ក្រុមអាល់កៃដាក្នុងឈូងសមុទ្រអារ៉ាប់បានគំរាមសម្លាប់ចំណាប់ខ្មាំងអាមេរិកាំង ម្នាក់បើសិនណាសហរដ្ឋអាមេរិកមិនបានបំពេញតាមលក្ខខណ្ឌរបស់ពួកគេក្នុងរយៈពេល បីថ្ងៃ។
នៅក្នុងខ្សែអាត់វីដេអូដែលដាក់បង្ហោះកាលពីថ្ងៃព្រហស្បតិ៍ បុរសម្នាក់ ឈ្មោះ Luke Somers និយាយថាជីវិតរបស់លោកស្ថិតនៅក្នុងសភាពគ្រោះថ្នាក់។ ហើយបានបញ្ជាក់តាមខ្លឹមសារដើមថា«ខ្ញុំស្វែងរកជំនួយទាំងឡាយដែលអាច ធ្វើឲ្យខ្ញុំរួចខ្លួនពីស្ថានភាពនេះ»។
ជនជាតិអាមេរិកាំងដើមកំណើតអង់គ្លេស អាយុ៣៣ឆ្នាំ គឺលោក Somers ត្រូវចាប់ពង្រត់ដោយក្រុមខ្មាន់កាំភ្លើងក្នុងក្រុង សាណាអា ជាងមួយឆ្នាំមកហើយ។ លោកធ្វើការជាអ្នកកាសែតថតរូបជាច្រើនឆ្នាំក្នុងប្រទេសយេម៉ែន។
ក្រសួងការពារជាតិសរអានិយាយថាលោក Somers គឺជាចំណាប់ខ្មាំងដែល គេរំពឹងថាអាចនឹងជួយសង្គ្រោះបានកាលពីខែមុន។ ក្រុមឧទ្ទាមបានចាប់ចំណាប់ខ្មាំងយកប្រាក់លោះរាប់ពាន់លានដុល្លារក្នុង១ឆ្នាំៗ និងការទាមទារមិនឲ្យមាន ការវាយប្រហារលើពួកគេផងដែរ៕
