ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

អគ្គ​លេខា​ធិការ​អ.ស.ប.​និយាយ​ថា វា​ជា​សោកនាដកម្ម​ដែល​ពិភព​លោក​ខ្វះ​វិធី​សាស្ត្រ​រួម​ក្នុង​ការ​ប្រឆាំង​ជំងឺ​កូវីដ១៩


រូបឯកសារ៖ លោក Antonio Guterres ថ្លែង​ក្នុង​សន្និសីទ​សារព័ត៌មាន នៅ​ឯ​ស្នាក់​ការ​កណ្ដាល​នៃ​សហភាព​អាហ្វ្រិក កាល​ពី​ខែ​មករា ២០២០។

លោក​អគ្គលេខា​ធិការ​អង្គការ​សហ​ប្រជាជាតិ បាន​និយាយ​នៅ​ក្នុង​កិច្ច​សម្ភាសន៍​ជា​ មួយ​ទូរទស្សន៍ ​BBC​ ថា​ វា​ជា​ «សោកនាដកម្ម​មួយ​ដែល​ពួក​មេដឹក​នាំ​ពិភព​លោក​ មិន​អាច​រួប​រួម​គ្នា​ដើម្បី​ប្រឈម​ជាមួយ​នឹង​ជំងឺ​កូរវីដ​១៩​ ក្នុង​របៀប​ដែល​មាន​ការ​សម្រប​សម្រួល​គ្នា»។

លោក​អគ្គលេខាធិការ​អង្គការ​សហប្រជាជាតិ Antonio Guterres​ បាន​មាន​ប្រសាសន៍​ថា៖ «ប្រទេស​នីមួយៗ ​បាន​ធ្វើ​ទៅ​តាម​គោល​នយោបាយ​ផ្ទាល់​របស់​ខ្លួន​ ប្រទេស​ខុសៗ​គ្នា មាន​ទស្សនៈ​វិស័យ យុទ្ធសាស្រ្ត​ខុសៗ​គ្នា​ហើយ​ការណ៍​នេះ​ បាន​ធ្វើ​ឲ្យ​វីរុស​នោះ​រាលដាល»។

លោក​បាន​និយាយ​ទៀត​ថា៖ «ជា​ការ​ពិត​ យើង​ខ្វះ​ការ​ដឹកនាំ​នៅ​ក្នុង​ការ​ប្រយុទ្ធ​ប្រឆាំង​វីរុស​កូរ៉ូណា»។លោក​បាន​ជំរុញ​ឲ្យ​ប្រទេស​សំខាន់​របស់​ពិភព​លោក​រួប​រួម​គ្នា​ហើយ​នឹង​មាន​យុទ្ធសាស្រ្ត​រួម​ហើយ​បន្ទាប់​មក​អនុវត្ត​សម្រាប់​សហគមន៍​អន្តរជាតិ​ទាំង​មូល»។

អង្គការ​សហប្រជាជាតិ ប៉ាន់​ស្មាន​ថា ពលរដ្ឋ​ពិភព​លោក​ចំនួន​៨​ភាគ​រយ​ ប្រហែល​៥០០​លាន​នាក់ អាច​ធ្លាក់​ចូល​ក្នុង​ភាព​ក្រីក្រ​នៅ​ចុង​ឆ្នាំ​នេះ​ ពីព្រោះ​តែ​ការ​បំផ្លិច​បំផ្លាញ​ដោយ​ធ្វើ​ឡើង​ដោយ​វីរុស​កូរ៉ូណា​នេះ។

សាកលវិទ្យាល័យ ​Johns Hopkins ​របស់​សហរដ្ឋ​អាមេរិក​ បាន​ប្រាប់​ឲ្យ​ដឹង​នៅ​ព្រឹក​ថ្ងៃ​សុក្រ​នេះ​ថា​ មាន​ការ​ឆ្លង​៣​លាន​២​សែន​ករណី​នៅ​ទូទាំង​ពិភព​លោក​ដោយ​មាន​មនុស្ស​ស្លាប់​ជាង​២សែន​៣ម៉ឺ​៣ពាន់​នាក់។

សហរដ្ឋ​អាមេរិក​នាំ​មុខ​ពិភព​លោក​ក្នុង​ករណី​ឆ្លង​និង​ស្លាប់។ សាកល​វិទ្យាល័យ Johns Hopkins បាន​ប្រាប់​ឲ្យ​ដឹង​ទៀត​ថា​ សហរដ្ឋ​អាមេរិក​ មាន​ជាង​១លាន​ករណី​នៃ​ជំងឺ​កូវីដ១៩ ​ដែល​មាន​ប្រហែល​១​ភាគ​៣​នៃ​ចំនួន​សរុប​របស់​ពិភព​លោក។មនុស្ស​ជាង​៦ម៉ឺន៣ពាន់​នាក់​បាន​ស្លាប់​នៅ​ក្នុង​សហរដ្ឋ​អាមេរិក​ដោយសា​មេរោគ​កូរ៉ូណា​នោះ។

ប្រទេស​ជា​ច្រើន​នៅ​ក្នុង​តំបន់​អឺរ៉ុប​ បាន​ចាប់​ផ្តើម​បើក​សេដ្ឋកិច្ច​ជាបណ្តើៗ​ឡើង​វិញ​រួច​ហើយ​ឬ​មាន​គម្រោង​បើក​សេដ្ឋកិច្ច​ឡើង​វិញ​ក្នុង​ប៉ុន្មាន​ថ្ងៃ​ទៀត​នេះ។ សេដ្ឋកិច្ច​ក្នុង​តំបន់​ប្រើ​ប្រាក់​អឺរ៉ូ បា​ន​ធ្លាក់​ចុះ​ ៣,៨ ភាគរយ​ក្នុង​ត្រីមាស​ទី១នៃ​ឆ្នាំ​នេះ។

ក្នុង​ខណៈ​នោះ​ដែរ លោក​ Makhail Mishustin ​នាយក​រដ្ឋ​មន្រ្តី​នៃ​ប្រទេស​រុស្ស៊ី បាន​ប្រកាស​កាល​ពី​ព្រហស្បតិ៍​ថា លោក​បាន​ធ្វើ​តេស្ត​មាន​មេរោគ​កូរ៉ូណា​វិជ្ជមាន៕

XS
SM
MD
LG