៀវភៅកំណាព្យរបស់លោក ការនិពន្ធ និងអំពីប្រទេសកម្ពុជា៕