វីអូអេ ៦០ អាមេរិក៖ ព្រឹត្តិការណ៍អំពីសហរដ្ឋអាមេរិកសម្រាប់ថ្ងៃទី៤ ខែមិថុនា ឆ្នាំ២០២៤

លោកប្រធានាធិបតី Joe Biden នឹងចេញបទបញ្ជាប្រធានាធិបតីនៅថ្ងៃអង្គារនេះ ដែលនឹងបិទព្រំដែនអាមេរិក-ម៉ិកស៊ិកនៅពេលដែលមានមនុស្សចូលលើសពី២.៥០០នាក់ក្នុងមួយថ្ងៃ។ រដ្ឋមន្ត្រីការពារជាតិលោក Lloyd Austin ធ្វើទស្សនកិច្ចទៅប្រទេសកម្ពុជានៅថ្ងៃអង្គារនេះក្នុងអំឡុងពេលមានកង្វល់អំពីវត្តមានចិននៅមូលដ្ឋានទ័ពជើងទឹករាម។ គណៈវិនិច្ឆ័យចូលស្ដាប់សវនាការឧក្រិដ្ឋកម្មសហព័ន្ធករណីកូនប្រុសប្រធានាធិបតីគឺលោក Hunter Biden។ នេះគឺជាកម្មវិធីវីអូអេ ៦០ អាមេរិកសម្រាប់ថ្ងៃទី៤ ខែមិថុនា ឆ្នាំ២០២៤៕