កាលពីដើមខែមករា រដ្ឋបាលខេត្តពោធិ៍សាត់បានចេញសេចក្តីណែនាំឱ្យប្រជាកសិករផ្អាកការបង្កបង្កើនផលស្រូវក្នុងរដូវប្រាំង ដោយថា ប្រជាកសិករបាននាំគ្នាធ្វើស្រែប្រាំងកើនផ្ទៃដីជិត ២ដង នៃផែនការប្រើប្រាស់ទឹក ដែលមានន័យថា ទឹកក្នុងស្ទឹងនិងប្រឡាយមិនអាចផ្គត់ផ្គង់គ្រប់គ្រាន់។ កសិករ​មួយចំនួនប្រាប់វីអូអេថាពួកគេខាតបង់ថវិកា ខណៈបារម្ភអំពីបញ្ហាជំពាក់បំណុល ដោយសារខ្វះទឹកសម្រាប់ស្រោចស្រពស្រែ។ លោក ស៊ុន ណារិន រាយការណ៍ឲ្យវីអូអេពីខេត្តពោធិ៍សាត់៕