អ្វីដែលត្រូវដឹងអំពីការជជែកដេញដោលរវាងបេក្ខជនប្រធានាធិបតីអាមេរិកលើកដំបូងនៅឆ្នាំ ២០២៤

ប្រធានាធិបតី លោក Joe Biden និង​អតីត​ប្រធានាធិបតី លោក Donald Trump បាន​យល់ព្រម​លើ​ការជជែក​ដេញដោល​ចំនួនពីរ​ដែល​ឈាន​ទៅ​ដល់​ការបោះឆ្នោតជាតិ​នៅ​ខែវិច្ឆិកា។ វា​អាច​ជាពេលវេលា​ដ៏​សំខាន់​មួយ​សម្រាប់​បេក្ខជន​ទាំងពីរ ដោយសារ​ការស្ទង់​មតិ​ថ្នាក់​ជាតិ​បង្ហាញ​ថា ពួកគេ​ទទួល​បាន​ការគាំទ្រ​ស្ទើរតែ​ស្នើគ្នា ក្នុង​ឆ្នាំ​ដែល​អ្នកបោះឆ្នោត​ជាច្រើន​បាន​និយាយ​ថា ពួកគេ​មិនទាន់​សម្រេច​ចិត្ត ឬ​មិន​ពេញចិត្ត​នឹង​ជម្រើស​របស់​ពួកគេ។ សម្រាប់​ការជជែកដេញដោល​លើក​ទី​មួយ បេក្ខជន​នឹង​ជួបប្រជុំគ្នា​នៅ​ទីក្រុង Atlanta រដ្ឋ Georgia ក្រោម​គោលការណ៍​ណែនាំ​ដ៏​តឹងរ៉ឹង​ជាង​ការ​ជជែក​ដេញដោល​ឆ្នាំ២០២០ របស់​ពួកគេ ដើម្បី​ជៀស​វាង​ការ​រំខាន ពេល​និយាយ និង​រក្សា​ឲ្យ​ការពិភាក្សា​មាន​ភាព​គួសម។