លោក ឈិត សូផាត៖ ការបម្រើរាស្រ្តបានល្អនាំមកនូវភាពជោគជ័យ
សង្កាត់លេខ ១ ក្រុងព្រះសីហនុ ខេត្តព្រះសីហនុ មាន ១១ អាសនៈសម្រាប់ក្រុមប្រឹក្សាឃុំសង្កាត់។ សម្រាប់ការបោះឆ្នោតឃុំសង្កាត់អាណត្តិទី ៥ គណបក្សនយោបាយចំនួន ៦ បានចូលរួមប្រកួតប្រជែងតំណែងជាក្រុមប្រឹក្សាសង្កាត់លេខ១ នេះ។ លទ្ធផលបឋមបង្ហាញថា គណបក្សតែ ២ ប៉ុណ្ណោះបានទទួលអាសនៈនៅក្នុងសង្កាត់នេះ នោះគឺគណបក្សប្រជាជនកម្ពុជាទទួលបាន ៩ អាសនៈ និងគណបក្សភ្លើងទៀនបាន ២ អាសនៈ។ អ្នកស្រី ធីតា វីន បានសម្ភាសន៍លោក ឈិត សូផាត ដែលបានជាប់ឆ្នោតបន្តជាចៅសង្កាត់លេខ ១ ក្រុងព្រះសីហនុ ខេត្តព្រះសីហនុ។ លោក ឈិត សូផាត បានឲ្យដឹងថា ទោះបីជាលទ្ធផលមិនបានទទួលជោគជ័យ ១០០ ភាគរយក៏ដោយ ក៏នេះនៅតែជាលទ្ធផលគួរជាទីគាប់ចិត្តដែរ៕