វ៉ាស៊ីនតោន៖ រាជរដ្ឋាភិបាលកម្ពុជាបានកំណត់យកឆ្នាំ២០១៣ជាឆ្នាំនៃការប្រយុទ្ធប្រឆាំងនឹងអំពើពុករលួយ។ នេះជាការបន្ថែមទៅនឹងសកម្មភាពបោសសម្អាតក្នុងពេលកន្លងមកដែលមានការចាប់មន្ត្រីជាន់ខ្ពស់ក្នុងរដ្ឋាភិបាលមួយចំនួន ដូចជាមន្រ្តីតុលាការនិងមន្ត្រីក្នុងជួរកងកម្លាំងប្រដាប់អាវុធជាដើម។ ហើយនេះជាការប្រកាសដ៏ក្លាហានមួយរបស់រដ្ឋាភិបាលកម្ពុជាក្នុងការខិតខំវះកាត់ដំបៅសង្គមដែលបានរួតរឹតប្រទេសនេះជាយូរមកហើយ។
នៅយប់នេះលោក សន ជ័យ តំណាងប្រចាំប្រទេសកម្ពុជានៃបណ្តាញរួបរួមដើម្បីគណនេយ្យភាពសង្គមអាស៊ីបូព៌ានិងបាស៊ីហ្វិកបានចូលរួមជាវាគ្មិនកិត្តិយស។ លោកនឹងបកស្រាយបន្ថែមពីការយល់ឃើញរបស់លោកទាក់ទងទៅនឹងយុទ្ធនាការនេះនិងក៏បញ្ជាក់ឱ្យដឹងថាពលរដ្ឋកម្ពុជាមានតួរនាទីដូចម្តេចក្នុងការចូលរួម។
លោកសន ជ័យបានចូលរួមយុទ្ធនាការក្នុងការប្រឆាំងអំពើពុករលួយតាមរយៈការអប់រំប្រជាពលរដ្ឋនិងបង្កើតបណ្តាញក្នុងការតាមដានអំពើពុករលួយផងដែរ។ លោកបានធ្វើការការងារបានល្អជាមួយនឹងមន្ត្រីរដ្ឋាភិបាលផងដែរ។